Danieli 11:26 - ÎVUKU RÎA ÛVORO MWARO

²⁶ Andû arîa marî vakuvî mûno nake nîmagaacaria njîra ya kûmûûraga. Athigari ake a mbaara nîmakaathirua na engî ao maûragwe.

Danieli 11:26 ပူးပေါင်းရင်းမြစ်များ

2Atha 8:14

Hazaeli nîwaumire kûrî Elisha na agîcoka rîngî kûrî mwathi wake, na mwathi wake akîmûria atîrî, “Elisha auga atîa?” Nake Hazaeli nîwamûcokerie atîrî, “Ambîra nama, nîûkûvona.”

Thaburi 41:9

Wana mûrata wakwa ûrîa mûnene na ûrîa nevokete mûno, ûrîa twarîcanagîra irio nake, nîangarûrûkîte.

Danieli 11:10

“Anake a mûthamaki wa Sîria nîmakevarîria mbaara na magomanie vamwe athigari eengî mûno a mbaara. Athigari acio nî makaathiî na matharîkîre kûrîa kîgitîre kwa nthû ciao.

Danieli 11:22

Athigari a mbaara arîa makaaregana nake, wana ethîrwa nî mûthînjîri-Ngai mûnene; nî makaaûragwa mathirue viû.

Danieli 11:40

Rîrîa kavinda ka mûthiia ka mûthamaki wa Sîria gagaakinya, nîakaatharîkîrwa nî mûthamaki wa Misiri. Nwatî mûthamaki wa Sîria nîakeyûmîrîria arûe nake, amûtharîkîre na ikaari cia mbarathi, athigari arîa mathiîcaga mekarîrîte mbarathi na meri nyîngî. Nî akaatharîkîra mavûrûri mengî, na amavatîrîrie ta ûrîa mwîcûro wa manjî wîkaga.

Mathaayo 26:23

Nake Jesû nîwamacokerie atîrî, “Ûmwe gatagatîrî kenyu ûrîa ûravokanîria mûgate thuvurî vamwe nanie nîke ûkûnjukanîrîra.

Maariko 14:20

Nake Jesû nîwamacokerie atîrî, “Nî ûmwe gatagatîrî kenyu mue îkûmi na aîrî ûrîa ûravokanîria mûgate thuvurî vamwe nanie.

Johana 13:18

“Nie ndiraria ûvoro ûmwîgiî muonthe. Nîmbîcî nî andû arîkû nthuurîte. Nwatî nwa nginya mandîko matheru mavinge marîa maugîte atî, ‘Mûndû ûrîa twarîcanîre mûgate nake nîke wacokire kûngarûrûka.’