Ayubu 38:6 - ÎVUKU RÎA ÛVORO MWARO

⁶ Itugî irîa inyitîrîrîte nthî ciîkarîrîte ndûî? Kana nû waigire îthiga rîayo rîa mûcingi,

Ayubu 38:6 ပူးပေါင်းရင်းမြစ်များ

Ayubu 26:7

Ngai atambarûkîtie rûgûrû kûndû gûtarî kîndû, na agacuuria nthî vandû vatarî kîndû.

Thaburi 104:5

Nîwe wavandire nthî waro îgûrû rîa mîcingi wayo, na ndîkenyenyeka tene na tene.

Thaburi 118:22

Îthiga rîrîa rîaregirwe nî atumi a nyomba, nîrîo rîtuîkîte rîa vata mûno gûkîra marîa mengî monthe.

Thaburi 144:12

Anake etû wîthîrî wao marogîa na vinya, ta mîtî ya mwarano îrîa îkûraga waro. Erîtu etû maroekara ta itugî, irî nyumie cia kûgemia nyomba ya mûthamaki.

Thaburi 24:2

Aaûmbire mûcingi wa nthî îgûrû rîa îria, na akîmiga îîkindîrîtie îriarî kûrîa kûriku.

Thaburi 93:1

Ngai-Mûnene nî mûthamaki. Ecûrîtwe nî riiri na vinya; nîatûmîte nthî îîvande na ndîngîenyenyeka.

Nthi 8:29

Naarî vo vîndî îrîa aarûthire mîvaka ya îria nîguo îria rîtikavîtûke varîa aarîathire rîkinye. Naarî vo rîrîa aarûthire mîcingi ya nthî.

Isaia 28:16

Kwoguo Ngai-Mûnene mwene vinya wonthe arauga atîrî, “Taroria, nîngwiga îthiga rîa mûcingi Zayuni, îthiga rîrî na vinya, îthiga rîa mûcingi rîa goro, rîa mûcingi wîna vinya na rîa goro: ‘Mûndû ûrîa wîtîkîtie ndakeenyenyeka.’

Zakaria 12:1

Îno nî ndûmîrîri ndito îgiî Isiraeli kuuma kûrî Ngai-Mûnene ûrîa waûmbire îgûrû, na akîûmba nthî na akîva mûndû mwoyo. Ke arauga atîrî,

2Pet 3:5

Makîmenyaga na ma atî tene mûno Ngai nîwathanire kûgîe îgûrû na nthî. Nthî yaûmbirwe kuuma kûrî manjî.

1Sam 2:8

Nîarutaga mûthîni rûkûngûrî, na agaûkîrîria arîa athîni makauma mathînarî. Ngai-Mûnene nîatûmaga andû acio matuîke arata a anene, na agatûma mekarîre itî cia ûnene. Ngai-Mûnene nîke mwene itugî irîa itiirîrîrîte nthî îno, nîke wigîrîrîte nthî îgûrû rîacio.