Ayubu 5:13 - ÎVUKU RÎA ÛVORO MWARO

¹³ Nîanyitaga andû arîa aûgî na wara wao, na nîarûngamagia mîvango ya arîa etîi wa rîmwe.

Ayubu 5:13 ပူးပေါင်းရင်းမြစ်များ

2Sam 15:31

Rîrîa Daudi aamenyithirue atî Ahithofeli nîanyitanîrîte na Abusalomu nîguo magomere mûthamaki, nîwavoire akiugaga atîrî, “Ngai-Mûnene nakûthaitha ûgarûre ûûgî wonthe wa ûtaarani wa Ahithofeli ûtuîke ûrimû!”

2Sam 15:34

Nwatî nwa ûndethie ethîrwa nîûgwîtîkîra gûcoka îtûûrarî na wîre Abusalomu, atî ûkamûtungatagîra na wîvokeku wata ûrîa watungatagîra îthe Daudi. Ûguo nîguo ûngîvota gûcûkia mîvango yonthe îrîa Ahithofeli akavangithagia.

2Sam 17:23

Rîrîa Ahithofeli oonire atî mataaro make matinarûmîrîrwa, nîwatûîre mvunda yake na akînûka îtûûrarî rîake. Vuva wa kûvanga maûndû make, nîwacokire agîîita na njîra ya gwîcuuria. Kimba gîake nîgîacokire gîkîthikwa mbîrîrarî ya andû a mûciî wao.

Esita 7:10

Andû acio nîmaacuririe Hamani mûtîrî ûrîa aarûthithîtie ûrî wa gûcuria Moridekai. Namo marakara ma mûthamaki nîmaathirire.

Esita 9:25

Nwatî Esita nîwathiîre kûrî mûthamaki, na mûthamaki akîandîkithia watho wa kuga atî mûvango mûcûku ûrîa Hamani aavangîte wîkwe Ayahudi acokererwe nîguo. Maarûa ino nîcio ciatûmire Hamani acokererwa nîguo. Ke na avîcî ake îkûmi nîmaacurirue mûtîrî.

Ayubu 15:5

We waragia wa maûndû ma waganu, karîmî gaku karagia ndeto cia wara.

Ayubu 37:24

Kwoguo andû onthe nîmamûvecaga gîtîîo; na ndarûmbûyanagia na mûndû ûrîa wîtucaga mûgî.”

Thaburi 18:26

We ûrî mwagîrîru kûrî andû arîa agîrîru, nwatî nîûverithagia andû arîa aganu.

Thaburi 9:17

Andû onthe arîa aganu nîmakaathiî kwa arîa akuû, andû onthe arîa mariganagîrwa nî Ngai.

Nthi 3:32

Nîûndû Ngai-Mûnene nîathûrîte mûndû ûrîa mwaganu, nwatî nîatucaga mûndû ûrîa mwîvokeku mûrata wake.

Isaia 19:3

Nîngaathiria ûrûme wa andû a Misiri, na njûkangie mîvango yao. Nîmakaaûria ûtaaro kûrî mîvuanano na aringi ciama, na kûrî ago na arogi.

Isaia 44:25

Nînthiragia vinya ûgo wa aragûri arîa maveenanagia, na ngathiria vinya andû arîa monaga maûndû. Nînie ndeganaga na ciugo cia andû arîa aûgî, na ngatua ûûgî wao ûrimû.

Jeremia 18:18

Nao andû nîmaacokire makiuga atîrî, “Ûkani tûvange ûrîa tûkûraga Jeremia. Tûtigatura athînjîri-Ngai a gûtûthomithia kana andû aûgî a gûtûtaara na arathi a kwanîrîra ndûmîrîri ya Ngai-Mûnene. Ûkani tûmûthitange na ciugo ciake ke mwene na tûtikathikîrîrie ûrîa arauga.”

Jeremia 49:7

Ûvororî wîgiî Edom Ngai-Mûnene mwene vinya wonthe arauga atîrî, “Nîkwa andû a Edomu mathirîtwe nî ûûgî? Nîkwa arîa mamataaraga matigîte kûmataara? Nîkwa ûûgî wao wonthe ûrî mûthiru viû?

Jeremia 8:8

Mûngîvota atîa kuga, ‘Tûrî aûgî, na nîtûrûmagîrîra watho wa Ngai-Mûnene,’ nwatî taroriani mawatho nîmagarûre nî andîki maarûa, matarî evokeku nîmagarûrîte watho wakwa.

Jeremia 8:9

Andû arîa aûgî nîmagaconorithua, nîmakavîngwa na magwatwe. Nîmaregete ciugo cia Ngai-Mûnene; nî ûûgî ûrîkû marî naguo?

Jeremia 9:22

Ngai-Mûnene nîwambîrire mbuge atî: “Ciimba cia andû inyagarûkîte ta mai ma ng'ombe mîgûndarî, ta imanja cia ngano itemetwe nî mûkethi, itarî na mûndû wa gûciûngani.”

Ndari 22:25

Rîrîa mvunda yonire mûraika wa Ngai-Mûnene nîyathiîre îgiritanîtie na rûthingo nakuo kûgûrû kwa Balaamu nîgwakûrûnyûrirwe nî rûthingo. Balaamu nîwaringire mvunda rîngî.

Luka 1:51

Nî ekîte maûndû manene na njara ciake, nîanyagarûkanîtie arîa etîi wa na mîvango yao.

1Akor 3:19

Nîûndû kîrîa andû a gûkû nthî metaga ûûgî, Ngai agîtaga ûrimû. Kwandîkîtwe mandîkorî matheru atîrî, “Ngai atûmagîra wara wa andû arîa aûgî ûrî ta mûtego wa kûmatega.”