Ciîko 24:2 - ÎVUKU RÎA ÛVORO MWARO

² Na rîrîa Paûlo eetirwe, Teritulo nîwambîrîrie kûmûthitanga akiugaga atîrî: “Mûgathe Feliki! Tue nîtwîthîrîtwe tûrî na thayû gwa kavinda karaca na moogarûrûku marî na ûvatari nîmekîkîte gûkû gwetû vûrûrirî nîûndû we wî mûtongoria mûûgî.

Ciîko 24:2 ပူးပေါင်းရင်းမြစ်များ

Thaburi 10:3

Andû arîa aganu metîîaga nîûndû wa merirîria ma ngoro ciao, arîa akoroku marumaga na makarega Ngai-Mûnene.

Nthi 26:28

Mûndû ûrîa ûveenagia mûndû ûrîa wîngî nîamûmenete, na mîario ya kînyûrûri nî ya gûcûkangia.

Nthi 29:5

Mûndû ûrîa ûnyûrûragia mûndû ûrîa wîngî, aigaga mûtego wa kwînyita ke mwene.

Ciîko 24:1

Vuva wa mîthenya îtano, Anania ûrîa warî Mûthînjîri-Ngai ûrîa mûnene nîwanyûrûrûkire Kaisarea arî vamwe na athuuri amwe na wakiri ûmwe wetagwa Teritulo. Nao nîmaaumîre vau mbere ya mwarîrîria Feliki na makîmûva mateta mao megiî Paûlo.

Ciîko 24:3

Tue nîtwamûkîrîte maûndû mama vîndî cionthe na kûndû kuonthe na tûrî na ngatho nyîngî mûno kûrî we.

Juda 1:16

Vîndî cionthe andû acio nîmanugunaga na makegwatia andû arîa engî. Nîmarûmagîrîra merirîria mao macûku. Nîmeganaga na makaveenereria andû arîa eengî nîguo megune o ene.