Ciîko 18:3 - ÎVUKU RÎA ÛVORO MWARO

³ na agîkarania akîrutithanagia wîra nao nîûndû ke aarî mûtumi wa magema wa tao.

Ciîko 18:3 ပူးပေါင်းရင်းမြစ်များ

2Atha 6:2

Twîtîkîrie tûthiî Jorodani tûgateme mîtî nîguo tûtume vandû va gûtûûra.” Nake Elisha nîwamacokerie atîrî, “Thiîni.”

1Akor 4:12

Tue ene nîtwînogagia tûkîruta wîra na njara cietû. Vîndî îrîa tûkûrumwa nî andû nîtûmarathimaga na vîndî îrîa tûkûnyarirwa nî andû nîtûmagîrîria.

1Akor 9:14

Na njîra wata îo, Mwathani nîwathanire akiuga arîa mavunjagia ûvoro mwaro metethagie ûtûûrorî wao na kîrîa kiumanîte na wîra ûcio marutaga.

1Akor 9:15

Nwatî ndianatûmîra wana kîmwe Kîam ivooto ino na ndirandîka ûguo rîu nîguo atî ngîe na kîmwe gîa cio. Wana nî kava ngue gûkîra mûndû anjune kîrîa gîtûmaga nîtîîe.

1Akor 9:18

Mûcara wakwa nî ûrîkû vi? Mûcara wakwa nî ûyû: atî vîndî îrîa nîravunjia Ûvoro Mwaro, mbîkage guo ndakûrîvia na ndagûtûmîra ivooto ciakwa wîrarî wakwa wa kûvunjia ûvoro mwaro.

2Akor 11:7

Nie ndiamûrîvia wanarî kîndû rîrîa naavunjirie Ûvoro mwaro wa Ngai kûrî mue. Nînenyivirie nîguo ndûme mue mûtuîke a vata. Anga nînavîtirie?

2Akor 11:9

Na rîrîa twarî namue ndiamwîtia ûtethio rîrîa nendaga mbeca. Arata akwa kuuma Makedonia nîmaandetere kîndû kîonthe kîrîa naavatarîte. Ndiatuîka mûrigo kûrî mue na ndigaatuîka mûrigo wana rî.

2Akor 12:13

Nîûndû ûrîkû mûcûku mwekirwe makîria ya makanitha marîa mengî, tiga atî nie ndiamûnogia ngîenda ûtethio wa mbeca? Njoverani nîûndû wa kûmûvîtîria!

1Ath 2:9

Ariû na aarî a îthe wetû, nîmûraririkana ûrîa twarutaga wîra na tûkîthînîka. Twarutaga wîra ûtukû na mûthenya nîguo tûtigatuîke mûrigo kûrî mûndû wana ûmwe wa cienyu vîndî îrîa twamûvunjagîria ûvoro mwaro wa Ngai.

1Ath 4:11

Îkaragani mûtarî na înegene, mûkîmenyagîrîra maûndû menyu na mûkîrutaga wîra na njara cienyu nîguo mwîyonagîre kîndû gîa kûrîa wata ûrîa twamwîrire.