Ciîko 8:23 - ÎVUKU RÎA ÛVORO MWARO

²³ Nie nînîrona atî we nîwîcûrîtwe nî wîru na nîwovetwe nî wîvia.”

Ciîko 8:23 ပူးပေါင်းရင်းမြစ်များ

Isaia 58:6

“Kwînyerekia kûrîa kûngenagia nî gûkû: kûthengutia mînyororo ya gûkinyanîrîria na ya kwimana kîvooto; kûrekereria andû arîa akinyîrîrie, na kûthengutia mînyororo ya mîthemba yonthe.

Nthi 5:22

Mevia ma mûndû ûrîa mwaganu mamûnyitaga ta mûtego, na anyitagwa nîguo wa akîvagia.

Ahib 12:15

Îîmenyerereni mûndû ndagate wega wa Ngai. Gûtikethîrwe kûrî na mûndû ûgûtuîka ta mûtî mûrûrû ûrîa ûkûraga na ûgatûma kûgîe na mathîna meengî nî ûndû wa ûrogi waguo.

Johana 8:34

Nake Jesû nîwamerire atîrî, “Nîramwîra na ma atî, mûndû wa wonthe wîvagia, nî ngombo ya wîvia.

2Pet 2:19

Nîmameragîra wîyathi, nwatî o ene methagîrwa marî ngombo cia mîtugo îrîa îcûkangagia. Nîûndû mûndû ethagîrwa arî ngombo ya kîndû kîrîa kîmûkîragia ûvoti.

2Pet 2:4

Ngai ndeeguîra araika arîa meevirie ntha, nwatî nîwamaikirie îcuarî kûrîa maigîtwe ndumarî movetwe na mînyororo metererete mûthenya wa îtuîro.

Tito 3:3

Nîûndû vîndî îmwe tue ene twarî ariitu, aremi, na nîtwekaga naaî. Tue twarî ngombo cia merirîria marîa macûku, na mîago ya mîthemba yonthe. Twatûûraga tûrî aganu na tûkîgucanagîra wîru. Andû nîmaatûmenete na wanatue nîtwamamenete.

Maca 3:19

Ngai-Mûnene, ririkana mathîna na ûrûrû wakwa, ûcûkîte ta ûrûrû wa ûrogi.

Maca 3:5

Ke anjîgîrîrîtie na mbarî cionthe, na ûrûrû na mînyamaaro.

Jeremia 9:15

Kwoguo Ngai-Mûnene mwene vinya wonthe, Ngai wa Isiraeli arauga atî: Nîngaava andû aya mîtî mîrûrû marîe na nîmave manjî marî na ûrogi manyue.

Jeremia 4:18

Ciîko cienyu na mîthiîre yenyu, nîyo îkûreterete maûndû mama; ûcio nîguo mûthiro na nî mûrûrû; ûtonyete nginya ngororî yaku ndaarî.”

Isaia 28:22

Kwoguo, mue mûtikarie ciugo njûku, nîûndû mûngîka ûguo nîmûkoovwa na vinya. Nîûndû nîmbîguîte Ngai-Mûnene mwene vinya wonthe akiuga nîatuîte gûcûkangia vûrûri wonthe.

Thaburi 116:16

We Ngai-Mûnene, nie nîrî ndungata yaku; ndungata yaku, mwana wa ndungata yaku ya mûndûmûka. We nîûnjovorete mînyororo yakwa.

Ayubu 20:14

nwatî maamerûka maakinya îvurî nîmarûraga, kûrî ke methagîrwa mekariî ta ûrogi wa njoka.

Aefeso 4:31

Thiriani marûrû, marakara na mang'ûrîka. Mûtikanatetie wana kana mûrume andû arîa engî. Mûtikanamene mûndû wana ûrîkû.