Ayubu 37:5 - ÎVUKU RÎA ÛVORO MWARO

⁵ Ngai agambaga na mûgambo wa magegania, ekaga maûndû manene wana tûtangîvota kûmenya.

Ayubu 37:5 ပူးပေါင်းရင်းမြစ်များ

Ayubu 11:7

“Nwa ûvote kûmenya nthintho ya Ngai? Nwa ûvote kûmenya ûnene wa Ngai mwene vinya wonthe?

Ayubu 26:14

Nwatî mau nî maûndû manini ma kwonania ûvoti wake, nî kamûgambo gaceke gake tu twîguîte. Nû ûngîmenya ûnene na vinya yake?

Ayubu 36:26

Ngai nî mûnene mûno na tûtingîvota kûmûmenya, kana tûmenya ûkûrû wake.

Ayubu 37:14

“Ayubu, tathikîrîria; tatarania maûndû ma magegania marîa Ngai ekaga.

Ayubu 37:16

Nîwîcî ûrîa matu mereraga îgûrû matakûgwa? Ûcio nî wîra wa magegania wa ûrîa ûrî ûmenyo mûkinyanîru.

Ayubu 37:2

Thikîrîriani mûrurumo wa mûgambo wa Ngai, na mûgambo ûrîa umaga kanyuarî gake.

Ayubu 37:4

Vuva wa ûguo mûgambo wake nîûrurumaga, mûgambo wa Ngai ûgambaga na vinya, na vîndî îo rûveni rwîthagîrwa rûkîvenia.

Ayubu 40:9

We wî vinya ta nie? Wavota kûruruma na mûgambo ta wakwa?

Ayubu 5:9

Ke ekaga maûndû manene tûtangîvota gûtarîria, maûndû ma magegania matangîtarîka.

Ayubu 9:10

Ngai nîwîkaga maûndû manene matangîmenyeka, na maûndû ma magegania matangîtarîka.

Thaburi 18:14

Nîwaikirie mîguî yake na akînyagania nthû ciake, nîwaretere nthû ciake mveni na ikîûra.

Thaburi 29:3

Mûgambo wa Ngai-Mûnene nî wîguîkaga manjîrî meengî; Ngai ûrîa ûrî riiri agambaga ta wa ngûa, mûgambo wa Ngai-Mûnene ûragamba ûrî îriarî.

Mûvunjia 3:11

Ngai nîavangîrîte ûndû wonthe mwaro mavinda marîa magîrîru. Nîatûvete wendi wa kûmenya maûndû ma vuvarî, nwatî ndaanatûva ûvoti wa kûmenya ûrîa Ngai ekîte kuuma Kîammbîrîria nginya mûthiia.

Isaia 40:28

Anga mue mûtiîcî? Anga mûtirî egu? Ngai-Mûnene nîke Ngai ûrîa ûtûûraga tene na tene, nîke mûmbi wa indo cionthe cia nthî. Ke ndathiraga vinya kana anoga, ûmenyo wake ndûngîmenyeka nî mûndû.

Aroma 11:33

Na kaî ûtonga wa Ngai nî mûnene-î! Na kaî ûûgî wake na ûmenyo nî mûrikîru-î! Nû ûngîtaarîria matua make? Nû ûngîmenya njîra ciake?

Kûguû 15:3

nao nîmaainire rwîmbo rûrîa Musa, ndungata ya Ngai aainire, na rûrîa Gatûrûme aainire, akiuga atîrî: “We Mwathani Ngai mwene vinya wonthe, ciîko ciaku nî nene na nî cia magegania! Mûthamaki wa mavûrûri monthe, maûndû monthe marîa wîkaga nî ma kîvooto na nî ma ma!