Ciîko 9:2 - ÎVUKU RÎA ÛVORO MWARO

² na agîtia maarûa cia kûmûmenyithania mavoerorî marîa maarî îtûûrarî rîa Damesiki, nîguo angîona arûmîrîri a njîra ya Mwathani, arûme kana aka, amanyite na amacokie Jerusalemu.

Ciîko 9:2 ပူးပေါင်းရင်းမြစ်များ

Kîam 14:15

Arî kûu, Aburamu nîwagaanirie andû ake a mbaara ikundi, na makîthithûkîra nthû ciao ûtukû. Ke na njamba ciake nîmaavootire andû acio makîmavinyûria makîmakinyia nginya Hoba mwena wa rûgûrû wa Damesiki.

Isaia 17:1

Îno nî ndûmîrîri ya Ngai-Mûnene îgiî Damesiki. “Damesiki ndîgaatuîka îtûûra rîngî; îgaatuîka îganjo.

Jeremia 49:23

Ûvoro wîgiî Damesiki Ngai-Mûnene arauga atîrî, “Andû a matûûra ma Hamathi na Aripadi nîmamakîte, nîûndû nîmeguîte maûndû macûku. Marainaina nî guoya, ta îria rîkinaiana, na rîtingîvorera.

Mathaayo 10:17

Îîmenyagîrîreni nîûndû andû nîmakaamûnyita na mamûvire ciamarî cia athuuri, na mamûrive mûrî mavoerorî mao.

Johana 14:6

Nake Jesû nîwamûcokerie atîrî, “Nie nînie njîra, nînie ûvoro wa ma, na nînie mwoyo. Gûtirî mûndû ûthiîcaga kûrî Vava atavîtûkîrîrîte kûrî nie.”

Ciîko 18:25

Ke nîwathomithîtue ûvoro wîgiî Njîra ya Mwathani. Vîndî cionthe ke eethagîrwa ecûrîtwe nî wendi wa kwaria na kûthomithania na njîra îrîa mbaro ûma wîgiî Jesû. Nwatî Apolo aaicî tu ûvatithio wa Johana.

Ciîko 19:23

Na îvindarî rîu kûu Efeso nîkwagîre na mathîna meengî mûno nîûndû wa Njîra ya Mwathani.

Ciîko 19:9

Nwatî Ayahudi amwe nîmaaûmirie ngoro ciao makîrega gwîtîkia na magîcambîrîria Njîra ya Mwathani andû onthe makîgucaga. Kwoguo Paûlo nîwamatigire, agîoca arutwa makîthiî nao nyombarî ya kûthomithîria andû ya mûndû wetagwa Tairano. Na wa mûthenya wa mûthenya Paûlo nîwaranagîria na andû kuo

Ciîko 24:14

Nwatî ûndû ûrîa ngwîtîkîra nî atîrî: Nie ngoocaga Ngai wa methe metû ma tene nîrî mûrûmîrîri wa Njîra ya Jesû. Ayahudi maugaga atî Njîra îo nî ya maveeni. Wana nîmbîtîkîtie maûndû monthe marîa mandîkîtwe Wathorî wa Musa na mavukurî ma arathi.

Ciîko 24:22

Feliki nîwamenyete waro ûvoro wîgiî Njîra ya Mwathani. Kwoguo nîwatîririe ciira îo na akîmeera atîrî, “Nie ngaatua ciira îno yenyu rîrîa Lîsia mûnene wa mbûtû ya athigari a Roma akaanyûrûrûka aûke gûkû.”

Ciîko 26:10

Na ûguo nîguo nekire nîrî Jerusalemu. Nînaverwe ûvoti nî anene a athînjîri-Ngai na nînaikirie andû eengî a Ngai njeera. Na rîrîa andû acio a Ngai maatuîrîrwe kûûragwa, nînetîkanirie na ûvoro ûcio.

Ciîko 26:12

“Na nîrî na mworoto ûcio Nînathiîre Damesiki mbathîtwe na mvetwe ûvoti nî anene a athînjîri-Ngai.

Ciîko 6:9

Nwatî andû amwe arîa maarî a îvoero rîrîa rîtagwa (rîa andû oovore) nîmaambîrîrie gûkararania nake. Amwe maaumîte Kurene na Alekisandiria. Nao engî maaumîte Kilikia na Asia.

Ciîko 7:19

Mûthamaki ûcio nîwatungîre andû etû gîkuru na akîatha methe metû ma tene matiganîrie twana twao twa tûkenge nja nîguo tûkue.

Ciîko 9:14

Rîu ke nîarîkîtie gûka gûkû Damesiki. Nao anene a athînjîri-Ngai nîmamûvete wathani wa kûnyita mûndû wa wonthe ûrîa ûkûgoocaga.”

Ciîko 9:21

Nao andû onthe arîa maamwîgwire nîmaamakire mûno na makîûrania atîrî, “Na kinthî mûndû ûyû tîke ûrîa ûrarî Jerusalemu, na nîke ûraûragaga andû arîa magoocaga mûndû ûcio wîtagwa Jesû? Wana kinthî ke twake ûraûkire gûkû nîûndû wa gîtûmi wa kîu gîa kûnyita arûmîrîri acio a Jesû akîmacokagia kûrî anene a athînjîri-Ngai?”

2Akor 11:32

Rîrîa naarî Damesiki, mûndû ûrîa wathanaga vandûrî va mûthamaki Areta nîwaigire athigari ivingorî cia îtûûra nîguo manyite.

Agal 1:17

Wa na ndiathiî Jerusalemu kwona arîa maatuîkîte atûmwa mbere yakwa. Vandû va ûguo, naathiîre Arîbia na vuvarî ngîcoka Damesiki rîngî.