Ciîko 13:2 - ÎVUKU RÎA ÛVORO MWARO

² Na rîrîa maagoocaga Mwathani na makîînyerekagia, Roho Mûtheru nîwamerire atîrî, “Nthurîrani Baranaba na Saûlo, nîguo makarute wîra ûrîa nie nîmetîrîte.”

Ciîko 13:2 ပူးပေါင်းရင်းမြစ်များ

1Maû 16:4

Daudi nîwathuurire Alawi amwe na akîmava wîra wa gûtongoria kûgooca Ngai-Mûnene, gûcokia ngatho na kwina nyîmbo cia gûkumia Ngai-Mûnene, Ngai wa Isiraeli marî mbere ya îthandûkû rîa kîrîkanîro.

Danieli 9:3

Nînathiîre kûrî Mwathani Ngai na ngîmûvoya ngîmûthaithaga na nîînyereketie, mbîkîrîte nguo cia macakaya, na ngevaka mûu.

Mathaayo 17:21

Ndaimono ya mûthemba ûyû ndîngîrutûrûrîka na njîra îngî tiga na njîra ya mavoya na kwînyerekia.]”

Mathaayo 6:16

“Na vîndî îrîa mûrenyerekia tigagani kwiria mothiû menyu ta ûrîa mvinga ciîkaga. Mvinga ciragia mothiû ma cio nîguo cionwe nî andû onthe atî nîirenyerekia. Nîramwîra na ma atî, mvinga icio nîirîkîtie kûvewa mûcara wacio.

Mathaayo 9:38

Kwoguo voyani nîguo mwene maketha atûme aruti wîra nîguo makaûnganie maketha make.”

Luka 10:1

Vuva wa ûguo, Mwathani nîwathuurire andû engî mîrongo mûgwanja na aîrî, na akîmatûma aîrî aîrî mathiî mbere yake matûûrarî monthe na kûndû kuonthe kûrîa ke aageerie kûthiî.

Luka 2:37

Ana nîwathiîcaga hekarûrî mûthenya wana ûtukû na akathaithaga Ngai mûno na njîra ya kûmûvoya na kwînyerekia.

Ciîko 10:19

Rîrîa Petero eeciragia ûvoro wîgiî kîoneki kîu, Roho nîwamwîrire atîrî, “Ta thikîrîria! Kûrî na andû athatû maûka gûgûcaria.

Ciîko 10:30

Nake Korinelio nîwaugire atîrî, “Mîthenya îna mîthiru, nie nînavoyaga nîrî gwakwa nyomba mathaa ta mama thaa kenda cia mûthenya. Na wa rîmwe mûndû wekîrîte nguo yakengaga nîwarûngamire mbere yakwa,

Ciîko 13:3

Kwoguo rîrîa maarîkirie kwînyerekia na makûvoya, nîmaaigîrîre Baranaba na Saûlo njara, na makîmatûma.

Ciîko 13:4

Kwoguo, Baranaba na Saûlo, matûmîtwe nî Roho Mûtheru, nîmaanyûrûrûkire Seleucia na kuuma kûu makîthiî marî merirî magîkinya gîcîgîrîrarî gîa Kuporo.

Ciîko 14:26

Na kuuma kûu nîmaatwîre meri magîcoka Antiokia kûrîa etîkia mamaigîte wegarî wa Ngai nîûndû wa wîra ûcio maarîkîtie kûruta.

Ciîko 20:28

Kwoguo îîmenyagîrîreni na mûmenyagîrîreni ndîthia îrîa Roho Mûtheru amûtuîte amenyereri a yo. Îthagîrwani mûrî arîthi a kanitha wa Ngai, ûrîa ke aatwire wake na njîra ya gîkuû Kîam Mûriû wake.

Ciîko 22:21

Nake Mwathani nîwambîrire atîrî, ‘Thiî rîu, nîûndû nie nîngûgûtûma kûraca ûthiî kûrî andû a ndûrîrî.’ ” Kîrîndî kîu Kîamthikîrîrie Paûlo nginya rîrîa aaugire ûguo.

Ciîko 4:36

Kwarî na mûndû ûmwe Mûlawi waciarîrîtwe îtûûrarî rîa Kuporo. Mûndû ûcio eetagwa Josefu. Atûmwa maamûtuîrîrîte rîîtwa Baranaba (naguo nî kuga “Ke ûrîa ûmanagîrîria.”)

Ciîko 6:4

Nwatî tue nîtûthiî na mbere kwîvecana ûvororî wîgiî mavoya na wîra wa kûvunjia ndûmîrîri ya Ngai.”

Ciîko 8:29

Nake Roho Mûtheru nîwerire Filipu atîrî, “Thiî vakuvî na ûgendanie na gîkaari kîu kîgucîtue nî mbarathi.”

Ciîko 9:15

Nwatî Mwathani nîwerire Anania atîrî, “We thiî, nîûndû nie nînthuurîte Saûlo nîguo atuîke ndungata yakwa. Ke nîke ûgûtûma rîîtwa rîakwa rîmenywe nî Andû a Ndûrîrî, athamaki na andû a Isiraeli.

Aroma 1:1

Kuuma kûrî nie Paûlo, ndungata ya Jesû Kristû na mûtûmwa ûrîa wîtîtwe na akamûrwa nî Ngai nîguo avunjagie ûvoro mwaro wake.

Aroma 10:15

Nao andû mangîvunjia atîa matarî atûme. Mandîko Matheru maugîte atîrî, “Na kaî andû arîa mathiîcaga kûvunjia ûvoro Mwaro nî aro-î!”

Aroma 15:16

gûtuîka ndungata ya Kristû kûrî andû a Ndûrîrî, nîguo nîmavunjîrie ûvoro Mwaro wa Ngai nîrî ta mûthînjîri-Ngai, na nîguo andû a Ndûrîrî matuîke îgongoona rîngîtîkîrîka nî Ngai rîtheretue nî Roho Mûtheru.

1Akor 12:11

Wîra ûcio wonthe ûrutagwa nî Roho ûcio ûmwe. Kûringana na wendi wake, Roho nîavecanaga iveo ngûrani kûrî wa mûndû.

1Akor 7:5

Mûtikaaimanage mîîrî yenyu, tiga nwanga mûrîkanîrîte atî nîmûgwîkara mûtakûmenyana kîîmwîrî gwa kavinda kanini nîguo mûgîcage na kavinda ga kûvoya. Nwatî vuva wa kavinda kau cokanagîrani wa rîngî nîguo Caitani ndakamûgerie nîûndû wa gûtura ûvoti wa kwatha merirîria ma mwîrî.

2Akor 11:27

Nînarutire wîra mûrito wa mînoga na maita meengî ngatura toro. Nînavûtaga na nganyonda, nînethagîrwa ndarî na irio cia kwîgana, nyomba kana nguo.

2Akor 6:5

Tue twanarivwa, kwovwa njeera, twanaûkîrîrwa nî kîrîndî, twanarutithua wîra wîna mînoga na nîtwekaraga ûtukû tûtakûmama na tûtarî na irio cia kûrîa.

Agal 1:15

Nwatî Ngai nîwanthuurire na njîra ya wega wake wana mbere ya njiarwe na akîmbîta nîmûtungatîre. Na rîrîa aatwire

Aefeso 3:7

Nînatwirwe ndungata ya ûvoro mwaro na njîra ya kîveo Kîam mwanya Kîam wega wa Ngai kîrîa naveerwe na njîra ya vinya wake.

Gûco 10:8

Vîndî îo, Ngai-Mûnene nîwathuurire andû a mûvîrîga wa Lawi makuuage îthandûkû rîa kîrîkanîro na mamûtungatagîre marî athînjîri-Ngai, na marathimage andû rîîtwarî rîake. Ûguo nîguo mekaga nginya ûmûnthî.

Akol 4:17

Îrani Arikipo atîrî, “Geria wa ûrîa ûngîvota nîguo ûrîkie wîra ûrîa waveerwe ûtungatarî wa Mwathani.”

1Tim 2:7

na nîwatûmire nduîke mûtûmwa kûrî andû a ndûrîrî, nîguo mvunjie na nîmathomithie maûndû megiî wîtîkio na ûma. Ûndû ûrîa narîkia kwaria nî wa ma ndirathaana.

2Tim 1:11

Nie naathuurirwe nî Ngai nduîke mûtûmwa, mwarimû na mûvunjia wa ûvoro mwaro,

2Tim 2:2

Maûndû marîa weguire ngîaria nîrî mbere ya aira eengî mathomithie andû arîa evokeku, nîguo nao mathomithie andû arîa engî.

2Tim 4:11

Luka nîke tu tûrî nake. Oca Maariko mûke nake nîûndû nîmwagîrîru wa kûndungatagîra.

2Tim 4:5

Nwatî nwanginya wîkarage wîîguîte vingo cionthe. Ûmagîrîria mathîna, rutaga wîra wa kûvunjia ûvoro mwaro na ûrutage wîra waku wonthe wa gûtungatîra Ngai.

Ahib 5:4

Gûtirî mûndû wîvecaga gîtîîo na njîra ya kwîthuura atuîke mûthînjîri-Ngai ûrîa mûnene. Ngai nîke tu wîtaga mûndû na akamûtua mûthînjîri-Ngai ûrîa mûnene wata ûrîa Aroni eetirwe.

1Sam 2:11

Vuva wa ûguo Elikana nîwacokire gwake mûciî Rama. Nake Samueli nîwatigirwe kûu Shilo agîtungatagîra Ngai-Mûnene akîonagîrîrua nî mûthînjîri-Ngai Eli.