Ciîko 8:4 - ÎVUKU RÎA ÛVORO MWARO

⁴ Nao etîkia onthe arîa maanyagarûkire nîmaathiîre kûndû kuonthe makîvunjagia ûvoro mwaro.

Ciîko 8:4 ပူးပေါင်းရင်းမြစ်များ

Mathaayo 10:23

Na rîrîa mue mûkaanyarirwa mûrî îtûûrarî rîmwe, mûkaaûra mûthiî îtûûrarî rîrîa rîngî. Nîramwîra na ma atî mûtikaarîkia wîra wenyu matûûrarî monthe ma Isiraeli Mûrû wa Mûndû atarî mûku.

Luka 1:2

Maandîkire kûringana na ûrîa twîrîtwe ûvoro nî andû arîa moonire maûndû mama kuuma wa Kîammbîrîria na andû arîa maavunjagia ndûmîrîri ya Ngai.

Ciîko 11:19

Nao etîkia nîmaanyaganirie nîûndû wa kûnyariirwa kûrîa kwagîîre kuo vîndî îrîa Stefano aarîkirie kûûragwa. Amwe gatagatîrî kao nîmaathiîre nginya magîkinya Foenike, Kuporo na Antiokia. Nao maathiîre kûu kuonthe makîvunjagia ndûmîrîri kûrî Ayahudi onga.

Ciîko 15:35

Nwatî Paûlo na Baranaba nîmeekarire kwa îvinda kûu Antiokia, na marî vamwe na andû engî eengî nîmaathomithanirie na makîvunjia kiugo Kîam Mwathani.

Ciîko 8:1

Saûlo nîwetîkîre atî kûûragwa kwa Stefano nîkwagîrîrîte. Mûthenya wa ûcio kanitha nîyambîrîrie kûnyarirwa mûno kûu Jerusalemu. Nao etîkia onthe, tiga atûmwa, nîmaanyagarûkire mavûrûrirî ma Judea na Samaria kuonthe.

Ciîko 8:12

Nwatî rîrîa Filipu aamavunjîrie Ûvoro Mwaro wîgiî Ûthamaki wa Ngai na wîgiî Jesû Kristû, arûme wana aka nîmeetîkirie ndûmîrîri îo na makîvatithua.

1Ath 2:2

Mbere ya gûka nîmwîcî ûrîa twanyaririrwe na tûkîrumwa tûrî Filipi. Nwatî wana gûtuîka nîtwakararirue mûno, Ngai wetû nîwatûvere ûmîrîru wa kûmûvunjîria ûvoro wake mwaro.