Ayubu 26:12 - ÎVUKU RÎA ÛVORO MWARO

¹² Vinya wake nîwavorerie îria, na ûmenyo wake nîwacûkangirie njûnamatu îrîa îtagwa Rahabu.

Ayubu 26:12 ပူးပေါင်းရင်းမြစ်များ

Ayubu 12:13

Nwatî ûûgî na vinya nî cia Ngai, naguo ûmenyo na kîrîra nî ciake.

Ayubu 26:11

Itugî irîa inyitîrîrîte îgûrû nîcinainaga, na igatetema rîrîa Ngai aigûkia.

Ayubu 9:13

“Marakara ma Ngai matingîgirîrîkia; arîa matethagia njûnamatu îrîa îtagwa Rahabu, nîmamwînamagîrîra.

Thaburi 29:10

Ngai-Mûnene nîke wathaga îria, ke atûûraga arî mûthamaki tene na tene.

Thaburi 74:13

We nîwagaanirie îria na vinya waku mûnene, na ûgîtombora ciongo cia njûnamatu irîa nene cia îriarî.

Isaia 2:12

Mûthenya wa Ngai-Mûnene, mwene vinya wonthe nîûgaakinya, nîakaaverithia arîa onthe metîîaga na meyonaga marî aro, na arîa onthe metûgagîria.

Isaia 51:15

“Nie nînie Ngai-Mûnene Ngai wenyu, nînie ndûmaga îria rikie ndivû, na ngatûma makûmbî ma rîo marurume. Ngai-Mûnene mwene vinya wonthe nîrîo rîîtwa rîakwa.

Isaia 51:9

Ûkîra, ûkîra, we Ngai-Mûnene! Îkîra vinya waku ûtûvonokie, ûkîra wata ûrîa wekire vingo ya tene, kûrî njiarwa cia tene. Na kinthî tîwe watinangirie Rahabu tûcunjî tûcunjî, wa we ûrîa wamundangire njûnamatu?

Jeremia 31:35

Ngai-Mûnene ûrîa arî ke Ngai mwene vinya wonthe arauga atî: Nîke ûvecaga riûa ûtheri nîguo rîare mûthenya, na akava mweri na njata ûtheri nîguo imûrîkage ûtukû. Nîke winainagia îria gûkagîa na makûmbî ma manjî na makaruruma.

Danieli 4:37

Na rîu, nie Mûthamaki Nebukadinezarû, nînîragooca, ngakumia na ngava Mûthamaki wa îgûrû riiri, nîûndû mawîra make monthe nî ma kîvooto, njîra ciake nî cia ma, na nîanyivagia arîa etîi.

Jakuvu 4:6

Nwatî Ngai nîavecanaga wega mwîngî makîria, wata ûrîa mandîko matheru maugîte atî, “Ngai nîareganaga na andû arîa etîi, nwatî nîavecaga arîa enyivia wega wake.”