Ciîko 27:2 - ÎVUKU RÎA ÛVORO MWARO

² Natue nîtwatwîre merirî îrîa yaumîte Adiramîtu na yagerie kûthiî matûûrarî mwanya mwanya ma marîa maarî na irûngamo cia meri gîcunjîrî Kîam Asia. Nake Arisitariko ûrîa warî wa kuuma îtûûrarî rîa Thesalonike vûrûrirî wa Makedonia, nîwathiîcanirie natue.

Ciîko 27:2 ပူးပေါင်းရင်းမြစ်များ

Luka 8:22

Mûthenya ûmwe, Jesû na arutwa ake nîmaatwîre îtarû na Jesû akîmeera atîrî, “Nîtûringeni mûrîmo ûrîa wîngî wa îria.” Kwoguo nî maambîrîrie rûgendo rwao.

Ciîko 16:17

Mwîrîtu ûcio nîwarûmîrîrie Paûlo vamwe wa natue akiugagîrîria atîrî, “Andû aya nî ndungata cia Ngai Ûrîa Ûrî Îgûrû Mûno! O nîmaranîrîra ûrîa mûngîvonoka!”

Ciîko 17:1

Nao Paûlo na Sailasi nîmaavîtîkîrîre Amufipolisi na Apolonia na magîkinya Thesalonike kûrîa kwarî na îvoero rîa Ayahudi.

Ciîko 19:19

Amwe gatagatîrî ka andû arîa maarutaga wîra wa kûragûranîra nîmaaûnganirie mavuku mao ma ûragûranîri na makîmavîvia andû onthe makîonaga. Mavuku mau maarî na thogora wa sîlûva ngiri mîrongo îtano.

Ciîko 19:29

Kwoguo kûu îtûûrarî rîu rîonthe nîgwecûrire înegene. Nakîo kîrîndî nîkîanyitire Gaio na Arisitariko, andû aîrî a kuuma Makedonia arîa maathiîcanagia na Paûlo, na makîvinyûra nao nyombarî ya kwonanîrua mîthako.

Ciîko 2:9

Tue tumîte kûndû mwanya, kuuma Parithia, Amede na Aelamu, kuuma Mesopotamia, Judea, Kapadokia, na kuuma Ponto, Asia na

Ciîko 21:5

Na rîrîa kavinda getû ga gwîkarania nao kaathirire, nîtwaumire kuo tûkîthiî na mbere na rûgendo rwetû. Nao arutwa onthe vamwe na aka ao na ciana, nîmaatumagaririe magîtûkinyia nja ya îtûûra rîu. Tuonthe nîtwaturirie maru vau rûtererî rwa îria na tûkîvoya.

Ciîko 28:10

Nao andû acio nîmaatûvere indo nyîngî. Na rîrîa twevarîrie kuuma kûu, nîmeekîrire indo nyîngî merirî irîa twavatarîte nîûndû wa rûgendo.

Ciîko 28:12

Rîrîa twakinyire îtûûrarî rîa Sirakusi, nîtwekarire kuo îvinda rîa mîthenya îthatû.

Ciîko 28:16

Rîrîa twakinyire Roma, Paûlo nîwetîkîrue ekare arî wenga marî na mûthigari wa kûmûrangîra.

Ciîko 28:2

Nao andû arîa maatûûraga kuo nîmaatûtugire waro mûno. Na nîûndû nîkwambîrîrîtie kuura mbura na kwarî na mvevo nyîngî, nîmaakirie mwaki na magîtûnyita ûgeni tuonthe.

Akol 4:10

Nîmwakethua nî Arisitariko ûrîa twovetwe njeera nake, wana Maariko mûrwethe wa Baranaba. (Mue nîmûrîkîtie gûtaarwa atî Maariko angîûka, mûmûgwate ûgeni).

File 1:24

Wana nîmwakethua nî andû arîa tûrutithanagia wîra nao, na nîo Maariko, Arisitariko, Dema na Luka.