Ciîko 2:41 - ÎVUKU RÎA ÛVORO MWARO

⁴¹ Kwoguo andû arîa metîkîîre ndûmîrîri îrîa Petero aamaveere, nîmaavatithirue. Mûthenya ûcio andû ngiri ta ithatû nîmoongererekire gîkundirî Kîam etîkia.

Ciîko 2:41 ပူးပေါင်းရင်းမြစ်များ

Thaburi 110:3

Mûthenya ûrîa ûkaathiî kûrûa na nthû ciaku, andû aku nîmakevecana na njîra ya kwîyendera. Ta ûrîa îme riumaga kîraûko tene, nîguo anake aku magaaûka kûrî we irîmarî irîa nyamûre.

Johana 14:12

Nie nîramwîra na ma atî: mûndû wa wonthe ûmbîtîkagia ageekaga maûndû ta marîa mbîkaga, na ageekaga maûndû wana manene gûkîra mama nîûndû nînîrathiî kûrî Vava.

Johana 21:11

Nake Simoni Petero nîwatwîre îtarûrî na akiumîria neti amîgucîtie îcûrîte nthamaki nene. Nacio ciarî nthamaki îgana rîmwe rîa mîrongo îtano na ithatû. Nwatî wana ethîrwa nthamaki ciarî nyîngî ûguo, neti ndîatuîka.

Ciîko 1:15

Mîthenya mînini yavîtûka nîkwagîre na mûcemanio wa etîkia, na onthe maarî ta îgana na mîrongo îîrî. Nake Petero nîwarûngamire akîmeera atîrî,

Ciîko 13:48

Na vîndî îrîa andû a ndûrîrî meegwire Paûlo akiuga ûguo, nîmaacanjamûkire na magîkumia ndûmîrîri ya Mwathani. Nao andû arîa maathuurîtwe nîguo magîe na mwoyo wa tene tene, nîmaatuîkire etîkia.

Ciîko 2:37

Rîrîa andû acio meegwire ûguo, nîmaathînîkire mûno na makîûria Petero na atûmwa acio engî atîrî, “Ariû na aarî a Îthe wetû, tue rîu nîtwîka atîa?”

Ciîko 2:47

Nîmaakumagia Ngai na nîmeendetwe nî andû onthe. Na wa mûthenya wa mûthenya Mwathani nîwongagîrîra gîkundirî Kîam etîkia andû arîa ke aavonokagia.

Ciîko 27:37

Nayo meri îo yathiîte îkuuîte andû magana maîrî ma mîrongo mûgwanja na atandatû.

Ciîko 3:23

Mûndû wa wonthe ûtakaathîkîra mûrathi ûcio nîakaathengutua kûrî andû a Ngai na athirue.’

Ciîko 4:4

Nwatî andû eengî gatagatîrî ka arîa meegwire ndûmîrîri îo yavunjagua nî Petero na Johana nîmeetîkirie. Nao arûme arîa meetîkirie nîmongererekire magîkinya kîndû ta ngiri ithano.

Ciîko 7:14

Nake Josefu nîwacokire agîtûmana akiuga îthe wake Jakovu, na andû onthe a mûciî wao, magîrwe mathiî Misiri. Nao andû onthe a mûciî wa Josefu maarî andû mîrongo mûgwanja na atano.

Aroma 13:1

Nwanginya mûndû wa wonthe athîkagîre andû arîa mathanaga. Nîûndû wathani wonthe uumaga kûrî Ngai na arîa mathanaga mavecagwa ûvoti nî Ngai.

1Ath 1:6

Nîmwegerekanirie natue na mûkîîgerekania na Mwathani. Nwatî wana ethîrwa nîmwathînîkire mûno, nîmwamûkîre ndûmîrîri îo mûrî na gîkeno kîrîa kiumaga kûrî Roho Mûtheru.

1Pet 3:20

Maaroho mau nî ma andû arîa maaregire kwathîkîra Ngai vîndî îrîa eetererete akirîrîrîtie Nuhu atume thavina. Nî andû anana tu arîa maarî thavinarî maavonokirue na njîra ya manjî.

Kûguû 16:3

Nake mûraika wa kaîrî nîwetûrûrire kîrîa Kîamrî mbakûrirî yake îriarî. Manjî magîkara ta nthakame ya mûndû mûkuû. Nacio ciûmbe cionthe irîa ciarî mwoyo kûu îriarî nîciakwire.