Ciîko 4:1 - ÎVUKU RÎA ÛVORO MWARO

¹ Rîrîa Petero na Johana maaragîria andû acio, athînjîri-Ngai, mûnene wa arangîri a hekarû, na Asadukai nîmaakinyire.

Ciîko 4:1 ပူးပေါင်းရင်းမြစ်များ

Mathaayo 16:12

Nao arutwa nîmaataûkîrwe atî Jesû ndaameeraga memenyerere kuuma kûrî ndawa îrîa imbagia mîgate, nwatî aameraga memenyerere kuuma kûrî maûndû marîa Afarisai na Asadukai mathomithagia.

Mathaayo 22:16

Nîmaatûmire arutwa ao na andû amwe a Kîamma Kîam Aerodia kûrîke na makîmwîra atîrî, “Mwarimû, tue nîtwîcî atî we waragia ûma na nîûthomithagia andû ûma wîgiî wendi wa Ngai ûtakûmakua nî ûrîa magwîciria. Na ndwendaga kûmenya mûndû nî wa ngathî îrîkû.

Mathaayo 27:20

Nao anene a athînjîri-Ngai na athuuri nîmaaringîrîrie kîrîndî kîre Pilato amarekerie Baraba na aûragithie Jesû.

Mathaayo 27:41

Nao anene a athînjîri-Ngai, arimû a Watho, na athuuri wa nao nîmaamûnyûrûririe makiugaga atîrî,

Mathaayo 3:7

Na rîrîa Johana oonire Afarisai na Asadukai eengî mathiîte kûrî ke nîguo amavatithie, nîwamerire atîrî, “Mue andû aya mûrî na wara ta wa njoka, nû wamûmenyithirie atî ciira ya Ngai îrî vakuvî; nîguo mûmîûrîre.

Luka 20:1

Mûthenya ûmwe rîrîa Jesû aarî hekarûrî akîthomithia andû na akîvunjia Ûvoro Mwaro, anene a athînjîri-Ngai na arimû a Watho wa vamwe na athuuri nîmaathiîre kûrî ke,

Luka 22:4

Kwoguo Judasi nîwathiîre kûrî anene a athînjîri-Ngai, wa vamwe na anene a athigari arîa marangagîra hekarû nîguo marîkanîre ûrîa agûcukanîrîra Jesû kûrî o.

Johana 15:20

Taririkanani ûrîa namwîrire atî: ‘Gûtirî ngombo nene gûkîra mûmîathi.’ Angîthîrwa andû nîmaanyaririre, wa namue nîmakaamûnyarira. Ethîrwa nîmaathîkîre ciugo ciakwa, wana nginya cienyu nîmagaaciathîkîra.

Johana 18:3

Kwoguo Judasi nîwathiîre mûgûndarî ûcio arî na gîkundi Kîam athigari a Roma wa vamwe na arangîri a hekarû matûmîtwe nî anene a athînjîri-Ngai wa vamwe na Afarisai. Maathiîre kuo makuuîte indo cia mbaara, taa na imûrî.

Ciîko 4:6

Maagomanire vamwe na Anasi mûthînjîri-Ngai ûrîa mûnene, Kaiafa, Johana, Alekisanda na andû onthe a mûciî wa Mûthînjîri-Ngai ûcio mûnene.

Ciîko 5:17

Mûthînjîri-Ngai ûrîa mûnene na andû arîa maagendanagia nake a Kîamma Kîam Asadukai nîmaagîrwe nî wîru mwîngî mûno na magîtîkania nwa nginya mamenye ûrîa magwîka.

Ciîko 5:24

Na rîrîa anene a athînjîri-Ngai na mûnene wa arangîri a hekarû meegwire ûvoro ûcio, nîmaamakire na makîrigwa nî ûrîa gwekîkîte kûrî atûmwa.

Ciîko 5:26

Kwoguo mûnene wa arangîri nîwathiîre marî na athigari na makîvira atûmwa Kîammarî. Nwatî mûnene ûcio na athigari acio matiatûmîra vinya nîûndû nîmeetigagîra matikarivwe na mathiga nî andû.

Ciîko 6:12

Naguo ûndû ûcio nîwaunjugire andû, athuuri na arimû a Watho. Nao andû nîmaanyitire Stefano wa rîmwe na makîmûvira Kîammarî.

Ciîko 6:7

Kwoguo ndûmîrîri ya Ngai nîyathiîre na mbere gûtamba. Nao arutwa nîmoongererekire mûno kûu Jerusalemu, na athînjîri-Ngai eengî magîtuîka etîkia.