Ayubu 27:2 - ÎVUKU RÎA ÛVORO MWARO

² Nîrevîta na Ngai ûrîa ûtûûraga mwoyo na ûrîa ûnyimîte kîvooto, na Ngai mwene vinya wonthe ûrîa ûtûmîte mbîthîrwa na ruuo ngoro!

Ayubu 27:2 ပူးပေါင်းရင်းမြစ်များ

2Sam 2:27

Joabu nîwacokirie atîrî, “Nie nevîta na Ngai ûrîa ûtûûraga mwoyo, atî kethîrwa ndûnaria, andû akwa mangîathiî na mbere kûmûvinyûria nginya rûyû kîraûko.”

1Atha 17:1

Mûrathi Elija wa kuuma Tishibe ya Gileadi nîwerire mûthamaki Ahabu atîrî, “Rîîtwarî rîa Ngai-Mûnene, Ngai wa Isiraeli ûrîa ûtûûraga mwoyo, ûrîa ndungataga, gûtikethîrwa kûrî na îme kana mbura îvinda rîa mîaka îno îrûmîrîrîte nginya rîrîa ngaauga.”

1Atha 18:15

Nake Elija nîwacokirie atîrî, “Nevîta na Ngai-Mûnene mwene vinya wonthe, ûrîa ndungatagîra, atî nîngûthiî kûrî mûthamaki ûmûnthî.”

2Atha 4:27

Nwatî rîrîa mûndûmûka ûcio aakinyire kûrî Elisha vau kîrîmarî, nîwanyitire magûrû ma Elisha. Nake Gehazi nîwathiîre vakuvî nîguo amûthengutie vo, nwatî Elisha nîwamwîrire atîrî, “Tigana nake, nîûndû arî na ûndû ûramûthînia mûno ngororî; na Ngai-Mûnene nîanthithîte ûndû ûcio, akarega kûmbîra.”

Ayubu 10:3

Wonaga ûgîka waro rîrîa ûkûnginyîrîria? Kana rîrîa ûranyarara wîra wa njara ciaku, na ûkenda wîra wa andû arîa aganu?

Ayubu 16:11

Ngai andekereretie kûrî andû arîa mataicî Ngai, na akandekia njararî cia andû arîa aganu.

Ayubu 19:6

Menyani atî nî Ngai ûtûmîte njîvie, na akambigîra mûtego nîguo anyitithie.

Ayubu 23:16

Ngai nîathirîtie ngoro yakwa vinya, Mwene Vinya Wonthe nîambîguithîtie guoya.

Ayubu 34:5

Ayubu augîte atîrî, ‘Nie ndirî na mavîtia, na Ngai nîmûreganu na kîvooto gîakwa.

Ayubu 35:2

“Ûreciria ûndû ûyû nî mwaro, kuga ûrî mwagîrîru mbere ya Ngai?

Ayubu 40:8

Nîkwa ûrenda kûregana na îtua rîakwa, wonanie atî nîrî na mavîtia, nîguo we ûtuîke mwaro?

Ayubu 9:17

Ke nîamindiûranagia na rûkûngi rûnene; nîanyongagîrîra nguraro gûtarî na gîtûmi.

Ayubu 9:18

Ndakaareka wanarî mveva, nwatî atûmaga ndûûre mbîcûrîtwe nî marakara.

Isaia 40:27

We Isiraeli njiarwa cia Jakovu, nîndûî gîtûmaga warie, nîndûî gîtûmaga uuge atî, “Ngai-Mûnene ndatwîciragia, na Ngai wetû ndatûtucagîra ciira na kîvooto.”

Jeremia 12:16

Na nîgûgakinya atî ethîrwa nîmagetîkîra na kinyi kûrûmîrîra wîtîkio wa andû akwa na mevîte na rîîtwa rîakwa, ‘Wata ûrîa Ngai-Mûnene atûûraga mwoyo,’ ta ûrîa vîndî îmwe mathomithîtie andû akwa kwîvîta na Baali, nîmagacoka mathereme marî gatagatîrî ka andû akwa.

Jeremia 4:2

na mûngîîvîta mûrî na ûûma, kîvooto na ûthingu, mûkiugaga, ‘wata ûrîa Ngai-Mûnene atûûraga mwoyo,’ vîndî îo mavûrûri nîmakaarathimwa, na magîe na riiri nîûndû wakwa.”

Jeremia 5:2

Wana ethîrwa nîmaugaga: “Wata ûrîa Ngai-Mûnene atûûraga mwoyo,” kwîvîta kwao nî kwa maveeni.

Ezek 33:11

Meere atî wata ûrîa nie Ngai-Mûnene Ngai ndûûraga mwoyo, ndikenagua nî gîkuû Kîam mûndû mwîvia, nwatî mendaga mûndû mwaganu agarûrûke atige mîthiîre yake na atûûre mwoyo. Mue andû a Isiraeli mûrenda gûkua nîkî? Garûrûkani mûtige maûndû menyu ma waganu.

Ndari 14:21

Nwatî nîngwîranîra nama atî, wata ûrîa ndûûraga mwoyo na wata ûrîa riiri wakwa wîcûrîte nthî yonthe,

Ruthu 3:13

Rara gûkû ûmûnthî, nîguo rûyû kîraûko tûkamenya kana mûndû ûcio nîagetîkîra gûkûgaa. Ethîrwa nîagetîkîra, nî waro; nwatî ethîrwa nîakaarega, nînevîta na Ngai-Mûnene ûrîa ûtûûraga mwoyo atî nîngakûgaa. Rîu mama nginya rûyû kîraûko.”

1Sam 14:39

Nie nîngwîvîta na Ngai-Mûnene ûrîa ûtûûraga mwoyo, ûrîa ûvotithagia andû a Isiraeli kûvootana atî, mûndû ûrîa ûkwîthîrwa arî na mavîtia nwanginya aûragwe, wana ethîrwa arî mûûriû wakwa, Jonathani.” Nwatî gûtirî mûndû wanarî ûmwe gatagatîrî ka andû acio onthe waugire ûndû.

1Sam 14:45

Nao andû nîmeerire Saûlo atîrî, “Kûngîvoteka atîa Jonathani akue na arutîte wîra mûnene ûguo wa gûtûma andû a Isiraeli mavootane? Naarî! Tue nîtwevîta na Ngai-Mûnene ûrîa ûtûûraga mwoyo atî, gûtirî wanarî rûcuîrî rûmwe rûkauma kîongorî gîake. Ûrîa ekire ûmûnthî wîkîkire na ûtethio wa Ngai.” Kwoguo andû nîmaavonokirie Jonathani kuuma gîkuûrî.

1Sam 20:21

Nîngaacoka mbîîre ndungata yakwa îthiî îgacarie mîguî îo. Na nîngîkera ndungata îo atîrî, ‘Taroria mîguî îrî mwena ûcio ûrî, mîoce,’ vîndî îo nîûkaamenya atî kûrî na thayû na nwa umîre. Nînevîta na Ngai-Mûnene ûrîa ûtûûraga mwoyo atî gûtikethîrwa kûrî na ûgwati.

1Sam 25:26

Nî Ngai-Mûnene akûgiririe wîrîvîrîria na njîra ya kûraga nthû ciaku. Na rîu nîngwîvîta na Ngai-Mûnene ûrîa ûtûûraga mwoyo atî nthû ciaku na andû onthe arîa mendaga gûgwîka ûûru makaaverithua ta Nabali.

1Sam 25:34

Ngai-Mûnene nîangiririe ndigakûgere ngero. Nwatî nîrevîta na Ngai wa Isiraeli ûrîa ûtûûraga mwoyo atî, kethîrwa ndûnaûkanga kûrî nie arûme onthe a Nabali mangîkethîrwa marî akuû rûyû kîraûko!”