Ayubu 42:10 - ÎVUKU RÎA ÛVORO MWARO

¹⁰ Ayubu arîkia kûvoera arata ake, Ngai-Mûnene nîwamûcokerie indo ciake cionthe maita maîrî ma ûrîa ciegana mbere.

Ayubu 42:10 ပူးပေါင်းရင်းမြစ်များ

Kîam 20:17

Iburahimu nîwavoire Ngai nake akîvonia Abimeleki, mûka wa vamwe na ngombo ciake cia erîtu nîguo magîe na ciana.

2Maû 25:9

Nake Amazia nîwaûririe mûndû ûcio wa Ngai atîrî, “Nîmbîka atîa nîûndû wa sîlûva îrîa yonthe naarîvire ngîkombora athigari kuuma Isiraeli?” Nake mûndû ûcio wa Ngai nîwamûcokerie atîrî, “Ngai-Mûnene arî na ûvoti wa gûkûva ciîngî nyîngî gûkîra icio.”

Ayubu 1:2

Ayubu aarî na anake mûgwanja (7) na erîtu athatû (3).

Ayubu 1:3

Aarî na ûtonga wa ng'ondu ngiri mûgwanja (7,000), ngamîîra ngiri ithatû 3,000, ndegwa cia mûraû ngiri îmwe (1,000), na mvunda magana matano (500). Ayubu aarî na ndungata nyîngî mûno, na nîke warî gîtonga kînene mûno gûkîra andû onthe mwena wa îrathîro.

Ayubu 42:9

Kwoguo Elifazi Mûtemani, Bilidadi Mûshuli, na Zofari Mûnamathu, nîmaathiîre na magîka ûrîa Ngai-Mûnene aamerîte. Nake Ngai-Mûnene nîweguire mavoya ma Ayubu.”

Thaburi 126:1

Rîrîa Ngai-Mûnene aatûcokirie Zayuni rîngî, twekariî ta andû makîroota!

Thaburi 14:7

Mvoyaga nîguo ûvonokio wa andû a Isiraeli ûkaauma Zayuni. Rîrîa Ngai-Mûnene akaamacokeria mûnyaka wao rîngî, njiarwa cia Jakovu nîigaakena, andû a Isiraeli nîmagaakûngûîra!

Thaburi 53:6

Naarî kethîrwa ûvonokio wa andû a Isiraeli ûkaauma Zayuni, rîrîa Ngai agaatûma andû a Isiraeli magacîre. Njiarwa cia Jakovu nîigaakena, andû a Isiraeli nîmagaakûngûîra.

Nthi 22:4

Kîveo Kîam wînyivia na gwîtigîra Ngai-Mûnene nî ûtonga, gîtîîo na ûtûûro mûraca.

Isaia 40:2

Arîriani andû a Jerusalemu na ûvoreri. Na mûmeere atî ûkomborî ûrîa mararî nîwathira, na mevia mao nîmoverwa. Na atî Ngai-Mûnene amaverithîtie kwîgana nîûndû wa mevia mao monthe.”

Isaia 61:7

Nîûndû wa ûrîa mwaconorithirue mûkaarîvwa maita maîrî, nîûndû wa kûrega gûtîîwa nîmûgaakenera îgai rîenyu, kwoguo nîmûgaatûûra vûrûrirî wenyu, na ûtonga wenyu wongerereke maita maîrî, na mûtûûre mûkenete tene na tene.

Hagai 2:8

Sîlûva na thaavu yonthe gûkû nthî nî ciakwa.

Ndari 12:13

Kwoguo Musa nîwarîrîre Ngai-Mûnene akîmwîra atîrî, “Ûûi, Ngai, nakûthaitha ûmûvonie!”

Ndari 12:2

Nîmaaûririe atîrî, “Nîkwa Ngai-Mûnene arîrîtie Musa tu? Na kinthî wanatue ndatwarîrîtie?” Nake Ngai-Mûnene nîwegwire ûrîa maaugire.

Ndari 14:10

Nwatî andû onthe a Isiraeli nîmeendire kûûraga Joshua na Kalebu na mathiga. Wa rîmwe Ngai-Mûnene nîwaumîrîre andû onthe a Isiraeli na riiri mûnene ûrîa moonire ûrî îgûrû rîa îgema rîa Ngai-Mûnene.

Luka 16:27

Nakîo gîtonga kîu nîkîerire Iburahimu atîrî, ‘Vava Iburahimu nakûthaitha vi ûtûme Lazaro gwetû mûciî,

Ciîko 7:50

Na kinthî tî nie naathondekire indo ino cionthe?’ ”

Ciîko 7:60

Nake nîwaturirie maru na akîanîrîra na mûgambo mûnene akiuga atîrî, “Mwathani, ndûkamaverithie nîûndû wa wîvia ûyû wao!” Na rîrîa Stefano aarîkirie kuga ûguo, nîwakwire.

Gûco 30:3

Ngai-Mûnene Ngai wenyu nîakaamwîguîra ntha na amûcokanîrîrie vamwe rîngî kuuma mavûrûrirî monthe marîa aamûnyaganirie.

Gûco 8:18

Ririkanani atî nî Ngai-Mûnene, Ngai wenyu ûvecanaga ûvoti wa gûtonga. Ekaga ûguo nîguo avingie maûndû marîa aarîkanîre na methe menyu wata ûrîa gwîkariî ûmûnthî.

Gûco 9:20

Ngai-Mûnene aarî mûrakaru mûno nî Aroni na nîwevarîrîtie kûmûûraga, kwoguo vîndî wa îo nînavoere Aroni.

Jakuvu 5:11

Tue tûmetaga arathime nîûndû nîmaaûmîrîrie. Nîmwîguîte ûvoro wîgiî ûkirîrîria wa Ayubu, na nîmwîcî ûrîa Mwathani aamûtanavîre mûthiiarî. Nîûndû Mwathani nîecûrîtwe nî ûtugi na ntha.

1Sam 2:7

Ngai-Mûnene nîke ûtûmaga andû amwe mathîne na agatua arîa engî itonga, nîanyivagia amwe na akanenevia arîa engî.

1Sam 2:8

Nîarutaga mûthîni rûkûngûrî, na agaûkîrîria arîa athîni makauma mathînarî. Ngai-Mûnene nîatûmaga andû acio matuîke arata a anene, na agatûma mekarîre itî cia ûnene. Ngai-Mûnene nîke mwene itugî irîa itiirîrîrîte nthî îno, nîke wigîrîrîte nthî îgûrû rîacio.