Ciîko 1:2 - ÎVUKU RÎA ÛVORO MWARO

² nginya rîrîa aavirirwe îgûrû. Mbere ya avirwa îgûrû, nîwavere andû arîa aathuurîte matuîke atûmwa ake kîrîra. Nake eekire ûguo avotithîtue nî Roho Mûtheru.

Ciîko 1:2 ပူးပေါင်းရင်းမြစ်များ

Isaia 42:1

Ngai-Mûnene arauga atîrî, “Îno nîyo ndungata yakwa, îrîa mbîkagîra vinya, nîyo nîîthuurîrîte, na nîyo îngenagia, nînîmwîkîrîte Roho wakwa, nîyo îkaarete kîvooto mavûrûrirî.

Isaia 48:16

“Nguvîvîriani mwîgue ûrîa nguga, kuuma tene ndianarîria nthithorî, kuuma rîrîa maûndû mau maambîrîîrie gwîkîka Nie naarî wa kuo.” Na rîu Ngai-Mûnene mwene vinya wonthe, nîandûmîte na akamva vinya wa Roho wake.

Isaia 61:1

Roho wa Mwathani Ngai-Mûnene ûrî nanie, nîûndû ke nîanthuurîte na akambîtîrîria maguta, nîguo mvirîre arîa akinyîrîrie Ûvoro Mwaro, ngaûmîrîrie arîa makuîte ngoro, nganîrîre kûrî arîa anyite atî nîmarekererua, nao arîa movetwe njeera nîmamenyithie atî nîmovorwa.

Mathaayo 12:28

Nwatî ethîrwa ndutûrûraga ndaimono mvetwe vinya nî Roho wa Ngai, ûguo nîkwonania atî Ûthamaki wa Ngai nîmûkinyu kûrî mue.

Mathaayo 3:16

Nake Jesû aarîkia kûvatithua, nîwaumîrire manjîrî wa rîmwe. Narîo îgûrû nîrîavingûkire, na akîona Roho wa Ngai akînyûrûrûka ta ndutuura na agîkara îgûrû rîake.

Maariko 6:30

Vuva wa ûguo atûmwa nîmaacokire kûrî Jesû na makîmwîra maûndû monthe marîa meekîte, wana marîa maathomithanîtie.

Luka 24:51

Na vîndî îrîa aamarathimaga, nîwamatigire na akîambatua îgûrû.

Luka 9:51

Rîrîa kavinda gaakuvîvîrie ka Jesû ambatue îgûrû, Jesû nîweciririe athiî Jerusalemu.

Johana 1:16

Nîtûnyitîte irathimo nyîngî mûno kuuma wegarî ûcio wake mwîngî.

Johana 13:1

Gwatigarîtie mûthenya ûmwe kîrugo Kîam pasaka Kîammbîrîrie. Jesû nîwaicî atî îvinda rîake rîa kuuma gûkû nthî athiî kûrî îthe rîarî rîkinyu. Ke aarî mwendu andû ake arîa maarî gûkû nthî, na aamendire nginya mûthiia.

Johana 13:18

“Nie ndiraria ûvoro ûmwîgiî muonthe. Nîmbîcî nî andû arîkû nthuurîte. Nwatî nwa nginya mandîko matheru mavinge marîa maugîte atî, ‘Mûndû ûrîa twarîcanîre mûgate nake nîke wacokire kûngarûrûka.’

Johana 13:3

Nake Jesû nîwaicî atî Îthe aarî mûmûveu vinya wa gwîka maûndû monthe. Nîwaicî atî ke aaumîte kûrî Ngai na aacokete kûrî Ngai.

Johana 16:28

Nie naumire kûrî Vava na ngîûka gûkû nthî na rîu nînguuma gûkû nthî njoke kûrî Vava.”

Johana 17:13

Rîu nie nîkwa mbûkîte kûrî we. Nîraria maûndû mama nîrî gûkû nthî nîguo arûmîrîri akwa magîe na gîkeno gîcûru ta kîrîa nîrî nakîo.

Johana 20:17

Nake Jesû nîwamwîrire atîrî, “Tiga kwînyitîrîra nanie nîûndû ndirî mwambatu kûrî Vava. Nwatî thiî kûrî aa mûrwaiya na ûmeere atî nie nîkwa njokete kûrî ûrîa arîke Vava na nwake Îthe wao, Ngai wakwa na nwake Ngai wao”.

Johana 20:21

Nake Jesû nîwamerire rîngî atîrî, “Gîani na thayû. Wa ta ûrîa Vava aandûmire, nwaguo wa nanie namûtûma.”

Johana 3:34

Ûrîa ûtûmîtwe nî Ngai aragia ciugo cia Ngai nîûndû Ngai nîavecaga mûndû Roho atakûthimîrîra.

Johana 6:62

Î narîo mûkona Mûrû wa Mûndû akiunûkia acokete kûrîa aarî mbererî?

Johana 6:70

Nake Jesû nîwamacokerie atîrî, “Na kinthî nie tî nie naamûthuurire mûrî îkûmi na aîrî? Nwatî ûmwe gatagatîrî kenyu nî ngoma!”

Ciîko 1:11

Nao arûme acio nîmaamerire atîrî, “Mue andû a Galili, mûrûngamîte mûroretie îgûrû nîkî? Jesû ûcio wauma kûrî mue avirwa îgûrû nîagaacoka rîngî wata ûguo mwona akîthiî îgûrû.”

Ciîko 1:13

Rîrîa maatonyire îtûûrarî rîu nîmaacokire makîthiî kanyombarî ka îgûrû kûrîa meekaraga. Nao maarî Petero, Johana, Jakuvu na Enderea, Filipu, Toma, Batholomayo, Mathaayo, Jakuvu mûrû wa Alufayo, Simoni ûrîa wetagwa Zelote, na Judasi mûrû wa Jakuvu.

Ciîko 1:22

kuuma vîndî îrîa Johana aavatithanagia nginya rîrîa Mwathani Jesû aavirirwe îgûrû, nwanginya athuurwe atonye gîkundirî gîetû. Mûndû ûcio nwanginya atuîke mûira vamwe natue wa ûvoro wa kûriûka kwa Jesû.”

Ciîko 1:9

Nake Jesû arîkia kuga ûguo, nîwavirirwe îgûrû wa mamûroretie na îtu rîkîmûkunîka magîtiga kûmwona.

Ciîko 10:38

Mue nîmwîcî ûvoro wîgiî Jesû Mûnazarethi. Ngai Nîwamûvere Roho Mûtheru na akîmûva vinya. Jesû nîwathiîcaga kûndû kuonthe agîkaga waro na akîvonagia arîa onthe maanyitîtwe nî Ngoma. Jesû eekaga ûguo nîûndû Ngai aarî vamwe nake.

Agal 1:1

Kuuma kûrî nie Paûlo mûtûmwa wa Jesû Kristû. Nie ndiathuurirwe nduîke mûtûmwa na njîra ya andû na ndiatûmwa nyumîte kûrî andû. Natuîkire mûtûmwa na njîra ya Jesû Kristû wa vamwe na Ngai Îthe, ûrîa wamûriûkirie.

Aefeso 2:20

Wa namue mwîkariî ta nyomba îrîa yatumirwe îgûrû rîa atûmwa na arathi marî ta o mûcingi. Nake Kristû ke mwene nîke îthiga rîrîa rîa vata mûno rîa nyomba îo.

1Tim 3:16

Gûtirî na nganja atî ûvoro ûyû wa Ngai nî nthitho nene: Ke onanirue arî mûndû, Roho nîwonanirie atî aarî mwagîrîru, na nîwonirwe nî araika. Ûvoro wake nîwavunjirue kûrî andû a ndûrîrî, nîwetîkirue nî andû a nthî yonthe, na nîwavirirwe îgûrû kûrîa kûrî na riiri.

Ahib 9:24

Nîûndû Kristû ndaatonyire Vandû Vatheru vatumîtwe na njara cia andû, na nîvo mûvuano wa vandû varîa va ma. Kristû aatonyire îgûrû kuo kwene. Kûu nîkuo arûngamîte mbere ya Ngai vandûrî vetû.

1Pet 3:22

ûrîa waunûkirie îgûrû na rîu ekaraga mwena wa ûrîo wa Ngai. Kûu Jesû nîwathaga araika onthe, wa vamwe na maroho marîa mathanaga na marî vinya.

2Pet 3:2

Nîrenda mûririkane ciugo irîa ciarirue tene mûno nî arathi arîa atheru na rîathani rîrîa mwaveerwe nî atûmwa enyu riumîte kûrî Mwathani na Mûvonokia.

Kûguû 1:1

Îvuku rîîrî nî mûtaratara wa maûndû marîa Jesû Kristû aaguûririe. Ngai aamûveere kûguûrîrua gûkû, nîguo onie ndungata yake maûndû marîa maarî nwa nginya mekîke narua. Nake Kristû nîwatûmire mûraika wake akamenyithie ndungata yake Johana,

Kûguû 2:11

Mûndû wa wonthe ûrî na matû ma kwîgua, nîathikîrîrie ûrîa Roho arera makanitha! “Arîa makaavootana matigekwa ûndû mûcûku nî gîkuû gîa kaîrî.

Kûguû 2:17

“Mûndû wa wonthe ûrî na matû ma kwîgua, nîathikîrîrie ûrîa Roho areera makanitha! “Arîa makaavootana nie nîngaamava mamwe ma maana marîa mathithe. Nie nîngaava wa ûmwe wa ciao îthiga rîa rangi njerû rîandîkîtwe rîîtwa rîcerû. Rîîtwa rîu rîtikethîrwa rîcîkene nî mûndû wîngî tiga ûrîa ûkaarîamûkîra.

Kûguû 2:29

Mûndû wa wonthe ûrî na matû ma kwîgua nîathikîrîrie ûrîa Roho areera makanitha!

Kûguû 2:7

“Mûndû wa wonthe ûrî na matû ma kwîgua, nîathikîrîrie ûrîa Roho arera makanitha! “Arîa makaavootana nîngaametîkîria marîe matunda ma mûtî wa mwoyo ûrîa ûrî mûgûndarî wa Ngai.

Kûguû 21:14

Rûthingo rwa îtûûra rîu înene rîa Jerusalemu rwatumîtwe îgûrû rîa mathiga îkûmi na maîrî ma mûcingi. Namo marîîtwa ma atûmwa îkûmi na aîrî a Gatûrûme nîmandîkîtwe mathigarî mau, wa rîîtwa îthigarî rîarîo.

Kûguû 3:13

“Mûndû wa wonthe ûrî na matû ma kwîgua nîathikîrîrie ûrîa Roho areera makanitha!

Kûguû 3:16

Kwoguo nîûndû mue mûrî araru, mûtirî aviû kana akiru mvevo, nîngûmûtuîra nthî muume kanyuarî gakwa.

Kûguû 3:22

“Mûndû wa wonthe ûrî na matû ma kwîgua nîathikîrîrie ûrîa Roho areera Makanitha!”