Ciîko 5:9 - ÎVUKU RÎA ÛVORO MWARO

⁹ Kwoguo Petero nîwamwîrire atîrî, “We na mûthuuri waku mûrarîkanîre mûgerie Roho wa Mwathani nîkî? Tathikîrîria! Arîa marathiîte kûthika mûthuuriguo rîu marî ava mûrangorî maûkîte na wa nawe nîmagûkûruta nja magûkuuîte.”

Ciîko 5:9 ပူးပေါင်းရင်းမြစ်များ

Kîam 20:13

Vîndî îrîa Ngai aatûmire nthame nyume kwa vava mûciî, nînerire Sara atîrî, ‘Kûndû kûrîa kuonthe tûkathiîcaga, ûkoonanagia atî nîûmbathîkagîra na kuga atî, we ûrî mwarwaiya.’ ”

2Atha 6:32

Nîwacokire agîtûma mûnjaama athiî akagîre Elisha. Vîndî îo Elisha aarî mûciî marî na athuuri arîa maathiîte kûmûcerera. Mbere ya mûnjaama ûrîa mûthamaki aatûmîte akinye, Elisha nîwerire athuuri acio atîrî, “Mûragani nîwatûma mûndû aûke ambûrage! Vîndî îrîa agaakinya gûkû, mûkavinga mûrango na mûtikamwîtîkîrie atonye. Mûthamaki ke mwene akethîrwa amumîte vuva.”

Thaburi 50:18

Wona mwîi ûtuîkaga mûrata wake, na ûkanyitanîra na andû arîa mekaga maûndû ma ûtharia.

Thaburi 78:56

Nwatî andû a Isiraeli nîmaareganire na Ngai mwene vinya wonthe, na makîmûgeria. Nîmaaregire kwathîkîra maathani make,

Ntha 17:2

Andû nîmaambîrîrie gûtetia Musa makîmwîraga atîrî, “Tûve manjî ma kûnyua.” Nake Musa nîwamacokerie atîrî, “Mûrateta nîkî? Nîndûî kîratûma mûgerie Ngai-Mûnene?”

Ntha 17:7

Navo vandû vau nîwavatuîrîre rîîtwa akîveeta Masa na Meriba. Aveetire ûguo nîûndû vau nîvo andû maateteere na makîgeria Ngai-Mûnene makîûragia atîrî, “Ngai-Mûnene arî natue kana ndarî natue?”

Nthi 11:21

Menyani nama atî nwanginya andû arîa acûku makaaverithua, nwatî andû arîa athingu nîmakaavonokua.

Nthi 16:5

Ngai-Mûnene nîathûrîte andû onthe arîa etîi, nama, andû acio nwanginya makaaverithua.

Mika 7:3

Onthe nîmaicî waro gwîka maûndû marîa macûku; atongoria na acirithania metagia mavaki. Mûndû ûrî îgweta aragia maûndû macûku marîa marî ngororî yake, kwoguo mavangaga vamwe maûndû marîa makwenda.

Ndari 14:22

gûtirî wanarî ûmwe wa andû aya ûgaatonya vûrûri ûcio wa kîîranîro. O nîmonete riiri wakwa na ciama irîa naaringire marî Misiri na marî gûkû werûrî, nwatî nîmaregete kûmbathîkîra na makangeria maita îkûmi.

Mathaayo 4:7

Nake Jesû nîwamîcokerie atîrî, “Wana rîngî mandîko matheru nîmaugîte atîrî, ‘Ndûkanagerie Mwathani Ngai waku.’ ”

Luka 16:2

Kwoguo nîkîamwîtire na gîkîmûûria atîrî, ‘Ûvoro ûcio nîregua ûkwîgiî, nî ûrîkû? Mandîkîra mûtaratara mwaro wa kûmonia wîra ûrîa ûrutîte ta mûmenyereri wa indo ciakwa, nîûndû we ndûgûcoka kûmenyerera indo ciakwa rîngî.’

Ciîko 15:10

Kwoguo rîu mue nîndûî kîratûma mûgerie Ngai? Mue mûreka ûguo na njîra ya kwigîrîrwa etîkia mîrigo mîrito îrîa tue wana kana methe metû ma tene matangîavotire gûkuua.

Ciîko 5:6

Nao anake nîmaathiîre makîova mwîrî wake, magîûkuua na makîthiî kûûthika.

Aroma 10:15

Nao andû mangîvunjia atîa matarî atûme. Mandîko Matheru maugîte atîrî, “Na kaî andû arîa mathiîcaga kûvunjia ûvoro Mwaro nî aro-î!”

Aroma 3:19

Na rîu nîtwîcî atî maûndû monthe marîa marî Wathorî nîma andû arîa marî rungu rwa Watho nîguo gûtikaagîe ciîgwatio, nao andû onthe a nthî matuîke a gûcirithua nî Ngai.

1Akor 10:9

Tûtiagîrîrwe nî kûgeria Mwathani ta ûrîa amwe kuuma gatagatîrî kao meekire na makîûragwa nî njoka.