Ciîko 10:9 - ÎVUKU RÎA ÛVORO MWARO

⁹ Na kîndû ta thaa thita cia mûthenya ûcio warûmîrîrîte wa marî rûgendorî, nîmaakinyire vakuvî na Jopa, na Petero akîthiî nyomba îgûrû kûvoya.

Ciîko 10:9 ပူးပေါင်းရင်းမြစ်များ

2Sam 11:2

Mûthenya ûmwe kîvwaî, Daudi nîwaûkîrire akiuma varîa aanogokaga na agîtwa îgûrû rîa nyomba ya Mûthamaki. Rîrîa aacerangaga kûu îgûrû, nîwonire mûndûmûka akîîthambia. Mûndûmûka ûcio aarî mûthaka mûno.

Thaburi 55:17

Nîmûkayagîra na ngamûrîrîra kîraûko, mûthenya na ûtukû, na akegua mûgambo wakwa.

Jeremia 19:13

Nyomba cia Jerusalemu na nyomba cia athamaki a Juda, na nyomba cionthe irîa îgûrû rîa cio kwavîvagîrua ûbani kûrî njata irîa îtûûraga îgûrû na gûkarutîrwa matega ma ndivei kûrî ngai ciîngî, nîgûkaagwatwa nî mûgiro wata Tofethi.”

Jeremia 32:29

Akalidei arîa mararûa na îtûûra rîîrî nîmakaarîvîvia na mwaki. Nîmakavîvia nyomba kûrîa ngai cia Baali ivîvagîrua ûbani, na kûrîa ngai cia mîvuanano irutagîrwa matega ma ndivei, nîguo mbakanwe nî marakara.

Danieli 6:10

Rîrîa Danieli amenyire atî watho nîwekîrwa kîrore nî mûthamaki, nîwathiîre nyomba gwake na agîtwa ngorovarî akîthiî kanyombarî karîa kaarî na ndirica cierekerete Jerusalemu. Wata ûrîa aamenyerete, nîwaturirie maru na akîambîrîria kûvoya na gûcokia ngatho kûrî Ngai maita mathatû wa mûthenya.

Zefania 1:5

Nîngaacûkangia arîa onthe magoocaga marî îgûrû rîa nyomba, makîgooca ciûmbe cia îgûrû. Nîngaverithia arîa mangoocaga makîîvîtaga na rîîtwa rîakwa na makevîta na rîîtwa rîa ngai îrîa îtagwa Moleku.

Mathaayo 20:5

Nao nîmaathiîre. Nake nîwacokire agîka wa ûguo ciakinya thaa thita na thaa kenda.

Mathaayo 24:17

Nake mûndû ûrîa ûkeethîrwa arî nyomba îgûrû ndakavarûrûke na atonye nyomba kûgîra indo ciake.

Mathaayo 27:45

Thaa thita cia mûthenya ciakinya, vûrûri wonthe nîwagîre nduma nginya thaa kenda.

Mathaayo 6:6

Nwatî vîndî îrîa mûkûvoya, tonyagani nyombarî cienyu, mûkavinga mîrango, na mûkavoya Îthe wenyu ûrîa ûtonekaga. Nake Îthe wenyu ûrîa wonaga maûndû marîa mwîkagîra nthithorî nîakaamûva iveo.

Maariko 1:35

Kîraûko macangîa Jesû aramûka, nîwaumire nyomba na akîthiî kûndû gûtaarî na andû kûvoya Ngai.

Maariko 6:46

Nake Jesû aarîkia kûrekereria kîrîndî, nîwathiîre kîrîmarî kûvoya Ngai.

Ciîko 10:3

Na mûthenya ûmwe kîndû ta thaa kenda cia mûthenya, Korinelio nîwagîre na kîoneki. Nake nîwonire mûraika wa Ngai waro. Mûraika ûcio nîwamumîrîre na akîmwîra atîrî, “Korinelio!”

Ciîko 6:4

Nwatî tue nîtûthiî na mbere kwîvecana ûvororî wîgiî mavoya na wîra wa kûvunjia ndûmîrîri ya Ngai.”

Aefeso 6:18

Voyagani Ngai amûtethagie vîndî îrîa mûreka maûndû mama monthe. Voyagani vîndî cionthe mûtongoretue nî Roho. Nîûndû wa gîtûmi kîu, îkaragani mwîvarîrîtie na mûtikanakue ngoro. Voyagîrani andû onthe a Ngai vîndî cionthe.

1Tim 2:8

Nîngîenda kûndû kuonthe kûrîa andû magoocagîra Ngai, arûme arîa meyamûrîrîte Ngai mavoyage maûkîrîrîtie njara ciao na îgûrû matarî arakaru na matagûkararania.

1Sam 9:25

Na rîrîa maanyûrûrûkire makiuma vandû varîa vagoocagîrwa na makîthiî îtûûrarî, Saûlo nîwathondekerûe vandû va kûmama îgûrû rîa nyomba,