Ayubu 38:23 - ÎVUKU RÎA ÛVORO MWARO

²³ irîa mbigîte nîûndû wa mavinda ma thîna, wana nîûndû wa mavinda ma mbaara?

Ayubu 38:23 ပူးပေါင်းရင်းမြစ်များ

Ayubu 36:13

“Andû arîa matarî na ûngai, mendaga kûrakara, wana rîrîa makûverithua o mativoyaga ûtethio.

Ayubu 36:31

Ûguo nîguo Ngai avecaga andû gîa kûrîa, avecaga andû irio cia kwîgana.

Ayubu 38:22

“Wanatonya makûmbîrî ma mbaravu, kana wona makûmbî ma mbura ya mbembe,

Ayubu 38:24

Njîra ya kûthiî kûrîa ûtheri ûgayanagîrua nî îrîkû, kana kûrîa rûkûngi rwa îrathîro rûnyaganagîrua nthî yonthe?

Ntha 9:18

Rûyû thaa ta ino nîngaatûma kuure mbura ya mbembe îtarî yanonwa Misiri kuuma tene.

Ntha 9:24

kuure mbura ya mbembe na mveni ciavenagia itagûtigithîrîria. Îo nîyo yarî mbura nene mûno gûtarî kwanonwa îngî ta yo kuuma rîrîa vûrûri wa Misiri wambîrîrie.

Isaia 30:30

Ngai-Mûnene nîagaatûma mûgambo wake ûrîa ûrî riiri wîguîke, na aringe nthû ciake na vinya arî na marakara. Nîgûkethîrwa na rûrîrîmbî rwa mwaki rwa kûvîvia viû, marurumî, ngûa na mbura ya mbembe.

Mathaayo 7:27

Mbura nîyaurire, nyûnjî ikiuna, ngûngi ikîvurutana na ikîringa nyomba îo na vinya. Nayo nîyagwîre na vinya îkîvaragana!”

Josh 10:11

Vîndî îrîa Amori maavinyûrîte mavîtûkîrîrîte mwanyarî wa kîrîma maûrîte kuuma kûrî athigari a Isiraeli, Ngai-Mûnene nîwatûmire maurîrwe nî mbura ya mbembe. Mbura îo nîyamaurîre nginya magîkinya Azeka. Amori eengî nîmaaûragirwe nî mbura îo ya mbembe gûkîra arîa maaûragirwe nî athigari a mbaara a Isiraeli.

Kûguû 16:21

Mbura ya mbembe nene ciarî na ûrito ta wa kilo mîrongo îtano nîyaurire kuuma îgûrû. Nayo yaurîra andû, nîmaarumire Ngai nîûndû wa mavera ma mbura. Mavera mau maarî mûcûku mûno.