Ayubu 5:19 - ÎVUKU RÎA ÛVORO MWARO

¹⁹ Ke nîagaagûkûûra mathînarî matandatû, na ndûgaacûkangua nî thîna wa mûgwanja.

Ayubu 5:19 ပူးပေါင်းရင်းမြစ်များ

Thaburi 34:19

Andû arîa athingu matî mathîna meengî mûno, nwatî Ngai-Mûnene nîamavonokagia kuuma kûrî mo monthe.

Thaburi 34:20

Ngai-Mûnene nîamenyagîrîra ciîga cionthe cia mîîrî yao; gûtirî wanarî îvîndî rîmwe rîao rîkaaunîka.

Thaburi 66:12

Nîwatûmire nthû cietû itûkinyange; tûnyamarîte ta andû mavîtûkîrîrîte mwaki na mwîcûrorî wa manjî; nwatî nîûtûretete kûndû kûrî na ûgitîri.

Thaburi 91:15

Rîrîa akaambîta nîngaamwîtîka; nîngethîrwa nake arî thînarî; nîngaamûvonokia na ndûme atîîke.

Nthi 24:16

Andû arîa athingu nîmagûcaga maita meengî na magaûkîra, nwatî andû arîa aganu nîmacûkangagua nî mathîna.

Nthi 6:16

Kûrî na maûndû matandatû marîa Ngai-Mûnene amenete, Ii nî mûgwanja marîa marî mûgiro kûrî ke:

Isaia 43:2

Rîrîa mûkûvîtûkîrîra manjîrî ngethagîrwa nîrî vamwe namue; na mûkîvîtûkîrîra nyûnjîrî itikaamûkîria vinya. Rîrîa mûkavîtûkîrîra mwakirî mûtikaavîa, na rûrîrîmbî rûtikaamûvîvia.

Jeremia 39:17

Nwatî mûthenya ûcio nie mwene nîngakûvonokia, na ndûkarekererua kûrî arîa wîtigagîra.

Danieli 3:17

Ethîrwa nîtûgwikua mwakirî ûcio, Ngai wetû ûrîa tûtungataga nîagûtûvonokia kuuma mwakirî ûcio mûnene ûguo, na kuuma njararî ciaku.

Danieli 3:25

Mûthamaki nîwathiîre na mbere na akiuga atîrî, “Nwatî nîrona arûme ana magîceera mwakirî matarî ove na matakûvîa nî mwaki. Mûndû wa kana ekariî ta mûraika.”

Danieli 6:16

Kwoguo mûthamaki nîwathanire Danieli ocwe na aikue îrimarî rîa mînyambû. Nîwacokire akîra Danieli atîrî, “Ngai waku ûrîa ûtungatagîra wa mûthenya arokûvonokia.”

Danieli 6:17

Narîo îthiga nîrîaigîrîrwe mûromorî wa îrima rîu na mûthamaki akîvûra mûvûûri wake na wîngî wa atongoria ake onthe vau îthigarî nîguo gûtikagîe na mûndû ûngîvonokia Danieli.

1Akor 10:13

Magerio marîa mûgeragua namo nwamo andû arîa engî mageragua namo. Ngai nîmwîvokeku na ndangîtîkîra ûgerue makîria ya vinya ûrîa ûrî naguo. Nwatî vîndî îrîa ûragerua ke agaakûvecaga vinya nîguo ûvotage kûmîrîria na kûûrîra magerio.

2Akor 1:8

Ariû na aarî a îthe wetû, tue nîtûkwenda mûmenye mathîna marîa twarî namo vûrûrirî wa Asia. Mîrigo îrîa tue twakuithîtue yarî mînene na mîrito nginya tûkîûrwa nî kîîrîgîrîro gîa ûtûûro.

2Pet 2:9

Kwoguo Mwathani nîwîcî kûvonokia andû arîa marî na ûngai kuuma mageriorî na kwiga arîa aganu makîverithagua nginya rîrîa mûthenya wa îtuîro ûgaakinya.