Ayubu 27:5 - ÎVUKU RÎA ÛVORO MWARO

⁵ Gûtirî vîndî ngaauga atî mwaragia ûûma, nîndûûra ndarî na mavîtia nginya rîrîa ngaakua.

Ayubu 27:5 ပူးပေါင်းရင်းမြစ်များ

Ayubu 13:15

Enda kûmbûraga nîambûrage, ndirî na mwîrîgîrîro wîngî. Kûnarî ûguo, ngeyarîrîria varî ke.

Ayubu 17:9

Nwatî mûndû ûrîa wîtîkîtie Ngai ndavîngagwa, na mûndû ûrîa wîkaga maûndû maro, ongagîrîrwa wa mûthenya.

Ayubu 2:3

Ngai-Mûnene nîwaûririe Caitani atîrî, “Wî mûmoneru ndungata yakwa Ayubu? Gûtirî mûndû gûkû nthî mwaro na mwîvoke ta Ayubu. Nîanîtigîrîte na nîethemaga maûndû macûku. We nîwaningîrîrie ngwîtîkîrie ûmûtharîkîre gûtarî na ûndû mûcûku ekîte, nwatî Ayubu atûûrîte arî mwîvokeku.”

Ayubu 2:9

Nake mûka nîwamwîrire atîrî, “Anga nginya rîu wîthîrîtwe ûrî mwîvokeku? Nîkwa ûtangîruma Ngai nîguo ûkue?”

Ayubu 29:14

Nekagîra ûthingu ta nguo, kwonania kîvooto kwarî ta gwîkîra nguo ndaca na gwîkîra kîremba.

Ayubu 31:6

Ngai nîanthime na kîthimi kîrîa Kîamgîrîru, na nîakwona atî nie ndirî na mavîtia.

Ayubu 31:7

Ethîrwa nînyumîte njîrarî îrîa ya ma, na ngoro yakwa îkerirîria maûndû marîa monaga, na ethîrwa njara ciakwa irî na gîko nîûndû wa mevia;

Ayubu 32:1

Kwoguo arûme aya athatû: Elifazi, Bilidadi, na Zofari, nîmaaregire gûcokeria Ayubu, nîûndû eetucaga atî ke nî mûthingu.

Ayubu 32:2

Nake Elihu, mûvîcî wa Barakeli wa rûciaro rwa Buzi na wa mûvîrîga wa Ramu nîwarakarire. Arakarire nîûndû Ayubu eetucaga nîke ûrî na kîvooto, na tî Ngai.

Ayubu 32:3

Wana aarî marakara manene kûrî arata a Ayubu athatû, nîûndû mationia ûndû wa gûcokeria Ayubu. Ûndû ûcio nîwatûmire kwoneke takwa Ngai aarî na mavîtia.

Ayubu 33:9

We wauga atî nîrî mûtheru, na ndirî na mavîtia, nîrî mûtheru, na ndirî na mevia.

Ayubu 42:7

Ngai-Mûnene arîkia kwaria a Ayubu nîwacokire akîîra Elifazi Mûtemani atîrî, “Nîrî mûrakaru mûno nîûndû waku, vamwe na arata aku aîrî; nîûndû matianaria ûvoro ûmbîgiî ta ûrîa Ayubu ndungata yakwa yekaga.

Ayubu 6:29

Garûrûkani, mûtige kûmbîka naaî. Garûrûkani, nie ndirî ûndû mûcûku mbîkîte.

Nthi 17:15

Mûndû ûrîa ûverithagia mûndû mûthingu na mûndû ûrîa ûrekagîrîria mûndû mwaganu, Ngai-Mûnene nîamathûrîte wa oîrî.

2Akor 1:12

Ûrîa ûratûma twîtîîe na nwa mvote kuga nîrî na thamiri ntheru atî, maûndûrî monthe marîa twîkîte gûkû nthî na makîria kûrî mue, tue twarî na wîvokeku na ngoro ntheru kuuma kûrî Ngai. Twekire ûguo na njîra ya wega wa Ngai na tî na ûûgî wa ûmûndû.

Agal 2:11

Nwatî rîrîa Petero aûkire Antiokia, nînaareganire nake tûrî mbere ya etîkia onthe nîûndû nîwekîte naaî.

Gûco 25:1

“Ethîrwa kûrî na ngarari gatagatîrî ka Aisiraeli aîrî na oîrî mathiî îgootirî nîguo matwithanue, nake mûtwithania ciira atue atî ûmwe tî mwîvia na ûcio wîngî nî mwîvia,