Ayubu 8:7 - ÎVUKU RÎA ÛVORO MWARO

⁷ Wana ethîrwa wambîrîrie ûtûûro ûtarî na kîndû, vuvarî ûkethîrwa ûrî na indo nyîngî.

Ayubu 8:7 ပူးပေါင်းရင်းမြစ်များ

Ayubu 42:10

Ayubu arîkia kûvoera arata ake, Ngai-Mûnene nîwamûcokerie indo ciake cionthe maita maîrî ma ûrîa ciegana mbere.

Ayubu 5:11

Nîanenevagia arîa menyivagia, na agatûma arîa maracakaya makene.

Ayubu 8:8

Nîramûthaitha mwîrute maûndû kuumana na arîa maarî kuo tene, na mûmenye maûndû marîa methe metû moonete.

Nthi 19:20

Thikagîrîria ûgîtaarwa na ûrûmagîrîre ûrîa ûkûthomithua, nîguo vuvarî ûkaagîa na ûûgî.

Nthi 4:18

Nwatî njîra ya andû arîa athingu îkariî ta riûa rîkîratha, rîrîa rîaraga na rîkathiî na mbere kwongerera ûtheri nginya mûthenya gatagatî.

Zakaria 14:7

Gûkethagîrwa vîndî cionthe kûrî na ûtheri ta wa mûthenya (vîndî îo nî Ngai-Mûnene wenga wicî). Gûtikethîrwa na ûtukû kana mûthenya, nîûndû wana ûtukû gûkethagîrwa na ûtheri.

Zakaria 4:10

Mûtikaanyarare ûndû ûrîa wambagîrîria na njîra nini, nîûndû Ngai-Mûnene akenagua nî wîra rîrîa ûrathiî na mbere. Andû nîmagaakena mona Zerubabeli akîmîtuma. “Taa icio mûgwanja nî metho ma Ngai-Mûnene marîa aroragia nthî yonthe namo.”

Mathaayo 13:12

Nîûndû mûndû ûrîa wîna kîndû nîakoongererwa na ciîngîve mûno makîria; nwatî mûndû ûrîa ûtarî na kîndû, nîagaacunwa wana kîndû kîrîa kînini arî nakîo.

Gûco 8:16

Kûu werûrî nîwamûvere mana mûrîe, irio irîa methe menyu matanarûma. Nîwatûmire mwînyivie na akîmûgeria, nîguo mûthiiarî amûrathime na indo mbaro.

2Pet 2:20

Maavonokirue kuuma maûndûrî marîa macûku ma gûkû nthî na njîra ya kûmenya Mwathani na Mûvonokia wetû Jesû Kristû. Nwatî ethîrwa nîmagûcoka maûndûrî mau macûku na mavotwe nîmo, nîmethîrwa marî acûkîre mûno gûkîra ûrîa gwekariî vîndî yao ya mbere.