Ayubu 9:12 - ÎVUKU RÎA ÛVORO MWARO

¹² Taroria, oocaga kîrîa akwenda na gûtirî mûndû ûngîmûgiria. Gûtirî mûndû ûngîmûria atîrî, ‘Ûreka atîa?’

Ayubu 9:12 ပူးပေါင်းရင်းမြစ်များ

2Sam 16:10

Nwatî mûthamaki nîwerire Abishai na mûrwang'ina Joabu atîrî, “Ûcio tî wîra wenyu. Ethîrwa aranuma nîûndû nî Ngai-Mûnene ûmwîrîte eke guo, nîûrîkû ûrî na kîvooto gîa kûmûria areka ûguo nîkî?”

Ayubu 1:21

na akîvoya akiuga atîrî, “Naciarirwe ndarî na kîndû na ngakua ndarî na kîndû. Nî Ngai-Mûnene wavecanire na nîke wacoka gwîcîra, rîîtwa rîake rîrogoocwa!”

Ayubu 10:7

We nîwicî atî ndirî mwîviu, na atî gûtirî mûndû ûngîndethûra kuuma kûrî we.

Ayubu 11:10

Ethîrwa Ngai nwa anyite mûndû na amuikie njeera na amûthitange, nû ûngîmûrigîrîria?

Ayubu 23:13

Ngai ndagarûrûkaga na ndagarûragwa, ekaga ûrîa ke mwene akwenda.

Ayubu 33:13

Ûrakararania nake nîkî, ûkiugaga atî ndacokagia ciûria cia andû.

Ayubu 34:29

Ngai angîkira arege gwîka wanarî ûndû, nîûrîkû ûngîmûtuîra ciira? Angîthitha ûthiû wake, nû ûngîvota kûmwona,

Mûvunjia 8:4

Mûthamaki aragia arî na ûvoti na gûtirî mûndû ûngîregana na ûrîa augaga.

Isaia 43:13

Nie nînie Ngai na nîndûûra nîrî Ngai. Gûtirî mûndû wanarî ûmwe ûngîîvonokia kuuma njararî ciakwa; gûtirî mûndû ûngîndigîrîria ngîruta wîra wakwa.”

Isaia 45:9

Kaî mûndû ûrîa ûgianaga na mûmûmbi nî mûrume-î, ta nyûngû ya yûmba îkîgiana na mûmîûmbi! Yûmba nîrîûragia ûrîa ûmbaga indo narîo kîrîa araûmba? Wana kana rîmwîra atîrî, “Wîra waku tî mwaro!”

Jeremia 18:6

“Mue andû a Isiraeli, anga ndingîmwîka wata ûrîa mûmbi ekire nyûngû? Taroria, wata ûrîa mûmbi ocaga ndaka ya kûûmba kîndû kîrîa akwenda, ûguo nîguo mwîthagîrwa mwîkariî mûrî njararî ciakwa.

Danieli 4:32

We nîûkengatwa ume kûrî andû, ûthiî mûgatûûrage na nyamû cia kîthaka. Ûkaarîcaga nyaki ta ndegwa îvinda rîa mîaka mûgwanja. Vîndî îo nîûkaamenya, atî Ngai Ûrîa ûrî Îgûrû Mûno nîke ûrî vinya îgûrû rîa mothamaki monthe ma nthî na nîavecaga mûndû wa ûrîa akwenda ûthamaki.”

Danieli 4:35

Andû onthe a nthî nî a mana methorî make. Nîke wathaga araika arîa marî îgûrû Vamwe na andû arîa matûûraga gûkû nthî. Gûtirî mûndû ûngîregana na wendi wake kana ûngîgîa na kîûria îgûrû rîa ciîko ciake.

Mathaayo 11:26

Îni Vava! Ûguo nîguo wendete gûtuîkîke.

Mathaayo 20:15

Nie nîrî na rûtha rwa gwîka wa ûrîa nî ngîenda gwîka na mbeca ciakwa. Ndwagîrîrwe nî kwîgua wîru nîûndû nî mûtaana.’ ”

Aroma 11:34

Wata ûrîa mandîko matheru maugîte atîrî: “Nû wîcî meciria ma Mwathani? Nû ûngîvota kûmûtaara?

Aefeso 1:11

Maûndû monthe mekagwa kûringana na mûvango wa Ngai na îtua rîake. Nake Ngai aatûthuurire tûtuîke andû ake tûrî kîndû kîmwe na Kristû nîûndû mûvango ûcio nîguo aatuîte kuuma wa Kîammbîrîria atî nîakaaûvingia.