Ayubu 8:13 - ÎVUKU RÎA ÛVORO MWARO

¹³ Ûguo nîguo njîra cia arîa mariganîrîtwe nî Ngai ciîkariî; kîîrîgîrîro Kîam mûndû ûtetîkîtie Ngai nîgîkaathira.

Ayubu 8:13 ပူးပေါင်းရင်းမြစ်များ

Ayubu 11:20

Nwatî metho ma andû aganu nîmakaathira vinya, nîmakaarigwa nî njîra cionthe cia kûûrîra, kîîrîgîrîro Kîam o Kîam mûthiia nî gûkua.”

Ayubu 13:16

Ûndû ûyû nîguo ûkaamvonokia, atî mûndû mwîvia ndangîvota kûthiî mbere ya Ngai.

Ayubu 15:34

Andû arîa matagoocaga Ngai magatûûra marî nthata, na mîciî ya arîa mavakanaga îkavîvua nî mwaki.

Ayubu 18:14

Aarutirwe nyomba îrîa aatwîre evokete, akîvirwa mbere ya mûthamaki wîtagwa gîkuû.

Ayubu 20:5

atî ûcamba wa mûndû mwaganu nîwa kavunda kanini, na gîkeno Kîam mûndû ûtaicî Ngai kîthiraga narua.

Ayubu 36:13

“Andû arîa matarî na ûngai, mendaga kûrakara, wana rîrîa makûverithua o mativoyaga ûtethio.

Ayubu 8:12

Wana yethîrwa îtumûrîte kîrao na îtarî mîteme, manjî mavwa yûmaga îrî ya mbere.

Thaburi 1:4

Nwatî andû arîa aganu matiîkariî ûguo; mekariî ta macaki marîa magûrûkagua nî rûkûngi.

Thaburi 10:4

Andû arîa aganu matiîciragia ûvoro wa Ngai-Mûnene, nîûndû wa mwîtîîo wao maugaga atî, “Gûtirî Ngai.”

Thaburi 112:10

Mûndû ûrîa mwaganu onaga ûguo akarakara; arîcithanagia magego nîûndû wa ûthû akînathiî; mwîrîgîrîro wake ûtuîkaga wa mana.

Thaburi 50:22

“Îcirieni ûvoro ûyû, mue mûtatindanagîra nanie, mwarega nîmûcûkangie, na gûtirî mûndû ûkaamûvonokia.

Thaburi 9:17

Andû onthe arîa aganu nîmakaathiî kwa arîa akuû, andû onthe arîa mariganagîrwa nî Ngai.

Nthi 10:28

Mwîrîgîrîro wa mûndû mûthingu ûrîkagîrîria na gîkeno, nwatî mwîrîgîrîro wa mûndû mwaganu ndûkinyaga.

Nthi 11:7

Rîrîa mûndû mwaganu akua, kîîrîgîrîro gîake nîkîthiraga, na mwîvoko wa ûtonga ûtuîkaga wa mana.

Nthi 12:7

Andû arîa aganu nîmacûkangagua makathira, nwatî mûciî wa arîa athingu nîwîvandaga.

Isaia 33:14

Andû evia arîa marî Zayuni nîmaretigîra, nao andû arîa matagoocaga Ngai marainaina makiugaga atîrî: “Nû gatagatîrî getû ûngîvota gûkuvîvîria mwaki ûyû ûvîvagia ûkathiria? Nû gatagatîrî getû ûngîtirîria mwaki ûyû ûtavoraga tene na tene?”

Isaia 51:13

Nîkwa wî mûriganîre nî Ngai-Mûnene ûrîa wakûmbire, ûrîa watambûrûkirie îgûrû, na agîkîra mûcingi wa nthî? Ûtindaga vingo cionthe wîtigîrîte marakara ma arîa mavinyanagîrîria, vîndî îrîa makwîvarîria gûgûcûkangia nîkî? Marakara mao matingîkûvutia.

Maca 3:18

Kwoguo mbugaga atîrî, mwago wakwa nîwathirire, wana kîîrîgîrîro gîakwa kûrî Ngai-Mûnene nîkîathirire.

Mathaayo 24:51

Mwathi wa ndungata îo nî akaamîverithia mûno na amîtuîre ûndû ûmwe na mvinga. Kûu nîkuo andû makaarîra na marîe magego nîûndû wa ûrûrû.

Gûco 6:12

mûkeemenyerera nîguo mûtikariganîrwe nî Ngai-Mûnene, Ngai wenyu, ûrîa wamûrutire vûrûri wa Misiri kûrîa mwarî ûkomborî.

Gûco 8:11

“Îîmenyerereni mûtikariganîrwe nî Ngai-Mûnene, Ngai wenyu. Mûtikarege kwathîkîra maathani, matuîro ma ciira na mawatho make marîa ngûmûva ûmûnthî.

Gûco 8:14

menyererani mûtigetîîe mûriganîrwa nî Ngai-Mûnene, Ngai wenyu, ûrîa wamûrutire vûrûri wa Misiri kûrîa mwarî ûkomborî.

Gûco 8:19

Na ethîrwa nîmûkaariganîrwa nî Ngai-Mûnene, Ngai wenyu, na mwambîrîrie gûcaria ngai ciîngî cia gûtungatîra na kûigooca, nîramwîra nama atî mweka ûguo nwanginya mûkaathira viû.