Ciîko 5:4 - ÎVUKU RÎA ÛVORO MWARO

⁴ Mbere ya kwendia mûgûnda, ûrarî wa waku. Na wana warîkia kûwendia, nîûngîravûthîre mbeca icio na njîra wa yonthe îrîa ûngîrendire. Ûravangire gwîka ûndû ta ûcio nîkî? Tî andû ûraveenirie, we ûraveenirie Ngai!”

Ciîko 5:4 ပူးပေါင်းရင်းမြစ်များ

1Maû 29:17

Ngai wakwa, nîmbicî atî nîûtuîragia ngoro cia andû na nîûkenaga vîndî îrîa andû marûtha maûndû marîa magîrîrîte. Indo ino cionthe naruta ngenete na ngoro yakwa na nîrî na wendo, na nînîrona ûrîa andû aku arîa magomanîte ava makûretera matega mao makenete.

1Maû 29:3

Kuuma mûthithûrî wakwa nie mwene nîmvecanîte thaavu na sîlûva nîûndû wa wendo ûrîa nîrî naguo wa hekarû ya Ngai wakwa.

1Maû 29:5

na cia indo cia thaavu na cia sîlûva irîa ikaarûthwa nî andû arîa marî wara wa kûirûtha. Rîu nîûrîkû wîvarîrîtie kwîvecana kûrî Ngai-Mûnene arute indo ciake ûmûnthî na njîra ya kwîyendera?”

1Maû 29:9

Andû nîmaakenire nîûndû wa ûrîa andû maarutire indo na njîra ya kwîyendera. Mûthamaki Daudi wanake nîwakenire mûno.

Ayubu 15:35

Mathugundaga maûndû macûku ngororî magacoka magaciara mevia; ngoro ciao ivangaga maveeni.

Thaburi 139:4

Wana mbere ya mbuga ûndû, we Ngai-Mûnene wîthagîrwa wîcî ûrîa nguga.

Thaburi 7:14

Taroria, andû arîa aganu mavangaga maûndû marîa macûku; mecûrîtwe nî wîki naaî na maragia maveeni.

Ntha 16:8

Musa nîwacokire akîmera atîrî “Ngai-Mûnene nîke ûkaamûva nyama cia kûrîa kîvwaî na amûve mîgate ya kwîgana kîraûko. Ke nîwîguîte mateta menyu, nîûndû rîrîa mûratûtetia nî Ngai-Mûnene mûratetia.”

Ntha 35:29

Andû onthe a Isiraeli arîa maarî na wendi wa kûvecana nîmaarutire matega ma Ngai-Mûnene nîûndû wa wîra wonthe ûrîa Ngai-Mûnene aathanîte na njîra ya Musa ûrutwe.

Mûvunjia 5:5

Nî kava kûrega kwîranîra ûndû gûkîra kwîranîra na ûrege kûvingia ûrîa wîranîrîte.

Isaia 59:4

Rîrîa mwathiî îgootirî, gûtirî mûndû ûrûmagîrîra kîvooto. Gûtirî mûndû ûthitanganaga arûmîrîrîte ûma. Mwîvokaga mîario îtarî kîene na mûkaveenania, mûtungaga maveeni na mûgatûma maûndû macûku mekîke.

Ezek 38:10

Mwathani Ngai-Mûnene arera Gogu atîrî, “Rîrîa kavinda kau gagaakinya, nîûkaambîrîria gwîciiria maûndû macûku na kûvanga mîvango mîcûku ngororî yaku,

Ndari 16:11

Kwoguo rîrîa we na arûmîrîri aku onthe mûrateta nî Ngai-Mûnene mûraregana nake. Aroni nû atî nîguo mûtete nîke?”

Luka 10:16

Jesû nîwacokire akîîra arutwa ake atîrî, “Mûndû wa wonthe ûrîa ûmûthikagîrîria, nînie athikagîrîria; na mûndû wa wonthe ûrîa ûmûregaga, nînie aregaga, na mûndû wa wonthe ûrîa ûndegaga, aregaga ûrîa wandûmire.”

Ciîko 5:3

Nake Petero nîwamûûririe atîrî, “Anania, ûretîkîrie Caitani atonye ngororî yaku nîkî, agîtûma ûveenie Roho Mûtheru na wîtigarîrie mbeca imwe kuuma kûrî irîa ûronire wendia mûgûnda?

Ciîko 5:9

Kwoguo Petero nîwamwîrire atîrî, “We na mûthuuri waku mûrarîkanîre mûgerie Roho wa Mwathani nîkî? Tathikîrîria! Arîa marathiîte kûthika mûthuuriguo rîu marî ava mûrangorî maûkîte na wa nawe nîmagûkûruta nja magûkuuîte.”

1Akor 8:8

Irio tî cio ingîtûma twîtîkîrwe nî Ngai. Kûrîa gûtingîtûma tûrwe nî kîndû wana kîrîkû, na tî kuo kûngîtûma tûgîe na umithio wana ûrîkû.

1Ath 4:8

Kwoguo mûndû ûrîa ûregaga kwathîkîra kîrîra gîkî tî mûndû aregaga kwathîkîra, nwatî aregaga kwathîkîra Ngai ûrîa ûmûvecaga Roho wake Mûtheru.

File 1:14

Nwatî ndirenda gûkûringîrîria ûndethie. Nie nîrenda ûndethie nîûndû wa kwîyendera gwaku we mwene.

Jakuvu 1:15

Merirîria mau macûku nîmagîcaga îvu na magaciara mevia, namo mevia mau makûra maciaraga gîkuû.

1Sam 8:7

nake Ngai-Mûnene akîîra Samueli atîrî, “Îtîkîra maûndû monthe marîa andû magûkwîra, nîûndû we tîwe maregete. Nie nînie maregete nduîke mûthamaki wao.