Ciîko 17:4 - ÎVUKU RÎA ÛVORO MWARO

⁴ Nao Ayahudi amwe, aka arîa maarî îgweta na gîkundi kînene Kîam Angiriki maagoocaga Ngai, nîmeetîkirie na makînyitanîra na Paûlo na Sailasi.

Ciîko 17:4 ပူးပေါင်းရင်းမြစ်များ

Nthi 13:20

Mûndû ûrîa ûthiîcanagia na andû aûgî nîaûvîgaga, nwatî kûgîa ûrata na irimû kûviraga mûndû thînarî.

Nthi 9:6

Tiganani na andû arîa matarî na ûûgî, na nî mûgûtûûra mwoyo. Tiga ûmenyo ûkwonie mîthiîre mîaro.”

Rwîmbo rwa Nyîmbo 6:1

We mûndûmûka ûyû mûthaka mûno, mwendwa waku athiî kû? Twîre athiî na njîra îrîkû nîguo tûgûtethie kûmûcaria.

Zakaria 2:11

Îvinda rîu ndûrîrî nyîngî nîigaacokerera Ngai-Mûnene, na nîigaatuîka andû ake, na atûûranie nao. Namue nîmûkaamenya atî nî Ngai-Mûnene mwene vinya wonthe ûndûmîte kûrî mue.

Johana 7:35

Nao atongoria a Ayahudi nîmeeranire atîrî, “Ke arenda kûthiî kû kûu tue tûtakaamwona? Arenda kûthiî matûûrarî ma Angiriki kûrîa andû etû matûûraga nîguo akathomithie Angiriki?

Ciîko 13:43

Na rîrîa mûcemanio ûrîa warî îvoerorî warîkire, Ayahudi eengî na andû a ndûrîrî eengî agooci Ngai arîa maagarûrîtwe magatonya ndinirî ya Ayahudi nîmaarûmîrîre Paûlo na Baranaba. Nao Paûlo na Baranaba nîmamaarîrie na makîmaûmîrîria matûûre mevokete wega wa Ngai.

Ciîko 13:50

Nwatî Ayahudi nîmaaunjugire anene a îtûûra wana aka a ndûrîrî a Kîrathi Kîam îgûrû arîa meetîkîtie Ngai. Nao nîmaatûmire Paûlo na Baranaba mambîrîrie kûnyariirwa na makîmengata kuuma vûrûrirî ûcio wa kwao.

Ciîko 14:1

Na rîrîa Paûlo na Baranaba maarî Ikoniumu, nîmaathiîre Îvoerorî rîa Ayahudi. Nao nîmaavecanire ûvoro waro mûno na andû eengî, Ayahudi na Angiriki magîtuîka etîkia.

Ciîko 14:4

Nao andû a îtûûra rîu nîmaagaûkanire. Amwe nîmeetîkanirie na Ayahudi, na acio engî magîtîkania na atûmwa.

Ciîko 15:22

Kwoguo atûmwa, athuuri, na kanitha yonthe îrî vamwe, nîyatwire atî nîmakûthuura andû kuuma gatagatîrî kao nîguo mamatûme Antiokia marî na Paûlo na Baranaba. Nîmaathuurire andû aîrî arîa maatîîtwe mûno nî etîkia. Nao andû acio maarî Judasi ûrîa wetagwa Barasaba na Sailasi,

Ciîko 15:27

Kwoguo nîtwamûtûmîra Judasi na Sailasi, arîa makamwîra na tûnyua twao maûndû mama twamwandîkîra.

Ciîko 15:32

Nao Judasi na Sailasi, arîa maarî arathi, nîmaaririe maûndû meengî ma kûmîrîria etîkia na kûmekîra vinya.

Ciîko 15:40

Nake Paûlo nîwathuurire Sailasi nîguo mathiîcanie nake. Nao etîkia nîmaaigire Paûlo na Sailasi wegarî wa Mwathani.

Ciîko 16:3

Paûlo nîwendaga mathiîcanie na Timotheo na kwoguo nîwamûrwithirie. Ke eekire ûguo nîûndû Ayahudi onthe arîa maatûûraga kûu nîmaaicî atî îthe wa Timotheo aarî Mûngiriki.

Ciîko 17:10

Na gwatuka wa rîo, etîkia nîmaatûmire Paûlo na Sailasi mathiî Berea Na rîrîa maakinyire nîmaatonyire îvoerorî.

Ciîko 17:12

Eengî ao nîmeetîkirie. Aka maarî îgweta na athuuri eengî Angiriki, nîmeetîkirie.

Ciîko 17:14

Na wa rîo, etîkia nîmaatûmire Paûlo athiî rûtererî rwa îria, nwatî Sailasi na Timotheo nîmeekarire kûu Berea.

Ciîko 17:17

Kwoguo arî îvoerorî nîwaranîrie na Ayahudi na andû a ndûrîrî arîa meetîkîtie Ngai mûno. Na wa mûthenya wa mûthenya ke nîwaranagîria na andû arîa methagîrwa marî kûu thokorî.

Ciîko 17:34

Nwatî andû amwe nîmaatuîkire etîkia na makîmûnyita mbaru. Gatagatîrî kao kwarî Dionisio ûrîa warî ûmwe wa athuuri a Kîamma Kîam Areopago na mûka wetagwa Damari wa vamwe na andû engî.

Ciîko 18:4

Na wa mûthenya wa thavatû arî îvoerorî, Paûlo nîwaranagîria na Ayahudi na Angiriki akîgeria kûmeguithia matuîke etîkia.

Ciîko 19:10

kwa îvinda rîa mîaka îîrî. Na nîûndû wa ûguo, Ayahudi onthe na andû a ndûrîrî onthe arîa maarî kûu vûrûrirî wa Asia, nîmegwire kiugo Kîam Mwathani.

Ciîko 2:44

Nao etîkia onthe nîmaathiîre na mbere kûgwatanîra makîgaanaga indo ciao marî vamwe.

Ciîko 21:28

Nao nîmaaugîrîrie atîrî, “Andû a Isiraeli! Tûtethererieni! Mûndû ûyû nîke ûthiîcaga kûndû kuonthe akîthomithagia andû onthe maregane na andû a Isiraeli, Watho wa Musa na hekarû îno. Na rîu ke wana nîwarete amwe a andû a ndûrîrî gûkû hekarûrî na nîmekîrîte kûndû gûkû kwamûrîrîtwe Ngai mûgiro!”

Ciîko 28:24

Nao andû amwe gatagatîrî kao nîmeetîkirie ûvoro ûcio Paûlo aameerire, nwatî amwe matietîkia.

Ciîko 4:23

Nao Petero na Johana marekererua wa rîo nîmaacokire kûrî arata ao na makîmamenyithia maûndû monthe marîa meerîtwe nî anene a athînjîri-Ngai na athuuri.

2Akor 8:5

Meekire makîria ya ûrîa tûngîerîgîrîre! Mbere maambire makîîvecana kûrî Mwathani na magîcoka makîîvecana kûrî tue nîûndû wa wendi wa Ngai.