Ayubu 8:22 - ÎVUKU RÎA ÛVORO MWARO

²² Arîa makûmenete nîmagaconoka mûno, na mîciî ya arîa aganu nîîkathira.

Ayubu 8:22 ပူးပေါင်းရင်းမြစ်များ

Ayubu 15:34

Andû arîa matagoocaga Ngai magatûûra marî nthata, na mîciî ya arîa mavakanaga îkavîvua nî mwaki.

Ayubu 18:14

Aarutirwe nyomba îrîa aatwîre evokete, akîvirwa mbere ya mûthamaki wîtagwa gîkuû.

Ayubu 21:28

Nîûndû mûragia atîrî, “Nyomba ya mûnene îrî kû? Nyomba îrîa mûndû mwaganu atûûraga îrî kû?”

Ayubu 36:6

Ndetîkagîra arîa aganu matûûra mwoyo, nwatî nîwonanagia kîvooto kûrî arîa athîni.

Ayubu 4:21

Kîrîa kîonthe arî nakîo kîngîocwa, Agacokaga agakua ta kîrimû.”

Ayubu 7:21

Nîkwa ûtangîndekera mevia makwa, na ûngirîre mavîtia makwa? Nîûndû kavinda gatarî karaca ngethîrwa nîrî mbîrîrarî, ûkanjaria nwatî ndikethîrwa nîrî vo.”

Ayubu 8:15

Metiranagia na nyomba ciao, nwatî ndîrûngamagia, menyitagîrîra kûrî yo nwatî ndîtûûraga.”

Ayubu 8:18

Nwatî angîcûkangua arî kûrîa atûûraga, kûu nwa kûmûkaane gûkiugaga atîrî, “Nie ndianakwona.”

Ayubu 9:1

Ayubu nîwacokerie Ngai atîrî,

Thaburi 109:29

Nthû ciakwa nîikunîkîrwe nî nthoni ta nguo; na mekîre gîconoko ta nguo irîa mekagîra.

Thaburi 132:18

Nîngaatûma nthû ciake igîe na gîconoko, nwatî nthûmbî yake ya ûthamaki nîîgaakengaga îrî kîongorî gîake.”

Thaburi 35:26

Tiga acio makenagîrîra kûthînîka gwakwa, mavootwe na maconorithue; acio meyonaga marî aro kûrî nie, megue nthoni na maconoke.

Nthi 14:11

Mûciî wa mûndû mwaganu nîûkomomorwa, nwatî mûciî wa mûndû mwagîrîru nîûgîcaga vinya.

Ezek 26:16

Athamaki onthe a mavûrûri marîa marî rûtere rwa îria nîmakaauma itîîrî ciao cia ûthamaki. Nao nîmakaaruta nguo ciao irîa ndaca wa vamwe na nguo ciao irîa ng'emie waro. Nîmakaagwatwa nî guoya na nîmagekaraga nthî makinainaga vîndî cionthe mamakîte nîûndû wa maûndû marîa mekîkîte kûrî we.

Ezek 7:27

Mûthamaki nîagaacakayaga, na mûtongoria athirwe nî kîîrîgîrîro. Andû a vûrûri nîmagaatetemaga nî guoya. Nie nanie ngaamekaga maûndû kûringana na mîthiîre yao na nîngaamatuîra ciira wata ûrîa magîrîrwe nî gûtuîrwa, na nîmakaamenya atî nînie Ngai-Mûnene.”

Zakaria 5:4

Ngai-Mûnene mwene vinya wonthe augîte ke mwene nîke ûgaatûma kîrumi kîu kîthiî na gîtonye nyomba ya mûndû wa wonthe mwîi na gîtonye nyomba ya mûndû wa wonthe wîvîtaga na njîra ya maveeni akîgwetaga rîîtwa rîa Ngai-Mûnene. Nîgîgekara nyombarî yake na kîmîcûkangie, kîthirie mbaû wana mathiga.”

1Pet 5:5

Na njîra wata îo, wa namue andû ethî athîkagîrani andû arîa akûrû. Muonthe arîa mwîtîkîtie înyivanagîrieni nîguo mûtungatanagîre, nîûndû mandîko matheru maugaga atîrî, “Ngai nîareganaga na andû arîa etîi, nwatî nîendete arîa menyivagia.”