Ayubu 8:3 - ÎVUKU RÎA ÛVORO MWARO

³ Anga Ngai nîareganaga na kîvooto? Kana wîciragia Ngai Mwene Vinya wonthe nîareganaga na ûûma?

Ayubu 8:3 ပူးပေါင်းရင်းမြစ်များ

Kîam 18:25

Nama ndûngîka ûguo. Ndûngîcûkangia andû arîa athingu vamwe na arîa matarî athingu. Ûngîka ûguo, andû arîa aro makaaverithagua vamwe na arîa acûku. We ndûngîka ûguo. Mûndû ûrîa ûtucagîra nthî yonthe ciira nwanginya eke guo na kîvooto.”

2Maû 19:7

Vecagani Ngai-Mûnene gîtîîo na mûrûthage maûndû mûvarîrîte, nîûndû Ngai-Mûnene, Ngai wetû ndendaga ûndû ûtarî wa kîvooto, ndarî kîmenyano na ndamûkagîra mavaki.”

Ayubu 10:3

Wonaga ûgîka waro rîrîa ûkûnginyîrîria? Kana rîrîa ûranyarara wîra wa njara ciaku, na ûkenda wîra wa andû arîa aganu?

Ayubu 19:6

Menyani atî nî Ngai ûtûmîte njîvie, na akambigîra mûtego nîguo anyitithie.

Ayubu 19:7

Wana nakaya ngiugaga, nînîratharîkîrwa, gûtirî mûndû ûnthikagîrîria. Mbîtanaga ndethue, nwatî ndionaga kîvooto gîkîrûmîrîrwa.

Ayubu 21:15

Maûragia Ngai mwene vinya wonthe nû nîguo mamûtungatîre, na nî umithio ûrîkû monaga mamûvoya.

Ayubu 21:20

O ene moone makînyarirîka, tiga megue marakara ma Ngai mwene vinya wonthe.

Ayubu 34:5

Ayubu augîte atîrî, ‘Nie ndirî na mavîtia, na Ngai nîmûreganu na kîvooto gîakwa.

Ayubu 35:13

Nama Ngai ndathikagîrîria kîrîro Kîam mana, wana Mwene Vinya ndoonaga ta ûndû.

Ayubu 36:23

Nû ûngîathîrîra Ngai ûrîa agwîka, kana ûngîmwîra atî nîekîte naaî?

Ayubu 36:3

Nîngûkwonia na njîra nyîngî ûrîa ûmenyo wakwa wîgana. Nîngûmwonia atî ûrîa wanyûmbire nî mûthingu.

Ayubu 37:23

Tûtingîvota gûkuvîvîria Ngai Mwene Vinya; ke arî ûvoti mwîngî na kîvooto, ke ecûrîtwe nî wega na ndavinyanagîrîria.

Ayubu 4:17

Kûrî mûndû ûngîtuîka mwîvokeku mbere ya Ngai? Kûrî mûndû ûngîtuîka mûtheru mbere ya Ûrîa wamûmbire?

Ayubu 40:2

We ûtuîragia mavîtia, nîûgûcindana na Ngai Mwene Vinya? We ûkararanagia na Ngai, njokeria.

Ayubu 40:8

Nîkwa ûrenda kûregana na îtua rîakwa, wonanie atî nîrî na mavîtia, nîguo we ûtuîke mwaro?

Ayubu 9:2

“Nama nîmbicî atî ûguo nîguo kûrî. Nwatî kûrî mûndû ûngîtuîka mûthingu mbere ya Ngai?

Thaburi 89:14

Ûthingu na kîvooto nîcio mûcingi wa ûthamaki waku; wendo ûtathiraga na wîvokeku nîcio igûtongoragîria.

Thaburi 99:4

We mûthamaki mwene Vinya Wonthe, mwendi ûthingu; Nîwonanîtie kîvooto Isiraeli; nîwonanîtie ûthingu na waragania.

Ezek 18:25

“Kûnarî ûguo mugaga atîrî, ‘Njîra cia Ngai-Mûnene tî cia ma.’ Thikîrîriani rîu, mue andû a Isiraeli, anga njîra ciakwa tîcio cia ma? Anga njîra cienyu tîcio itarî cia ma?

Ezek 33:17

“Kûnarî ûguo andû enyu maugaga atî maûndû marîa Mwathani ekaga tî maro. Kinthî tî o mekaga maûndû matarî maro.

Ezek 33:20

Nwatî mue andû a Isiraeli mugaga atî, ‘Njîra cia Mwathani tî cia kîvooto.’ Ngaatuîra wa mûndû kûringana na mîthiîre yake.”

Danieli 9:14

Kwoguo we Ngai-Mûnene, Ngai wetû, nîwevarîrie gûtûverithia na ûgîka guo, nîûndû vîndî cionthe wîkaga ûrîa kwagîrîrîte, nwatî tue tûkarega gûkwathîkîra.’

Aroma 2:5

Nwatî we ûrî na ngoro nyûmû na nîûregete kwîrira. Kwoguo nîûreîngîvîria îvera rîaku rîrîa rîgaakinya mûthenya ûrîa marakara ma Ngai na îtua rîake rîa ma rîkaguûranîrua.

Gûco 32:4

“Ke nî ta îthiga, wîra wake nî mûkinyanîru, maûndû make monthe nî ma kîvooto. Ngai nî mwîvokeku na wa ûma; ekaga maûndû marîa magîrîrîte na ma kîvooto.

Kûguû 15:3

nao nîmaainire rwîmbo rûrîa Musa, ndungata ya Ngai aainire, na rûrîa Gatûrûme aainire, akiuga atîrî: “We Mwathani Ngai mwene vinya wonthe, ciîko ciaku nî nene na nî cia magegania! Mûthamaki wa mavûrûri monthe, maûndû monthe marîa wîkaga nî ma kîvooto na nî ma ma!

Kûguû 16:7

Nînacokire ngîgua mûgambo kuuma metharî ya kîgongoona ûkiuga atîrî, “Nî ma, Mwathani Ngai mwene vinya wonthe! Njîra îrîa ûtucanagîra ciira nayo nî ya ma na nî ya kîvooto!”