Danieli 11:27 - ÎVUKU RÎA ÛVORO MWARO

²⁷ Athamaki acio aîrî nîmagaacoka marîcanîre vamwe, nwatî wa oîrî makaaveenanagia na makathugundaga maûndû macûku megiî ûrîa wîngî. Nwatî gûtirî mûvango wanarî ûmwe ûkaavinga, nîûndû kavinda ka guo gatikeethîrwa karî gakinyu.

Danieli 11:27 ပူးပေါင်းရင်းမြစ်များ

2Sam 13:26

Abusalomu nîwacokire akîîra mûthamaki atîrî, “Ethîrwa tî mûka, îra wanarî mûrwaiya Amunoni tûthiî nake.” Nake mûthamaki nîwamûûririe atîrî, “Ûrenda kûthiî nake nîkî?”

Thaburi 12:2

Wa mûndû nîaveenagia ûrîa wîngî, maveenanagia makînyûrûranagia.

Thaburi 52:1

We njamba îno ya mûndû, wîtîîaga nîûndû wa wîvia waku nîkî? Ntha cia Ngai nî cia tene na tene.

Thaburi 58:2

Naarî! Mwîciragia tu wa ûrîa mûngîka maûndû macûku, na nîmwîkaga maûndû ma kûvinyanîrîria vûrûrirî.

Thaburi 62:9

Andû onthe mekariî ta mîvevû tu; andû arîa marî îgweta na arîa matarî îgweta matirî vata. Ûngîmathima ûrito na kîthimi, matirî ûrito; onthe marî vamwe nîavûthû gûkîra mîvevû.

Thaburi 64:6

Mavangaga mîvango yao mîcûku na makauga atîrî, “Nîtwavanga mûvango mwaro.” Maûndû ma nthitho methagîrwa marî ngororî na meciriarî ma mûndû.

Nthi 12:20

Andû arîa mavangaga maûndû macûku mecûrîtwe nî maveeni ngororî ciao, nwatî arîa mavangaga maûndû maro marî gîkeno.

Nthi 19:21

Mûndû ethagîrwa arî na mîvango mîîngî ngororî yake, nwatî wendi wa Ngai-Mûnene nîguo wîkîkaga.

Nthi 26:23

Ciugo mbaro ciarîtue nî mûndû ûtarî mwîvokeku, nîta ta sîlûva îvakîtwe nyûngûrî ya yûmba.

Ezek 17:9

“Kwoguo nie Ngai-Mûnene nîraûria kana mûthavibu ûcio nîûgaakûra? Anga tîgûkûrwa ûgaakûrwa mîri yaguo na ûtemangwe maciaro maguo nîguo more na maûme, namo mathangû maguo marîa methî wanamo maûme? Gûtikaaûrua mûndû ûrî na vinya kana gîkundi Kîam andû eengî a gûûkûûra vamwe na mîri yaguo.

Danieli 10:1

Mwaka wa kathatû Cairasi arî mûthamaki wa Perisi, Danieli, ûrîa watuîrîrwe rîîtwa Beliteshazaru, nîwaguûrîrue ndûmîrîri. Ndûmîrîri îo yarî ya ma, nwatî yarî nyûmû mûno, na ndîereekaga. Danieli nîwereithirue ûrîa ndûmîrîri îo yaugaga na njîra ya kîoneki.

Danieli 11:28

Mûthamaki wa Sîria nîagaacoka vûrûri wake na indo cionthe irîa aatavîte arî mbaararî. Nwatî meciriarî make, akethîrwa akîthugunda ûrîa agûcûkangia ndini ya andû a Ngai. Ke nîageka ûrîa akenda, akînacoka vûrûrirî wake.

Danieli 11:29

“Vîndî îrîa yagîrîrîte yakinya, nî akaathithûkîra Misiri rîngî, nwatî ndakaavootana ta ûrîa aavootanire rita rîa mbere.

Danieli 11:35

Atongoria amwe arîa aûgî nî makaaûragwa. Vuva wa ûguo andû acio engî nî makaatherua macerûve ta îra. Ûndû ûcio nîûkaathiî na mbere nginya mavinda ma mûthiia marîa Ngai avarîrîtie.

Danieli 11:40

Rîrîa kavinda ka mûthiia ka mûthamaki wa Sîria gagaakinya, nîakaatharîkîrwa nî mûthamaki wa Misiri. Nwatî mûthamaki wa Sîria nîakeyûmîrîria arûe nake, amûtharîkîre na ikaari cia mbarathi, athigari arîa mathiîcaga mekarîrîte mbarathi na meri nyîngî. Nî akaatharîkîra mavûrûri mengî, na amavatîrîrie ta ûrîa mwîcûro wa manjî wîkaga.

Danieli 8:17

Gaburieli nîwaûkire na akîrûngama varîa naarî. Nînavavûkire mûno nginya ngîgwa nthî. Nwatî Gaburieli nîwambîrire atîrî, ‘We mûndû ûyû, menya atî maûndû mau wonire megiî mavinda ma mûthiia.’

Danieli 8:19

Nîwambîrire atîrî, ‘Taroria, nîngûkûmenyaithia maûndû marîa magekîka kuumana na marakara ma Ngai. Kîoneki kîu kîgiî mavinda ma mûthiia.

Habakuku 2:3

Kîoneki gîkî gîetererete vîndî îrîa mbagîrîru yakîo; nî kîoneki Kîam ma kîonanagia maûndû ma mûthiia. Ethîrwa nîmaronekana magîcererwa, meterere; nama nîmagûkinya na tîmacererwa.

Ciîko 1:7

Nake Jesû nîwamerire atîrî, “Tî ûvoro wenyu kûmenya ciathî na mavinda irîa Vava atuîte ke mwene na wathani wake.

Ciîko 17:31

nîûndû nîatuîte mûthenya ûrîa agaatuîra andû onthe a nthî arî na kîvooto. Ke ageeka ûguo na njîra ya mûndû ûrîa athuurîte, na nîwonetie andû onthe atî ûvoro ûcio nî wa ma na njîra ya kûriûkia mûndû ûcio!”

1Ath 5:1

Ariû na aarî a îthe wetû, gûtirî na vata ya kûmwandîkîra ûvoro wîgiî ciathî na mavinda marîa maûndû mama magekîka.