Ayubu 8:8 - ÎVUKU RÎA ÛVORO MWARO

⁸ Nîramûthaitha mwîrute maûndû kuumana na arîa maarî kuo tene, na mûmenye maûndû marîa methe metû moonete.

Ayubu 8:8 ပူးပေါင်းရင်းမြစ်များ

2Maû 10:6

Mûthamaki Rehoboamu nîwathiîre kûria kîrîra kûrî athuuri arîa maataaraga îthe Solomoni rîrîa aarî mwoyo na akîmaûria atîrî, “Nîmûndaara ngacokerie andû aya atîa?”

Ayubu 12:12

Andû arîa akûrû nîo methagîrwa na ûûgî, na guo ûmenyo na arîa matûûrîte mîaka mîngî.

Ayubu 13:1

“Taroria, metho makwa nîmonete maûndû mama monthe, na matû makwa nîmameguîte na makamamenya.

Ayubu 15:10

Gatagatî getû kûrî na athuuri akûrû na marî na mbuî, na akûrû gûkîra aguo.

Ayubu 15:18

Maûndû marîa mwerirwe nî andû arîa aûgî, maûndû marîa methe mao matanamûthitha.

Ayubu 20:4

“Nama we nîwîcî ûrîa kwîthîrîtwe gwîkariî kuuma wa Kîammbîrîria, kuuma rîrîa mûndû aigirwe gûkû nthî,

Thaburi 44:1

Tue nîtwîguîte na matû metû, we Ngai, methe metû nîmatwîrîte, maûndû marîa wekire vîndî yao, marîa wekire vîndî ya tene:

Isaia 38:19

Arîa marî mwoyo nîo magûcokagîria ngatho, ta ûrîa nie nîragûcokeria ngatho rîu, îthe wa ciana nîke ûimenyithagia ûvoro wa wîvokeku waku.

Joeli 1:2

Thikîrîriani mue andû akûrû; thikîrîriani mue muonthe mûtûûraga nthî! Nîkûrî ûndû ta ûyû wanoneka mûtûûrîrerî wenyu, kana vîndî ya njiarwa cienyu?

Aroma 15:4

Maûndû monthe marîa marî mandîkorî marîa matheru maandîkirwe matûthomithie, nîguo tûvote kûgîa na kîîrîgîrîro na njîra ya gûkirîrîria na kûmîrîria.

1Akor 10:11

Maûndû mama monthe meekîkire kûrî o nîguo matuîke kîonereria kûrî arîa engî. Namo maandîkirwe nîguo matuîke ûtaari kûrî tue arîa tûratûûra mavindarî mama ma mûthiia.

Gûco 32:7

“Taririkanani ûvoro wa mavinda ma tene; ta îcirieni ûvoro wa mîaka mîîngî mîvîtûku, ûriani methe menyu na nîmakûmwîra ûrîa gwekariî, ûriani athuuri enyu na nîmakûmwîra ûrîa gwekariî.

Gûco 4:32

“Tuîriani îgûrû rîgiî mavinda marîa mavîtûku rîrîa mûtaarî aciare nginya rîrîa Ngai aaûmbire mûndû gûkû nthî. Tuîriani nthî yonthe mwone kana kûrî ûndû mûnene ta ûyû wanekîka kana waneguîka.