Ciîko 8:7 - ÎVUKU RÎA ÛVORO MWARO

⁷ Andû eengî kûu maarî na ngoma, nacio nîciaumire kûrî o igîkaaga na mûgambo mûnene. Wana andû eengî arîa maarî cionje na ithua nîmaavonirue.

Ciîko 8:7 ပူးပေါင်းရင်းမြစ်များ

Isaia 35:6

Cionje nîikaarûgarûga ta ngûrûngû, nao andû arîa matarî ûvoti wa kwaria nîmakaaina makenete. Manjî nîmakaatherûka werûrî, natuo tûrûnjî nîtûkaanyûrûrûka werûrî;

Mathaayo 10:1

Jesû nîwetire arutwa ake îkûmi na aîrî vamwe, akîmava wathani wa kûrutûrûra ngoma, na kûvonia mîrimû na wonje wa mîthemba yonthe.

Mathaayo 11:5

Atumumu nîmarona, ithua nîirathiî, andû arîa marwarîte mûrimû wa ngothi nîmaratherua, îtegua nîiregua, arîa akuû nîmarariûkua, nao athîni nîmaravunjîrua Ûvoro Mwaro.

Mathaayo 4:24

Nayo ngumo yake nîyatambire vûrûrirî wonthe wa Sîria. Kwoguo andû nîmaamûvirîre andû onthe arîa maarî arwaru na maarî na mîrimû ya mîthemba yonthe: ndaimono, kîvava na kwonja ciîga cia mwîrî. Jesû nîwamavonirie onthe.

Maariko 9:26

Nayo ngoma îo nîyaugîrîrie, îkinainia kamwana kau na vinya, na îkiuma kûrî ko. Nako kamwana kau nîkaamamire vau ta kimba na andû eengî makaugaga atî nî gakuû.

Luka 10:17

Nao arutwa arîa mîrongo mûgwanja na aîrî nîmaacokire makenete na makîra Jesû atîrî, “Mwathani, wana nginya ngoma nîiratwathîkagîra rîrîa twaciatha na rîîtwa rîaku!”

Johana 14:12

Nie nîramwîra na ma atî: mûndû wa wonthe ûmbîtîkagia ageekaga maûndû ta marîa mbîkaga, na ageekaga maûndû wana manene gûkîra mama nîûndû nînîrathiî kûrî Vava.

Ciîko 5:16

Nao andû eengî nîmaaûkire maumîte matûûrarî marîa maarigicîrîtie Jerusalemu. Maakinyire makuuîte andû ao arîa maarî arwaru na arîa maarî na ngoma, na onthe makîvonua.

Ciîko 8:6

Nao andû eengî marî na ngoro îmwe, nîmaathikagîrîria waro mûno vîndî îrîa Filipu aaragia na nîmoonaga ciama irîa ke aaringaga.

Ahib 2:4

Ngai wanake nîwongerere ûira wake îgûrû rîao na njîra ya kûringa ciama na morirû ma mîthemba yonthe, na iveo cia Roho Mûtheru irîa aaveere andû kûringana na wendi wake.