Ayubu 5:23 - ÎVUKU RÎA ÛVORO MWARO

²³ Mîgûnda îrîa ûrîmaga ndîkethagîrwa na mathiga, nyamû cia kîthaka itigakûtharîkîra.

Ayubu 5:23 ပူးပေါင်းရင်းမြစ်များ

Isaia 65:25

Ciathi na ng'ondu ikaarîcaga vamwe; mînyambû îkaarîcaga nyaki ta ndegwa, nacio njoka ikaarîcaga mûthetu. Kûu kîrîmarî gîakwa kîonthe kîrîa kîtheru, gûtirî mûndû ûgaativia kana acûkangie ûrîa wîngî.”

Ezek 34:25

Nîngaarûtha kîrîkanîro Kîam thayû nacio. Nîngaaruta nyamû cia kîthaka kuuma vûrûrirî nîguo ng'ondu ciakwa itûûre irî ngitîre kûu werûrî na imamage mûtitûrî.

Ezek 34:27

Mîtî îrîa îrî mîgûndarî nîgaaciara matunda, mîgûnda nîkaagîa na maketha meengî na nîigaatûûra na thayû vûrûrirî wacio. Rîrîa ngaatucanga mînyororo ya andû arîa maaituire ngombo, na nîivonokie kuuma kûrî o, nîikaamenya atî nie nînie Ngai-Mûnene.

Danieli 6:22

Ngai wakwa nîatûmire mûraika avinge mînyambû tûnyua nîguo ndîkanjûkangie. Ekire ûguo nîûndû ndianamûvîtîria kana ngûvîtîria we mûthamaki wetû.”

Hosea 2:18

Nîngarûtha kîrîkanîro na nyamû cia kîthaka, iconi cia rîerarî, vamwe na tûgunyû tûrîa tûkurumaga, na nîngathengutia ûta, rûviû, na indo cia mbaara vûrûrirî, na ndûme ûtûûre ûrî mûgitîre.

Alawi 26:6

“Nî ngaamûva thayû vûrûrirî wenyu, na mûkaamamaga mûtagwîtigîra wanarî mûndû. Nî ngaathiria nyamû cionthe njûku vûrûrirî na mûtikaarûa na nthû cienyu rîngî.