Ciîko 8:1 - ÎVUKU RÎA ÛVORO MWARO

¹ Saûlo nîwetîkîre atî kûûragwa kwa Stefano nîkwagîrîrîte. Mûthenya wa ûcio kanitha nîyambîrîrie kûnyarirwa mûno kûu Jerusalemu. Nao etîkia onthe, tiga atûmwa, nîmaanyagarûkire mavûrûrirî ma Judea na Samaria kuonthe.

Ciîko 8:1 ပူးပေါင်းရင်းမြစ်များ

Nehemia 6:3

Nînatûmire anjaama kûrî o makerwe atîrî, “Nînîraruta wîra wa vata ndingîvota gûka. Kûrî na vata ûrîkû wîra ûrûngame nîûtiganîrîtie wa nîguo mbûke kûrî mue.?”

Danieli 6:10

Rîrîa Danieli amenyire atî watho nîwekîrwa kîrore nî mûthamaki, nîwathiîre nyomba gwake na agîtwa ngorovarî akîthiî kanyombarî karîa kaarî na ndirica cierekerete Jerusalemu. Wata ûrîa aamenyerete, nîwaturirie maru na akîambîrîria kûvoya na gûcokia ngatho kûrî Ngai maita mathatû wa mûthenya.

Danieli 6:23

Nake mûthamaki nîwakenire mûno, na akîathana atî Danieli aguucue arutwe îrimarî rîa mînyambû. Nake nîwarutirwe kuo atarî mûtivie wanarî vandû, nîûndû nîwevokete Ngai wake.

Mathaayo 22:6

Andû acio engî nao maanyitire ndungata icio, magîciîka maûndû ma ûûra nthoni na magîciûraga.

Mathaayo 23:34

Kwoguo, nîngaamûtûmîra arathi, andû aûgî na arimû. Amwe nîmûkaamaûraga, engî mûmambe mûtîrî na acio engî mûmarivîre mavoerorî na ivoko; mûcoke mûmengate kuuma îtûûra rîmwe kûthiî rîrîa rîngî.

Mathaayo 5:13

“Mue mwîkariî ta cumbî kûrî andû onthe a nthî. Nwatî cumbî îngîtiga gûcama ta cumbî, nîndûî kîngîtûma îcame cumbî rîngî? Cumbî îo ndîrî vata, nîkwa îtecagwa na îgakinyangwa nî andû.

Johana 15:20

Taririkanani ûrîa namwîrire atî: ‘Gûtirî ngombo nene gûkîra mûmîathi.’ Angîthîrwa andû nîmaanyaririre, wa namue nîmakaamûnyarira. Ethîrwa nîmaathîkîre ciugo ciakwa, wana nginya cienyu nîmagaaciathîkîra.

Johana 16:2

Mue nîmûkaarutûrûrwa mavoerorî. Nako kavinda nîgagaakinya karîa mûndû wa wonthe ûrîa ûkûmûraga ageeciria atî agîka ûguo nî Ngai aratungatîra.

Ciîko 1:8

Nwatî rîrîa Roho Mûtheru agaaûka kûrî mue, nî mûkaagîa na vinya na mûtuîke aira akwa Jerusalemu, Judea kuonthe na Samaria wana mîthiia yonthe ya nthî.”

Ciîko 13:1

Kanitharî wa Antiokia nîkwarî na arathi na arimû aya: Baranaba, Simioni (ûrîa wetagwa Mwirû), Lukio (wa kuuma Kurene), na Manaini (ûrîa wareranîrîtue vamwe na Herode ûrîa warî mûnene), na Saûlo.

Ciîko 13:36

Vîndî îrîa Daudi aarî mwoyo, nîwavingirie wendi wa Ngai. Ke nîwacokire agîkua na akîthikwa, na mwîrî wake ûkîorera mbîrîrarî.

Ciîko 2:47

Nîmaakumagia Ngai na nîmeendetwe nî andû onthe. Na wa mûthenya wa mûthenya Mwathani nîwongagîrîra gîkundirî Kîam etîkia andû arîa ke aavonokagia.

Ciîko 22:20

O nwa maicî waro atî nie naarî vo vîndî îrîa Stefano, ûrîa warî mûira waku, aaûragirwe. Nie nînetîkanirie na ûndû ûcio. Nao arîa maamûûragire nînaamanyitîre magooti mao.’

Ciîko 26:10

Na ûguo nîguo nekire nîrî Jerusalemu. Nînaverwe ûvoti nî anene a athînjîri-Ngai na nînaikirie andû eengî a Ngai njeera. Na rîrîa andû acio a Ngai maatuîrîrwe kûûragwa, nînetîkanirie na ûvoro ûcio.

Ciîko 5:18

Nîmaanyitire atûmwa na makîmavingîra njeera îrîa yavingagîrwa andû onthe.

Ciîko 5:20

“Thiîni mûrûngame hekarûrî na mwîre andû maûndû monthe megiî mûtûûrîre ûyû mûcerû.”

Ciîko 5:33

Rîrîa akîama acio meegwire ûguo, nîmaarakarire mûno na makîenda kûûraga atûmwa.

Ciîko 5:40

Nîmeerire atûmwa matonye, makîmarivithia, makîmakaania matigaacoke kwaria na rîîtwa rîa Jesû, na makîmarekereria.

Ciîko 7:38

Musa ûcio nwake warî vamwe na andû a Isiraeli vîndî îrîa maagomanîte werûrî. Ke aarî kûu werûrî vamwe na methe metû ma tene na mûraika ûrîa wamwarîrie arî îgûrû Kîrîmarî gîa Sinai. Nake nîwamûkîre ndûmîrîri îrî mwoyo ya Ngai na agîtûkinyîria yo.

Ciîko 7:54

Rîrîa athuuri a Kîama meegwire Stefano akîaria maûndû mau, nîmaarûmithanirie magego nî kûrakara.

Ciîko 7:58

Nao nîmaamûrutûrûrire kûu îtûûrarî rîu înene na makîmûriva na mathiga. Nao aira nîmaatigire kanjû ciao imenyereretwe nî mwanake wetagwa Saûlo.

Ciîko 8:14

Nao atûmwa arîa maarî Jerusalemu nîmegwire atî andû a Samaria nîmaamûkîrîte kiugo Kîam Ngai. Kwoguo atûmwa acio nîmaatûmire Petero na Johana kûrî o.

Ciîko 8:2

Nao etîkia amwe meetîkîtie Ngai mûno nîmaathikire Stefano makîmûrîragîra mûno.

Ciîko 8:4

Nao etîkia onthe arîa maanyagarûkire nîmaathiîre kûndû kuonthe makîvunjagia ûvoro mwaro.

Ciîko 8:5

Filipu nîwathiîre îtûûrarî rîrîa rîarî rînene viû vûrûrirî wa Samaria na akîvunjîria andû arîa maarî kuo ûvoro wîgiî Mesaya.

Ciîko 9:31

Kwoguo kanitha ya kûu kuonthe Judea, Galili na Samaria nîyekarire îrî na thayû. Nayo îgîtethagîrîrua nî Roho Mûtheru nîyagîre na vinya na îkîthiî na mbere gûkûra îkîongererekaga îrî na wîtigîri wa Mwathani.

Aroma 1:32

Nîmaicî atî Watho wa Ngai ugîte atî arîa onthe mekaga maûndû ma waganu magîrîrwe nî gûkua. Nwatî nîmathiîcaga na mbere na kûmeka na kûgathîrîria andû arîa mekaga maûndû ta mau.

Afil 1:12

Ariû na aarî a îthe wetû, nîrenda mûmenye atî maûndû marîa mekîkîte kûrî nie nîmandethereretie gûtambia ûvoro mwaro.

Ahib 11:27

Wîtîkio nîguo watûmire Musa auma Misiri atagwîtigîra marakara ma mûthamaki. Nîwaregire gûcoka na akîthiî na mbere takwa onete Ngai ûrîa ûtonekaga.