Ciîko 3:8 - ÎVUKU RÎA ÛVORO MWARO

⁸ Nake mûndû ûcio wonjete nîwarûgire îgûrû, akîrûngama na akîambîrîria kûthiî na magûrû. Nîwacokire agîtonya hekarûrî vamwe nao athiîte na magûrû akîrûgarûgaga na agîkumagia Ngai.

Ciîko 3:8 ပူးပေါင်းရင်းမြစ်များ

Isaia 35:6

Cionje nîikaarûgarûga ta ngûrûngû, nao andû arîa matarî ûvoti wa kwaria nîmakaaina makenete. Manjî nîmakaatherûka werûrî, natuo tûrûnjî nîtûkaanyûrûrûka werûrî;

Luka 18:43

Na wa rîmwe mûtumumu ûcio nîwavotire kwona na akiuma Jesû vuva agîkumagia Ngai. Na rîrîa andû onthe moonire ûguo, nîmaakumirie Ngai.

Luka 6:23

Vîndî îrîa gwekîka ûguo, kenagani na mûgacanjamûka nîûndû nîmwigîrîtwe kîveo kînene mûno îgûrû nîûndû ûguo nwaguo methe ma andû acio meekire arathi.

Johana 5:14

Vuva wa ûguo, Jesû nîwethîrîrie mûndû ûcio hekarûrî na akîmwîra atîrî, “Nîwona, rîu we nîwavona. Tiga kwîvagia nîguo ndûkone ûndû wîngî mûcûku makîria ya ûyû.”

Ciîko 14:10

Kwoguo Paûlo nîwaugire na mûgambo mûnene atîrî, “Rûngama na magûrû maku!” Nake mûndû ûcio nîwarûgire îgûrû na akîambîrîria kûthiî na magûrû.

Ciîko 19:16

Nake mûndû ûcio warî na roho mûcûku nîwamatharîkîre na vinya mûno. Na nîûndû mûndû ûcio nîwakîririe Ayahudi acio onthe vinya, nîmaaumire kûu nyomba na makîvinyûra maûrîte marî njaga na mativangîtue.

Ciîko 3:7

Nake Petero nîwamûnyitire njara yake ya ûrîo na akûmûtethereria gûkîra. Na wa rîmwe makinyo make na nthûng'wa nîciagîîre vinya.