Ayubu 4:3 - ÎVUKU RÎA ÛVORO MWARO

³ We nîûthomithîtie andû engî, na ûkaûmîrîria andû arîa matarî vinya.

Ayubu 4:3 ပူးပေါင်းရင်းမြစ်များ

Kîam 18:19

Nie nîmûthuurîte nîguo athe ciana ciake na njiarwa ciake imbathîkagîre, na ciîkage maûndû ma ûthingu na ma kîvooto. Ethîrwa nîmagwîka ûguo nîngaavingia maûndû monthe marîa nerîre Iburahimu.”

Ezira 6:22

Nîmaakûngûîre kîrugo Kîam mîgate îtaarî mîkîre ndawa ya kwimbia vandû va mîthenya mûgwanja marî na gîkeno. Maakenete nîûndû Ngai-Mûnene nîwatûmîte mûthamaki wa Asîria agîe na wendo nîguo amatethie gûtuma rîngî hekarû ya Ngai wa Isiraeli.

Ayubu 16:5

Nîngîrî kûmûva ciugo cia kûmûmîrîria, na mîario yakwa ya kûmûmîrîria nîîngîramûva thayû.

Ayubu 29:11

Mûndû ûrîa wegucaga ngîaria nîwangumagia, na ûrîa wamonaga, nîwetîkagia maûndû mau.

Ayubu 29:15

Nînie naarî metho ma atumumu, na magûrû ma cionje.

Ayubu 29:16

Nie naarî îthe wa athîni, na nînarûmbûyania na maciira ma andû arîa ndaicî.

Ayubu 29:21

Vîndî îo andû maakiraga kivi, na makathikîrîria ûrîa ngûmataara.

Ayubu 4:4

Ciugo ciaku nîitirîrîte arîa magagîte, ûgatûma arîa matarî na vinya marûngame.

Nthi 10:21

Ciugo cia mûndû mûthingu igunaga andû eengî, nwatî irimû ikucaga nîûndû wa gûtura ûmenyo.

Nthi 15:7

Andû arîa aûgî maragia maûndû marî na ûmenyo, nwatî tî arîa irimû.

Nthi 16:21

Mûndû mûûgî nîecîkene nîûndû wa ûtaûku wake, na ciugo ciake mbaro nîigucagîrîria andû.

Isaia 35:3

Ongererani vinya njara icio icunjurîte, na mwongerere vinya maru mau maregerû.

Isaia 50:4

Mwathani Ngai-Mûnene nîanthomithîtie ûrîa nguga, nîguo mvote kûmîrîria arîa mathirîte vinya. Wa kîraûko nîamvecaga wendi wa kûthikîrîria ûrîa arenda kûnthomithia.

Ezek 13:22

“Maveeni menyu nîmathirîtie andû arîa athingu vinya, na ndiendaga kûmathiria vinya. Nîmwîkîrîte andû arîa aganu vinya nîguo matigatige gwîka maûndû ma waganu mavonokie mîoyo yao.

Zefania 3:16

Mûthenya nîûgaûka rîrîa îtûûra rîa Jerusalemu rîkerwa atîrî, “Ndûkamake, we îtûûra rîa Zayuni! Ndûkareke njara ciaku ithira vinya!

Luka 22:32

Nwatî we Simoni, nie nîrîmûkûvoeru nîguo wîtîkio waku ndûkenyenyue. Na wanjokerera ûgeekagîra aa mûrwanyûkwe vinya.”

Luka 22:43

Na vîndî wa îo mûraika kuuma îgûrû nîwamumîrîre na akîmwîkîra vinya.

Aefeso 4:29

Tigagani kwaragia mîario îno mîcûku, nwatî aragiani mîario îrîa mîaro îrî na umithio kûrî andû na ya kûmatethia na kîrîa mavatarîte. Nao andû arîa makegucaga mûkîaria magekagwa waro nî mîario îo.

Gûco 3:28

Atha Joshua na ûmûmîrîrie na ûmwîkîre vinya; nîûndû nîke ûgûtongoria andû aya nginya maringe na megwatîre vûrûri ûcio ûkwona.’

Akol 4:6

Vîndî cionthe mîario yenyu nî îthagîrwe îrî mîaro na ya kwendeka, na mûmenyage ûrîa mwagîrîrwe nî gûcokeria andû onthe ciûria na njîra mbaro.

Ahib 12:12

Kwoguo ûkîrîriani njara cienyu na îgûrû icio nogu na mûkûnjûre maru mau menyu maratetema.