Danieli 11:20 - ÎVUKU RÎA ÛVORO MWARO

²⁰ “Mûthamaki wîngî nîagaaûka na athane vuva wake. Mûthamaki ûcio nîagaatûma mwîtia mbia cia gooti nîguo avinyîrîrie andû kûruta gooti nîguo ongerere ûtonga wa ûthamaki wake. Nwatî kavinda gatarî karaca, mûthamaki ûcio nî akaaûragwa. Nwatî ndakaaûragîrwa mbaararî kana aûragîrwa andû makîonaga.”

Danieli 11:20 ပူးပေါင်းရင်းမြစ်များ

2Atha 23:35

Mûthamaki Jehoiakimu nîwaûnganirie gooti ya sîlûva na thaavu kuuma kûrî andû nîguo avote kûgîa na gooti mbîganu ûrîa mûthamaki wa Misiri eendaga. Wa mûndû aarutaga kûringana na ûtonga wake.

Nthi 30:33

Ûngîthukathuka îriia riumaga maguta, ûngîringa mûndû îniûrû, riuraga nthakame, ûngîtûma andû marakare, nî kûgîcaga ngucanio.

Isaia 60:17

“Vandû va gîcango ngaakûretere thaavu, vandû va cuuma ngûretere sîlûva, vandû va mîtî ngûretere gîcango, na vandû va mathiga ngûretere cuuma. Nîngaatûma wathagwe na thayû, na ûtucagîrwe na kîvooto.

Danieli 11:21

Mûraika nîwathiîre na mbere kuga atîrî, “Nîgûgaaûka mûthamaki wîngî wa Sîria mûcûku. Mûthamaki ûcio ndakethîrwa arî na kîvooto Kîam gûtuîka mûthamaki. Agaaûka atakûmenyekana na oce wathani na njîra ya wara.

Danieli 11:7

Vuva wa kavinda kanini mûndû ûmwe kuuma mûvîrîgarî wa mwîrîtu ûcio nî agaatuîka mûthamaki, na nî akaatharîkîra athigari a mbaara a mûthamaki wa Sîria na atonye nginya kûrîa kwirigîre na amavoote.

Habakuku 1:1

Îno nî ndûmîrîri îrîa Ngai-Mûnene aaguûrîrie mûrathi Habakuku.