Ayubu 37:18 - ÎVUKU RÎA ÛVORO MWARO

¹⁸ Nwa ûvote gûtambarûkia matu ta ûrîa Ngai ekaga, na ûtûme maûme ta gîcicio?

Ayubu 37:18 ပူးပေါင်းရင်းမြစ်များ

Ayubu 37:17

We wonaga wîkîrîte nguo cia ûrugarî mûno, rîrîa rûkûngi kuuma mwena wa îveti rûratharîkîra nthî.

Thaburi 104:2

wîkunîkîrîte na ûtheri ta nguo, ûtambûrûkîtie îgûrû ta îgema,

Thaburi 150:1

Kumiani Ngai-Mûnene! Kumiani Ngai-Mûnene mûrî hekarûrî yake, mûkumieni arî îgûrû kûu gwake kûnene!

Ntha 38:8

Bezaleli nîwarûthire kîraî na vandû va gûkigîrîra. Cionthe ciarûthirwe na gîcango îrîa yarî ya aka arîa maatungataga mûromorî wa îgema rîa Ngai-Mûnene.

Nthi 8:27

Akiga îgûrû varîa rîrî, naarî vo, akîamûrania îgûrû na îria, naarî vo.

Isaia 40:12

Nû wanathima manjî ma îria na rûvî rwake kana akathima matu na njara ciake? Nû ûngîvota gwîkîra mûthetu wa nthî gîkomberî, kana athime irîma na tûrîma na kîthimi?

Isaia 40:22

Nthî yaûmbirwe nî ûcio wîkaragîra gîtî gîake Kîam ûnene îgûrû maturî, na kûrî ke andû arîa matûûraga nthî nîta mvandi. Ke atambûrûkîtie matu ta gîtambaa, na agakûnjûra gîtambaa kîu ta îgema rîa gûtûûrwa.

Isaia 44:24

“Nînie Ngai-Mûnene ûrîa wagûkûûrire; nînie nakûmbire ûrî nda ya nyûkwe. Nînie Ngai-Mûnene mûmbi wa indo cionthe. Nînie natambûrûkirie îgûrû na ngîûmba nthî na vinya wakwa, gûtirî mûndû wandethirie.

Isaia 45:12

Nînie natûmire nthî îgîe kuo na ngîûmba andû nîguo matûûrage kuo. Nînie natambûrûkirie îgûrû, na ngîatha ciûmbe cionthe ciakuo igîe kuo.

Jeremia 10:12

Ngai-Mûnene nîke waûmbire nthî na vinya wake, nîke wathondekire nthî na ûûgî wake, na agîtambûrûkia îgûrû na njîra ya ûmenyo wake.

Zakaria 12:1

Îno nî ndûmîrîri ndito îgiî Isiraeli kuuma kûrî Ngai-Mûnene ûrîa waûmbire îgûrû, na akîûmba nthî na akîva mûndû mwoyo. Ke arauga atîrî,