Ciîko 6:8 - ÎVUKU RÎA ÛVORO MWARO

⁸ Stefano ecûrîtwe nî vinya na wega wa Ngai, nîwaringire ciama nene na agîka maûndû meengî ma magegania gatagatîrî ka andû.

Ciîko 6:8 ပူးပေါင်းရင်းမြစ်များ

Johana 4:48

Jesû nîwerire karani ûcio atîrî, “Gûtirî mûndû wana ûmwe gatagatîrî kenyu ûgeetîkia atonete ciama na morirû.”

Ciîko 6:10

Nwatî Roho nîwavere Stefano ûûgî mwîngî wa kwaria ûndû matangîavotire kûmûkararia.

Ciîko 6:15

Nao andû onthe arîa maarî Kîammarî nîmaaroririe Stefano na vinya na makîona ûthiû wa Stefano wîkariî ta wa mûraika.

Ciîko 6:3

Kwoguo, ariû na aarî a Îthe wetû gatagatîrî kenyu thuurani arûme mûgwanja marî na ngumo mbaro, mecûrîtwe nî Roho Mûtheru na marî na ûûgî mwîngî. Tue nîtûkûmava wîra ûcio marute.

Ciîko 6:5

Nao etîkia onthe nîmaakenerere woni ûcio. Kwoguo nîmaathuurire Stefano, mûndû warî na wîtîkio mwîngî na wecûrîtwe nî Roho Mûtheru, na Filipu, na Prokoru, Nikanoru, Timoni, Paraminasi na Nikola, mûûrûrîrî ûrîa waumîte Antiokia na wagarûrûkîte agatuîka Mûyahudi.

Ciîko 7:55

Nwatî Stefano ecûrîtwe nî Roho Mûtheru, nîwaroririe îgûrû akîona riiri wa Ngai na Jesû arûngamîte mwena wa ûrîo wa Ngai.

Ciîko 8:6

Nao andû eengî marî na ngoro îmwe, nîmaathikagîrîria waro mûno vîndî îrîa Filipu aaragia na nîmoonaga ciama irîa ke aaringaga.

Aefeso 4:11

Ke nîke wavecanire iveo kûrî andû. Aathuurire amwe matuîke atûmwa, engî matuîke arathi, engî matuîke avunjia a Ûvoro Mwaro na engî matuîke arîthi na arimû.

1Tim 3:13

Atungati arîa marutaga wîra wao waro, nîmethondekagîra ngumo mbaro, na nîmavotaga kwaria marî na ûmîrîru ûvororî wîgiî gwîtîkia Jesû Kristû.