Ciîko 2:2 - ÎVUKU RÎA ÛVORO MWARO

² Wa rîmwe nîkwagîre mûgambo mûnene umîte îgûrû wagambaga ta rûvuvo rwavurutanaga na vinya, na ûgîcûra nyomba yonthe kûu meekarîte.

Ciîko 2:2 ပူးပေါင်းရင်းမြစ်များ

1Atha 19:11

Ngai-Mûnene nîwamwîrire atîrî, “Uma ûthiî ûrûngame mbere ya Ngai-Mûnene îgûrû rîa kîrîma.” Vîndî wa îo Ngai-Mûnene nîwavîtûkîrîre vau. Naruo rûkûngi rûnene mûno nîrwainainirie irîma na rûgîatûranga mathiga tûcunjî mbere ya Ngai-Mûnene, nwatî Ngai-Mûnene ndaarî rûkûngirî. Vuva wa rûkûngi nîgwacokire gûkîgîa kîthingithia, nwatî Ngai-Mûnene ndaarî kîthingithiarî.

Thaburi 18:10

Aagûrûkire na îvenya akuuîtwe nî kîûmbe kîrî mathagu, aaûkire na îvenya avurutîtwe nî rûkûngi ta ûrîa gîconi kîgûrûkaga.

Rwîmbo rwa Nyîmbo 4:16

We rûkûngi rwa mwena wa rûgûrû vurutana, we rûkûngi rwa mwena wa îveti ûka. Vurutana mûgûndarî wakwa, mûnungo mwaro wîcûre kûndû kuonthe. Tiga mwendwa wakwa aûke mûgûndarî wake, arîe matunda maguo marîa maro.

Isaia 65:24

Nîngegucaga mavoya mao wana mbere ya mamvoya, na ngaamacokagîria mavoya mao wana matarîkîtie kûvoya.

Malaki 3:1

Ngai-Mûnene mwene vinya wonthe augîte atîrî, “Taroria! Nînîratûma mûnjaama nîguo athiî akavarîrîrie njîra yakwa. Mwathani ûrîa mûracaria nîagaaûka hekarûrî yake wa rîmwe. Mûnjaama ûrîa mûtûûrîte mwîrîgîrîrîte nîagaaûka na anîrîre kîrîkanîro gîakwa.”

Luka 2:13

Na wa rîmwe gîkundi kînene Kîam araika a îgûrû nîkîaumîrire kîrî vamwe na mûraika ûcio na gîgîkumia Ngai gîkiugaga atîrî:

Johana 3:8

Rûkûngi rûvurutanaga rûthiîte wa kûrîa rûkwenda na mûndû nîwîgucaga mûrurumo waruo, nwatî ndamenyaga na kûrîa rumîte kana na kûrîa rûthiîte. Ûguo nwa ta guo gwîkîkaga kûrî mûndû wa wonthe ûciarîtwe nî Roho Mûtheru.”

Ciîko 2:3

Nao nîkwaumîrire kîndû Kîamvuana ta nînîmbî cia mwaki nacio ikîvutia wa mûndû warî nyombarî îo.

Ciîko 2:6

Rîrîa meegwire mûgambo ûcio, andû eengî nîmaagomanire vamwe. Nao onthe nîmaamakire nîûndû wa mûndû nîweguire atûmwa makîaria na nthiomi cia kûrîa mûndû aumîte.

Ciîko 4:31

Rîrîa maarîkirie kûvoya ûguo, nthî nîyainainire varîa maagomanîte. Nao andû onthe nîmecûrirwe nî Roho Mûtheru na makîanîrîra ndûmîrîri ya Ngai marî na ûmîrîru.

1Pet 1:12

Ngai nîwaguûrîrie arathi aya atî maûndû marîa maarathaga matiarî ma kûmaguna o ene, nwatî maarî ma kûmûguna mue. Maatuirwe ndungata cia kwanîrîra maûndû marîa rîu mûrîkîtie kwîgua kûvîtûkîra kûrî anjaama arîa maamûvunjîrie Ûvoro Mwaro. Meekire ûguo matethereretue nî Roho Mûtheru ûrîa watûmîtwe kuuma îgûrû. Maûndû mama nîmo nginya araika mendaga kûmenya.