Ciîko 10:4 - ÎVUKU RÎA ÛVORO MWARO

⁴ Nake Korinelio nîwamûroririe amakîte mûno na akîmûria atîrî, “Nîndûî Mwathani?” Nake mûraika ûcio nîwamûcokerie atîrî, “Ngai nîwegua mavoya maku. Ke nîwona atî we nîûvothagîra athîni na nîwakûririkana.

Ciîko 10:4 ပူးပေါင်းရင်းမြစ်များ

2Maû 32:24

Kavindarî wa kau mûthamaki Hezekia nîwarwarire na agîtigaria vanini akue. Nîwavoire Ngai-Mûnene, nake Ngai-Mûnene nîwamûcokerie na akîmûva rûûri rwa kûmwonia atî nîakûvona.

2Maû 6:33

ûkaamwîgua ûrî kûu gwaku îgûrû. Ûcoke ûvingîrie mûgeni ûcio mavoya make nîguo andû onthe a nthî makûmenye na magwîtigîre wata ûrîa andû aku a Isiraeli magwîtigîrîte na mamenye atî hekarû îno ndumîte îtanîtue na rîîtwa rîaku.

Thaburi 141:2

Amûkîra îvoya rîakwa ta mûtararûko wa ûbani, na wamûkîre njara ciakwa, irîa mbûkîrîrîtie ta îgongoona rîa kîvwaî.

Thaburi 20:3

Aroririkana matega maku monthe, na etîkîre magongoona maku ma kûvîvua.

Isaia 43:26

“Ta ndirikania, tiga tûciire twî vamwe! Aria maûndû maku nîguo wonekane atî wî na ûma!

Isaia 45:19

Nie ndiaragia nîîthithîte kana nîrî vûrûrirî wa nduma. Nie ndiera njiarwa cia Jakovu inîîvoke mana. Nie nînie Ngai-Mûnene na mbaragia ûma; Nyumbûraga maûndû ma ma.”

Danieli 10:11

Nake mûraika nîwambîrire atîrî, “Danieli, Ngai nîakwendete mûno. Rûngama na ûthikîrîrie waro ûrîa ngûkwîra. Nie ndûmîtwe kûrî we.” Rîrîa aambîrire ûguo, nînarûngamire wa nginainaga.

Alawi 2:2

na aûvire kûrî athînjîri-Ngai a nyomba ya Aroni. Mûthînjîri-Ngai nîagaakumbata mûtu ûcio ûrî na maguta na ûbani ngundi îmwe, na aûvîvîrie îgûrû rîa metha ya kîgongoona kîrî kîririkania atî matega mau ma kûvîvua marutîrîtwe Ngai-Mûnene. Mûtararûko wa matega mau nîûkenagia Ngai-Mûnene.

Malaki 3:16

Nao arîa magocaga Ngai-Mûnene nîmaranîrie o ene, nake Ngai-Mûnene akîgua ûrîa maaragia. Narîo îvuku nîrîaigirwe mbere ya Ngai-Mûnene rîandîkîtwe marîîtwa ma arîa mamûgoocaga na mamwathîkagîra.

Mathaayo 26:13

Nie nîramwîra nama atî kûrîa kuonthe ûvoro mwaro ûkaavunjua nthî yonthe, ûndû ûcio ambîka nîûkaganagwa nîguo aririkanagwe.”

Luka 1:29

Nake Mariamu egua rûkethi rûu rwa mûraika, nîwatangîkire mûno na akîambîrîria gwîciiria ûrîa rûkethi rûu rwendaga kuga.

Luka 24:5

Nao aka acio nîmaavavûkire na makînamia mothiû mao nthî. Nao arûme acio nîmaamerire atîrî, “Nîndûî kîratûma mûcarie mûndû ûrî mwoyo gatagatîrî ka arîa akuû?

Ciîko 10:31

na akîmbîra atîrî, ‘Korinelio! Ngai nîwîguîte mavoya maku na atî we nîûvothagîra athîni.

Ciîko 14:9

Nake mûndû ûcio nîwathikîrîrîtie Paûlo akîaria. Paûlo nîwamûroririe na vinya na akîona atî nîwetîkîtie Ngai arî na ûvoti wa kûmûvonia.

Ciîko 22:10

Nanie nînaûririe atîrî, ‘Nie nîmbîka atîa Mwathani?’ Nake Mwathani nîwanjokerie atîrî, ‘Ûkîra wa rîu, ûthiî Damesiki na wakinya kuo nîûkwîrwa maûndû monthe marîa Ngai avangîte wîke.’

Ciîko 3:4

Nao nîmaamûroririe na vinya mûno na Petero nîwamwîrire atîrî, “Ta tûrorie!”

Afil 4:18

Na rîu nîngîte na indo nyîngî na ngakîrîrîria. Nîrî na indo cia kûmbîgana nîûndû Epafarodito nîwandetere iveo kuuma kûrî mue. Iveo icio ciîkariî ta kîndû kîrî na mûnungo mwaro gîkîrutîrwa Ngai, na ta îgongoona rîa gwîtîkîrîka nîke na rîa kûmûkenia.

Afil 4:6

Mûtikamakue nî ûndû wana ûrîkû nwatî voyani na mwîtie Ngai kîrîa kîonthe mûrenda na mûcokagie ngatho vîndî cionthe.

Ahib 13:16

Mûtikariganîrwe nî gwîka waro na gûtethania mûndû na ûrîa wîngî, nîûndû mama nîmo magongoona marîa makenagia Ngai.

Ahib 6:10

Ngai nî wa kîvooto. Nama akaaririkanaga wîra ûrîa mwarutire, na wendo ûrîa mwonanirie nîûndû wa rîîtwa rîake. Mue nîmwatungatîre akristiano arîa engî na nwa mûrathiî na mbere kûmatungatîra.

Kûguû 8:4

Nayo ndogo îrîa yaumaga ûbanirî ûkîvîa, nîyaunûkagia vamwe na mavoya ma andû a Ngai kuuma njararî cia mûraika ûrîa warî vau mbere ya Ngai.

1Sam 3:10

Nake Ngai-Mûnene nîwaûkire na akîrûngama vakuvî na varîa Samueli aamamîte na agîtana wata ûrîa eetanaga mbererî, na akiuga atîrî, “Samueli! Samueli!” Nake Samueli agîcokia na akiuga atîrî, “Aria, nîûndû ndungata yaku nîîthikîrîrîtie.”