Ciîko 7:5 - ÎVUKU RÎA ÛVORO MWARO

⁵ Ngai ndaagaîra Iburahimu wa naarî îkinyo rîmwe rîa vûrûri ûcio. Nwatî Ngai nîwamwîrîre nîakûmûva vûrûri ûcio nîguo ûtuîke wake na wa njiarwa ciake, wana ethîrwa vîndî îo Iburahimu ndaarî na ciana.

Ciîko 7:5 ပူးပေါင်းရင်းမြစ်များ

Kîam 12:7

Nake Ngai-Mûnene nîwaumîrîre Aburamu na akîmwîra atîrî, “Vûrûri ûyû nîngaaûvecana kûrî njiarwa ciaku.” Kwoguo Aburamu nîwatumîre Ngai-Mûnene ûcio wamumîrîrîte metha ya kîgongoona vau.

Kîam 13:15

We vamwe na njiarwa ciaku nîngaamûva vûrûri wonthe ûcio mûrona, nîguo ûtuîke wenyu tene na tene.

Kîam 15:18

Mûthenya ûcio Ngai-Mûnene nîwarûthire kîrîkanîro na Aburamu na akiuga atîrî, “Nie nîngaava njiarwa ciaku vûrûri ûyû wonthe, kuuma mûvakarî wa Misiri nginya rûnjîrî rwa Farati.

Kîam 16:2

Sarai nîwerire Aburamu atîrî, “Rîu nîûrona atî Ngai-Mûnene nîamvingîte nda ndikagîe na ciana. Nîkwa ûtangîmama na ndungata îno yakwa ya mwîrîtu, na yavota kûnjiarîra ciana?” Aburamu nîwetîkîrire ûrîa eerirwe nî Sarai.

Kîam 17:8

Nîngaakûva vûrûri ûyû mûgeni ûtûûraga ûtuîke waku vamwe na njiarwa ciaku. Vûrûri wonthe wa Kanaani ûgaatuîka wa njiarwa ciaku tene na tene na nîngaatuîka Ngai wao.”

Kîam 23:4

“Nie nîrî mûgeni na ndûûraga gûkû kwenyu. Kwoguo menderieni kîthaka nîguo mone vandû nîngîthika Sara mûka wakwa.”

Kîam 26:3

Tûûra vûrûrirî ûyû na ngethagîrwa nîrî vamwe nawe na nîngaakûrathima. Nîngaakûva vûrûri ûyû wonthe, we na njiarwa ciaku, na nîngaavingia kîîranîro gîakwa kîrîa neerîre Iburahimu na mwîvîtwa.

Nehemia 9:8

Nîwonire atî ke nîwakwîvokete, na ûkîthondeka kîrîkanîro nake. Nîwamwîrire atî nî ûkaamûva vûrûri wa Kanaani, vûrûri wa Aperizi, na wa Ajebusi, wana vûrûri wa Agirigashi. Wonthe ûgîtuîka vûrûri ûrîa njiarwa ciaku igaatûûra. Nîûndû we ûrî mwîvokeku, nîwavingirie kîîranîro kîu.

Ezek 33:24

“Mûndû, andû arîa matûûraga matûûrarî marîa momomoku vûrûrirî wa Isiraeli maugaga atî, ‘Iburahimu aarî mûndû ûmwe tu, na vûrûri ûyû wonthe warî wake. Tue tûrî eengî na kwoguo tûrîave vûrûri ûyû ûtuîke wetû.’

Gûco 10:11

Nîwacokire akîmbîra, ‘Ûkîra ûthiî na mbere na rûgendo rwaku ûtongoretie andû nginya makinye na megwatîre vûrûri ûrîa nerîîre methe mao na mwîvîtwa atî nîngaamava.’

Gûco 11:9

Namue nîmûgaatûûra kavinda karaca vûrûrirî ûcio wîcûrîte îriia na ûûkî, vûrûri ûrîa Ngai-Mûnene eerîrîre methe menyu wa vamwe na njiarwa ciao atî nîakaamava.

Gûco 2:5

Nwatî mûtikarûe nao nîûndû nie ndikaamûva wanarî îkinyo rîmwe rîa vûrûri wao. Nie nîmvete njiarwa cia Esaû vûrûri wa Edomu ûtuîke wao.

Gûco 34:4

Ngai-Mûnene nîwacokire akîra Musa atîrî, “Ûyû nîguo vûrûri ûrîa nerîîre Iburahimu, Isaka na Jakovu na mwîvîtwa atî, nîngaava njiarwa ciao. Nînagwîtîkîria ûwone na metho, nwatî ndigaagwîtîkîria ûkinye kuo.”

Gûco 9:5

Ngai-Mûnene Ngai wenyu nîamwîtîkîria mwoce vûrûri wao tî nîûndû wa ûrîa mûrî athingu kana mwîkaga maûndû maro, nwatî nîamengata nîûndû nî aganu, na nîguo avingie kîrîkanîro kîrîa eerîre methe menyu na Iburahimu, Isaka na Jakovu na mwîvîtwa.