Ayubu 24:4 - ÎVUKU RÎA ÛVORO MWARO

⁴ Magiragîrîria ngîa inyita ivooto ciao, na magatûma athîni onthe methithe.

Ayubu 24:4 ပူးပေါင်းရင်းမြစ်များ

Ayubu 24:14

Mûragani aramûkaga macangîa, nîguo akaûrage athîni na ngîa; na gwatuka akathiî kwîa.

Ayubu 29:12

Nîûndû athîni mangaîra nînamatethirie, na ngîtethia ûrîa ûtaarî na îthe wa kûmûtethia.

Ayubu 29:16

Nie naarî îthe wa athîni, na nînarûmbûyania na maciira ma andû arîa ndaicî.

Ayubu 30:25

Kinthî ndiarîrire nîûndû wa arîa maarî mathînarî? Kinthî ndiacaîre athîni?

Ayubu 31:16

Nie ndianaima mûthîni kîndû, kana ndûma aka a ndigwa mata mwîvoko.

Ayubu 31:19

Rîrîa nona mûndû agîkua nîûndû wa gûtura nguo, kana mûthîni atarî na nguo ya gwîkîra;

Thaburi 109:16

Mûndû ûcio ndaaririkana gûtugana, aanyaririre andû arîa maarî athîni na avatari, na arîa matakwîvota nginya akîmaûraga.

Thaburi 41:1

Kûrathimwa nî andû arîa marûmbûyagia andû arîa athîni; Ngai-Mûnene nîakaamatethia vîndî îrîa makaagwatwa nî thîna.

Nthi 14:31

Mûndû ûrîa ûvinyagîrîria athîni nîarumaga Ngai ûrîa wamaûmbire, nwatî mûndû ûrîa wîgucagîra athîni ntha nîakumagia Ngai.

Nthi 22:16

Mûndû ûrîa ûvinyagîrîria mûthîni nîguo ongerere ûtonga wake kana akava itonga, ke mwene arîkagîrîria na kûthîna.

Nthi 28:12

Rîrîa andû arîa athingu matuîka athani, andû nîmakûngûagîra, nwatî andû arîa aganu matuîka athani, andû nîmaûraga nî o.

Nthi 28:28

Rîrîa andû arîa aganu matuîka athani, andû nîmaûraga nî o, nwatî rîrîa mauma wathanirî, andû arîa athingu nîmongererekaga.

Nthi 30:14

Kûrî andû marî na magego mekariî ta mviû, magego mau mao mekariî ta tûviû; mendaga gûcûkangia andû arîa athîni mathire gûkû nthî, andû arîa matarî vinya mathire gatagatîrî ka andû.

Isaia 10:2

Mekaga ûguo nîguo maime athîni kîvooto, na gûcuuna athîni a andû akwa kîrîa kîmagîrîrîte. Matavaga aka a ndigwa, na makaîa ciana cia ndigwa.

Ezek 18:12

Ke nîavinyagîrîria andû arîa athîni na arîa mavatarîte, nî mûcunani, ndarîvaga kîndû kîrîa meranîrîte atî nîakaarîva, nî avoyaga mîvuanano, na nîekaga maûndû marî mûgiro,

Ezek 18:18

Ûvoro wîgiî îthe, ke nîwavinyanagîrîria, nîwacunire mûrwang'ina kîndû, na nîwekire andû ao maûndû mataarî maro, kwoguo îthe nîagaakua nîûndû wa mevia make marîa ekire.

Ezek 22:29

Andû onthe a vûrûri nîmacunanaga na makaîa na vinya. Nîmanyariraga athîni na ngîa, na makavinyîrîria ageni vatarî kîvooto.

Amosi 2:7

Nîmaanyamaririe arîa matarî vinya, na makaregana na kîvooto Kîam athîni. Mûndû na îthe mamenyanaga kîîmwîrî na mwîrîtu ûmwe ngombo, kwoguo nîmatûmaga rîîtwa rîakwa rîtheru rîgîe na mûgiro.

Amosi 4:1

Tathikîrîriani kiugo gîkî, mue aka a Samaria mue mûnorete ta ng'ombe cia Bashani irîa ndîthie waro mûno. Mûnyamaragia athîni na mûkavinyîrîria arîa matarî kîndû na mûkera arûme enyu mamûretere ndivei mûnyue!