Ayubu 7:1 - ÎVUKU RÎA ÛVORO MWARO

¹ “Wîra wa mûndû gûkû nthî nî mûrito mûno. Mûtûûrîre wake nîta wa mûruti wîra wa kîvarûa.

Ayubu 7:1 ပူးပေါင်းရင်းမြစ်များ

Ayubu 10:17

Vîndî cionthe ûnjaragîria ûira macûku ûmbîgiî, na marakara maku kûrî nie nî meengî mûno, ûndetagîra nthû ng'eni cia kûntharîkîra.

Ayubu 14:1

“Mûndû ûrîa ûciarîtwe nî mûndûmûka, atûûraga mîthenya mînini, na îcûrîtwe nî mathîna.

Ayubu 5:7

Nwatî kuuma mûndû aaciarwa nîonaga mathîna, mathandûkaga ta nthande cia mwaki.

Ayubu 7:2

Ekariî ta ngombo îgîcaria mwîgunyî, kana ta mûruti wîra etererete mûcara.

Thaburi 39:4

“Ngai-Mûnene, tiga menye mûthiia wakwa, menye rîrîa ngaakua, ndethia kûmenya atî ûtûûro wakwa ûrî vakuvî.”

Mûvunjia 8:8

Gûtirî mûndû ûrî na ûvoti wa kûgiria akua kana ûrî na ûvoti wa mûthenya wa gûkua. Îo nî mbaara tûtangîûra kuuma kûrî yo na waganu ndûngîvonokia mûndû mwaganu.

Isaia 16:14

Nwatî rîu Ngai-Mûnene arauga atîrî, “Vuva wa mîaka îthatû, ta îrîa îtaragîrwa mûruti wa wîra, riiri wa Moabu nîûkaathira. Wana ethîrwa andû a kuo nî eengî, nî andû anini tu magaatigara na matarî na vinya.”

Isaia 21:16

Mwathani nîwacokire akîmbîra atîrî, “Varî îvinda rîa mwaka ûmwe, ta ûrîa ûtaragîrwa mûruti wa wîra, riiri wonthe wa Kedari nîûkaathira.

Isaia 38:5

“Thiî ûkeere Hezekia, Ngai-Mûnene, Ngai wa aguo Daudi arauga atî: ‘Nîmbîguîte îvoya rîaku na nîmonete methori maku; kwoguo nîngûkwongerera mîaka îkûmi na îtano ûtûûrorî waku.

Isaia 40:2

Arîriani andû a Jerusalemu na ûvoreri. Na mûmeere atî ûkomborî ûrîa mararî nîwathira, na mevia mao nîmoverwa. Na atî Ngai-Mûnene amaverithîtie kwîgana nîûndû wa mevia mao monthe.”

Alawi 25:50

Mûisiraeli ûcio ngombo nwanginya makaaranîria na mûndû ûcio wamûgûrire na nwanginya magaatara mîaka kuuma rîrîa eeyendirie nginya mwaka ûcio wîngî wa mîrongo îtano. Îvinda rîrîa akethîrwa ekarîte kwa mûgeni ûcio rîgaatarwa kûringana na mûcara wa mûndû arî mwandîke.

Gûco 15:18

Ndûkegue ûkîûrwa nî vinya ûkîrekereria ngombo yaku, nîûndû ngombo îo îthîrîtwe îgîgûtungatîra îvinda rîa mîaka îtandatû ûkîmîrîvaga nuthu ya mûcara wa mûndû wa kîvarûa. Kwoguo Ngai-Mûnene Ngai waku agaakûrathimagîra maûndû monthe marîa ûgekaga.