Ayubu 9:4 - ÎVUKU RÎA ÛVORO MWARO

⁴ Ngai nî mûûgî na arî vinya nyîngî, kûrî mûndû wanakararania nake na akavootana?

Ayubu 9:4 ပူးပေါင်းရင်းမြစ်များ

2Maû 13:12

Ngai arî natue arî mûtongoria wetû, nao athînjîri-Ngai marî na tûrumbeta nîguo matûvuve magîtwîta tûke tûrûe namue. Mue andû a Isiraeli, mûtikarûe na Ngai-Mûnene, Ngai wa methe menyu, nîûndû mûtîngîvootana!”

2Maû 20:6

na nîwavoire akiugaga atîrî, “Ngai-Mûnene, Ngai wa methe metû, kinthî tîwe Ngai ûrîa ûrî Îgûrû? Na kinthî tîwe wathaga mothamaki monthe ma nthî? We ûrî na vinya na ûvoti, kwoguo gûtirî mûndû ûngîgwîtirîria.

Ayubu 11:6

Na acoke akwîre maûndû ma nthitho na ma ûûgî? Ngai nîamenyaga maûndû na njîra ndikîru, menya atî, Ngai ndakûverithagia kûringana ûrîa na wîvîtie.

Ayubu 12:13

Nwatî ûûgî na vinya nî cia Ngai, naguo ûmenyo na kîrîra nî ciake.

Ayubu 15:13

Nginya ûkaregana na Ngai, na ûkaaria ciugo njûku ta icio?

Ayubu 23:6

Ngai nîangîatûmîre vinya wonthe wake gûciira nanie? Naarî, nîangîanthikîrîrie.

Ayubu 24:22

Ngai, na vinya wake nîacûkangagia arîa marî vinya; arûngamaga nao magata kîîrîgîrîro gîa ûtûûro.

Ayubu 25:2

“Ngai arî ûvoti mwîngî, na nîwagwîtigîrwa nî andû onthe. Kûu îgûrû aathanaga nîatûmaga kûgîe na thayû.

Ayubu 28:23

“Ngai tu nîke wîcî njîra ya ûûgî, nîke wîcî kûrîa uumaga.

Ayubu 36:5

“Taroria Ngai arî vinya, na ndairaga mûndû, arî vinya mwîngî mûno wa meciria.

Ayubu 37:23

Tûtingîvota gûkuvîvîria Ngai Mwene Vinya; ke arî ûvoti mwîngî na kîvooto, ke ecûrîtwe nî wega na ndavinyanagîrîria.

Ayubu 38:36

Nû waveere matu ûûgî; na akîva nundu ûmenyi?

Ayubu 38:37

Nû wîna ûûgî wa kûmenya ûrîa matu megana? Na nû ûngîmenamania makauria mbura,

Ayubu 40:9

We wî vinya ta nie? Wavota kûruruma na mûgambo ta wakwa?

Ayubu 41:2

Nwa wîkîre mûkanda îniûrûrî rîakîo, kana ûtûrîkanie rûthîa rwa kîo na mbogoro?

Ayubu 6:10

Ûndû ûcio nwa ûtûme mbîganîre, nîngîakenire wana ethîrwa naarî na ûrûrû mwîngî, nîûndû ndianaregana na ciugo cia Ûrîa Mûtheru.

Ayubu 9:19

Wana ethîrwa nî kûvirana îgootirî, nû ûngîmûthitanga, ethîrwa nî kûvirana îgootirî, nû ûngîmwîta?

Thaburi 104:24

We Ngai-Mûnene, nîwîkîte maûndû meengî mûno! Wathondekire monthe na ûûgî! Nthî îcûrîte ciûmbe ciaku.

Thaburi 136:5

Nîke waûmbire îgûrû na ûûgî wake; nîûndû wendo wake ûtathiraga ûtûûraga tene na tene;

Ntha 15:7

Nîûndû wa ûnene waku we nîûng'aûranagia nthû ciaku; marakara maku makanaga makamavîvia ta rûûa.

Ntha 9:7

Nake mûthamaki wa Misiri nîwatûmire andû magatuîrie. Nao matuîria nîmaamenyire atî gûtirî nyamû wana îmwe ya andû a Isiraeli yakuîte. Mûthamaki wa Misiri nîwaûmirie ngoro na akîrega gwîtîkîria andû a Isiraeli mathiî.

Nthi 28:14

Gûkena nî mûndû ûrîa wîtigagîra Ngai-Mûnene vîndî cionthe, nwatî mûndû wa ngoro nyûmû arîkagîrîria thînarî.

Nthi 29:1

Mûndû ûrîa ûkaanagua ûndû maita meengî akîûmagia kîongo, agaacûkangua wa rîmwe ûndû atangîvona.

Isaia 45:9

Kaî mûndû ûrîa ûgianaga na mûmûmbi nî mûrume-î, ta nyûngû ya yûmba îkîgiana na mûmîûmbi! Yûmba nîrîûragia ûrîa ûmbaga indo narîo kîrîa araûmba? Wana kana rîmwîra atîrî, “Wîra waku tî mwaro!”

Jeremia 50:24

We Babuloni, nagûtegire na ngîkûgwatia, na ndwamenya ûndû ûcio, nîwonekire na ûkîgwatwa, nîûndû nîwang'ang'anire na Ngai-Mûnene.

Danieli 2:20

na akiuga atîrî, “Rîîtwa rîa Ngai rîrorathimwa tene na tene! Ke nî mûûgî na arî vinya.

Nahumu 1:3

Ngai-Mûnene ndarakaraga na îvenya nwatî arî vinya nyîngî; ke ndetîkagîra arîa marî na mevia mathiî mataverithîtue. Varîa Ngai-Mûnene avîtûkagîrîra nî vaumaga rûkûngi na kîvuvûkanio; matu nî rûkûngû rûrîa rûgûrûkagua nî makinyo make.

Aroma 11:33

Na kaî ûtonga wa Ngai nî mûnene-î! Na kaî ûûgî wake na ûmenyo nî mûrikîru-î! Nû ûngîtaarîria matua make? Nû ûngîmenya njîra ciake?

1Akor 10:22

Nîkwa tûrenda kûrakaria Mwathani kana nîkwa tûreciria atî tûrî na vinya kûmûkîra?

Aefeso 1:19

Mvoyaga mûmenye tue arîa twîtîkîtie ûrîa tûratethua nî vinya wake mwîngî. Vinya ûyû ûratûtethia, nwaguo vinya

Aefeso 1:8

ûrîa atûvete na njîra îtarî kîthimi! Ngai arî na ûûgî na ûmenyo wake,

Aefeso 3:10

Na nîguo rîu na njîra ya kanitha athani na maavinya ma îgûrû mamenyithue ûrîa Ngai arî mûûgî maûndûrî monthe.

Aefeso 3:20

Ngai arokumua na njîra ya vinya wake ûrîa ûrutaga wîra ndaarî yetû, ke nîavotaga gwîka maûndû meengî mûno makîria ya marîa tûngîmûria wana kana tûngîciria.