Ayubu 27:9 - ÎVUKU RÎA ÛVORO MWARO

⁹ Rîrîa akaanyitwa nî thîna, Ngai nîakaathikîrîra kîrîro gîake?

Ayubu 27:9 ပူးပေါင်းရင်းမြစ်များ

Thaburi 109:7

Rîrîa acirithua, nîatuîkage arî na mavîtia, gwîtetera gwake nîgûtarwe ûrî wîvia!

Thaburi 18:41

Nîmeetanire matethue, nwatî gûtirî mûndû wamavonokirie, nîmaakaîre Ngai-Mûnene, nwatî ndaametîka.

Thaburi 18:42

Naarûire nacio igîkara ta rûkûngû rûrîa rûgûrûkagua nî rûkûngi, naamakinyangire ta ndaka îrî njîrarî.

Thaburi 66:18

Kethîrwa nînaaregire kûvera mevia makwa, Mwathani ndangîanthikîrîrie.

Nthi 1:27

rîrîa kîmako gîgaaûka kûrî mue ta rûkûngi rûnene, na mathîna mamwîthîrîrie ta rûkûngi rûnene, rîrîa mûkaanyitwa nî kîeva na ûrûrû.

Nthi 1:28

Nîmûgaacoka mûmbîte, nwatî ndikaamwîtîka. Mûkaanjaria na kinyi, nwatî mûtikaamona.

Nthi 28:9

Mûndû ûrîa ûregaga kwathîkîra watho, Ngai ndakenagua nî mavoya make.

Isaia 1:15

“Rîrîa mûkaambararagia njara mûkîvoya, ngaamûvuvatagîra ndikamwone. Wana mwavoya mavoya meengî atîa ndikaamûthikîrîria, nîûndû njara cienyu ciîcûrîte nthakame.

Jeremia 11:11

Kwoguo Ngai-Mûnene arauga atî, nîngûmaretera maûndû macûku na gûtirî mûndû ûkamaûrîra; wana mangaîra, ndikamathikîrîria.

Jeremia 14:12

Wana ethîrwa nîmarenyerekia, nie ndikegua mathaithana mao, na wana ethîrwa nîmarandutîra matega ma kûvîvua, na ma irio cia mûgûnda; ndikamamûkîra. Îthenya rîa ûguo, nîkwa ngamaûraga mathire na njîra ya mbaara, yûra na mîrimû.”

Ezek 8:18

Kwoguo nîngamaverithia nîrî na marakara. Ndikaamacaîra kana nîmeguîra ntha. Wana mangîkaavoya maugîrîrîtie ndikaamathikîrîria.”

Hosea 7:14

O nîmangayagîra nwatî tî kuuma ngoro ndaarî. Maragaragara na magetemanga marî itandarî ciao, nîguo nyamûkîre matega mao ma ndivei na ngano; nwatî nîmareganîte nanie.

Mika 3:4

Îvinda nîrîgakinya rîrîa mûkaarîrîra Ngai-Mûnene, nwatî ndakaamûcokeria. Ndakeegua mavoya menyu nîûndû nîmwîkîte maûndû macûku.

Zakaria 7:13

Nîmaaregire kûnthikîrîria rîrîa naamaragîria, kwoguo wananie mamvoya ndiamacokeria.

Luka 13:25

Kavinda nîgagaakinya karîa mwene nyomba agaaûkîra na avinge mûrango. Namue nîmûgaacoka mûke na mwambîrîrie kûringaringa mûrango mûkiugaga atîrî, ‘Mwathani! Tûvingûrîre.’ Nake Mwathani nîakaamûcokeria atîrî, ‘Nie ndiîcî mumîte na kû!’

Johana 9:31

Tue nîtwîcî atî Ngai ndathikagîrîria evia, nwatî nîathikagîrîria mavoya ma andû arîa mamwîtigîrîte na mavingagia wendi wake.

Gûco 1:45

Kwoguo nîmwarîrîre Ngai-Mûnene nîguo amûtethie. Nwatî Ngai-Mûnene nîwaregire kûmûthikîrîria kana kûmûtethia.

Jakuvu 4:3

Rîrîa mwetia, mûtivecagwa nîûndû mwîtagia mûtarî na itûmi mbaro. Mwîtagia indo nîguo mûitûmîre mûgîkenia mîîrî yenyu.