Ciîko 3:6 - ÎVUKU RÎA ÛVORO MWARO

⁶ Nwatî Petero nîwamwîrire atîrî, “Nie ndirî na mbeca, nwatî nîngûkûva kîrîa nîrî nakîo. Na rîîtwa rîa Jesû Kristû wa Nazarethi, nie nakwîra ûûkîre na wîthiîre!”

Ciîko 3:6 ပူးပေါင်းရင်းမြစ်များ

Mathaayo 10:9

Na mûtigakuue thaavu, kana sîlûva wana kana mbeca cia mûthemba wa wonthe mîvukorî yenyu.

Mathaayo 7:22

Vîndî îrîa mûthenya wa îtuîro ûgaakinya, andû eengî nîmakaambîra atîrî, ‘Mwathani, Mwathani! Tue twavunjagia ndûmîrîri ya Ngai na rîîtwa rîaku na tûkarutûrûra Ndaimono na tûkaringa ciama na rîîtwa rîaku.’

Maariko 14:8

Mûndûmûka ûyû eka ûrîa avota gwîka. Etîrîria maguta mwîrîrî wakwa, nîguo aûvarîrie mbere ya ûthikwe.

Maariko 16:17

Nao etîkia nîmakaavewa ûvoti wa kûringa ciama, wa kûrutûrûra ngoma kuuma kûrî andû na rîîtwa rîakwa na wa kwaria na nthiomi ng'eni.

Johana 19:19

Pilato nîwandîkithirie kîmenyithia na akiuga gîcuurue mûtharavarî wa Jesû. Nakîo kîmenyithia kîu Kîamndîkîtwe atîrî, “Jesû wa Nazarethi, Mûthamaki wa Ayahudi.”

Ciîko 10:38

Mue nîmwîcî ûvoro wîgiî Jesû Mûnazarethi. Ngai Nîwamûvere Roho Mûtheru na akîmûva vinya. Jesû nîwathiîcaga kûndû kuonthe agîkaga waro na akîvonagia arîa onthe maanyitîtwe nî Ngoma. Jesû eekaga ûguo nîûndû Ngai aarî vamwe nake.

Ciîko 16:18

Mwîrîtu ûcio nîwekire ûguo kwa îvinda rîa mîthenya mîîngî. Ûndû ûcio nîwatûmire Paûlo arakare mûno, nginya akîvûgûka na akîîra ngoma îo atîrî, “Nie nîrakwatha na rîîtwa rîa Jesû Kristû ume ndaarî yake!” Na kavinda wa kau ngoma îo nîyaumire ndaarî yake.

Ciîko 2:22

“Mue Aisiraeli aya, tathikîrîriani ciugo ino! Jesû wa Nazarethi aarî mûndû warî wa mwanya. Wathani wake wa ûngai nîwonanirue waro kûrî mue na njîra ya morirû na ciama irîa Ngai aaringire na njîra yake. Mue ene nîmwîcî ûguo nîûndû ûndû ûcio nîwekîkire gûkû gatagatîrî kenyu.

Ciîko 2:36

“Kwoguo mue andû onthe a Isiraeli nwa nginya mûmenye na ma atî Jesû ûyû ûrîa mue mwambire mûtharavarî îgûrû, nîke Ngai atuîte Mwathani na Mesaya!”

Ciîko 3:16

Vinya wa rîîtwa rîa Jesû nîguo watûma mûndû ûyû ûraarî kîonje agîe na vinya. Ûguo mue mûrona na mûramenya wekîka nîûndû wa gwîtîkia rîîtwa rîa Jesû.

Ciîko 3:5

Nake mûndû ûcio nîwamaroririe agîciragia nîakûvewa kîndû nîo.

Ciîko 3:7

Nake Petero nîwamûnyitire njara yake ya ûrîo na akûmûtethereria gûkîra. Na wa rîmwe makinyo make na nthûng'wa nîciagîîre vinya.

Ciîko 4:10

Tûrenda mue muonthe na andû onthe a Isiraeli mûmenye atî, mûndû ûyû aravonirue na rîîtwa rîa Jesû Kristû wa Nazarethi. Mue mwambire Jesû mûtharavarî îgûrû, nwatî Ngai nîwamûriûkirie. Mûndû ûyû ûronjete magûrû arûngamîte ava mbere yenyu nîûndû wa vinya wa Jesû.

Ciîko 4:7

Nao nîmaarûngamirie Petero na Johana mbere yao na makîmaûria atîrî, “Mûrekire ûguo na vinya ûrîkû kana na rîîtwa rîa û?”

Ciîko 9:34

Nake Petero nîwamwîrire atîrî, “Aenea, Jesû Kristû nîagûkûvonia wa rîu. Ûkîra na ware ûrîrî waku.” Na wa rîmwe Aenea nîwaûkîrire.

1Akor 4:11

Nginya îvindarî rîîrî tue nîtûvûtaga, tûkanyonda na tûgekîra matangari. Nîtûrivagwa na tûgatura ciîkaro.

2Akor 6:10

Wana ethîrwa nîtwîgwithagua kîeva, vîndî cionthe twîthagîrwa tûrî akenu. Twonekaga tûrî athîni, nwatî nîtûtûmaga andû eengî matonge. Twonekaga tûtarî na kîndû, nwatî nîma tûrî na indo cionthe.

2Akor 8:12

Ethîrwa mûrî na wendi wa kûvecana, Ngai akaamûkîra kîveo kîenyu kûringana na ûrîa mûndû akûvecana kîrîa arî nakîo, tî kîrîa atarî nakîo.

2Akor 8:9

Mue nîmwîcî wega wa Mwathani wetû Jesû Kristû. Wana ethîrwa aarî mûtongu, ke nîwetwire mûthîni nîûndû wenyu nîguo atûme mûtuîke atongu na njîra ya ûthîni wake.

Jakuvu 2:5

Tathikîrîriani arata akwa ende! Ngai aathuurire andû arîa athîni gûkû nthî nîguo matuîke itonga cia wîtîkio na magae ûthamaki ûrîa Ngai erîîre arîa mamwendete.

1Pet 4:10

Wa mûndû nîavetwe kîveo ngûrani nî Ngai nîguo ta mûramati mwaro wa iveo cia Ngai agîtûmagîre gûtungata andû arîa engî. Vûthagîrani waro iveo cia mwanya irîa ciumanîte na wega wa Ngai.