Ciîko 26:2 - ÎVUKU RÎA ÛVORO MWARO

² “Mûthamaki Angiripa! Nie nîrona nîrî na mûnyaka nîûndû ûmûnthî nîrî ava mbere yaku. Nîngwîtetera kuumana na maûndû monthe marîa Ayahudi manthitangîte nîûndû wamo.

Ciîko 26:2 ပူးပေါင်းရင်းမြစ်များ

Thaburi 119:46

Nîngaanîrîra maathani maku kûrî athamaki, na ndigaaconoka.

Mathaayo 10:19

Na rîrîa makaamûvira ciamarî cia athuuri mûtigatangîke mûkîûria maûndû marîa mûkaauga kana ûrîa mûkaaria. Rîrîa kavinda gagaakinya, mue nîmûkaamenyithua maûndû marîa mûkaauga.

Luka 12:11

“Vîndî îrîa andû mamûvira mûgacirithue mavoerorî, athamaki wana kana mbere ya anene, mûtikamake mûgîîciria ûrîa mûngîyarîrîria wana kana mûngiuga.

Luka 21:12

Nwatî mbere ya maûndû mama monthe mekîke, mue nîmûkaanyitwa na mûnyarirwe. Nîmûkaanenganîrwa nîguo mûcirithîrue mavoerorî na mwikue njeera na mûcoke mûvirwe mbere ya athamaki na aathani nîûndû wakwa.

Ciîko 25:26

Nwatî ndirî na ûndû wana ûmwe ûrîa guo wîgiî mûndû ûyû nîngîandîkîra Mûthamaki wa Roma. Kwoguo nînamûrete ava mbere yenyu muonthe na mûno makîria mbere yaku, we mûthamaki Angiripa nîguo twarîkia kûria mûndû ûyû ciûria, nwa ngîe na ûndû wa kwandîka.

Ciîko 26:1

Angiripa nîwerire Paûlo atîrî, “We rîu ûrî na rûtha rwa kwîyarîrîria.” Paûlo nîwacokire agîûkîrîria njara yake na akîîyarîrîria akiuga atîrî:

Ciîko 26:19

“Kwoguo mûthamaki Angiripa, ndingîaregire kwathîkîra kîoneki kîu nagîte nakîo kiumîte îgûrû.

Ciîko 26:26

Mûthamaki Angiripa! Nîrakwarîria nîrî na ûmîrîru, nîûndû we nîwîcî ûvoro wîgiî maûndû mama. Nîrî na ma atî we nîwîguîte ûvoro wîgiî maûndû mama monthe, nîûndû maûndû mama matiekagîrwa nthithorî.

Ciîko 26:3

We nîwîcî waro ûvoro wîgiî mîtugo yonthe ya Ayahudi na maûndû marîa o makararagia. Kwoguo nîrakûthaitha ûnthikîrîrie ûrî na ûkirîrîria.

Ciîko 26:7

Kîîranîro kîu nwakîo andû etû a mîvîrîga îrîa îkûmi na îîrî merîgagîrîra kûgîa nakîo vîndî îrîa makûgooca Ngai marî na kîîo ûtukû na mûthenya. Mûthamaki mûgathe, Ayahudi maranthitanga nîûndû nîrî na mwîrîgîrîro ûvororî wîgiî kîîranîro kîu!