Ayubu 24:23 - ÎVUKU RÎA ÛVORO MWARO

²³ Atûmaga arîa aganu mone marî agitîre, nwatî ekaraga aroretie mîthiîre yao.

Ayubu 24:23 ပူးပေါင်းရင်းမြစ်များ

Ayubu 10:4

Metho maku nîta ma mûndû? Wonaga ta ûrîa mûndû onaga?

Ayubu 11:11

Ngai nîamenyaga andû arîa matarî aro, Ona maûndû macûku magîkwa, ke nîeciragia ûvoro wamo.

Ayubu 12:6

Mîciî ya aûragani îrî na thayû, na arîa marakaragia Ngai matûûraga marî agitîre, vinya wao umaga kûrî ngai ciao.

Ayubu 31:4

Ngai nîecî njîra ciakwa, na akamenya ciîko ciakwa cionthe.

Ayubu 34:21

“Metho make maroragia mîthiîre ya andû, na nîonaga mîthiîre yao yonthe.

Thaburi 10:5

Nîmonaga indo cionthe irîa mendaga, matingîtaûkîrwa nî ûrîa Ngai atucanagîra, manyararaga nthû ciao cionthe.

Thaburi 119:168

Nî mvingagia matuîro maku ma ciira na mataaro maku, nîûndû we nîwicî mîthiîre yakwa yonthe.

Nthi 15:3

Ngai-Mûnene onaga kûndû kuonthe; nîonaga rîrîa andû mareka maûndû macûku na rîrîa mareka maûndû maro.

Nthi 5:21

Ngai-Mûnene ethagîrwa aroretie mîthiîre ya mûndû, na nîonaga njîra ciake cionthe.

Mûvunjia 5:8

Ndûkamake rîrîa ûkwona vûrûrirî atongoria makîvinyîrîria arîa athîni na makîmacuna ivooto ciao na maûndû ma ma. Mûtongoria wa wonthe ethagîrwa arî rungu rwa mûtongoria wîngî, nao oîrî methagîrwa marî rungu rwa atongoria engî.

Mûvunjia 8:11

Ngoro cia andû ciîthagîrwa ciîvarîrîtie gwîka maûndû marîa macûku nîûndû îverithia rîa ûndû mûcûku rîtiîkagwa na îvenya.

Isaia 56:12

Meranaga atîrî, “Ûkani tûgacarie ndivei; tigani tûnyue njovi tûvae! Rûyû rûkaavana wata ûmûnthî, na rûyû ûkethîrwa ûrî mûthenya mûnene makîria!”

Amosi 8:7

Ngai-Mûnene, Ngai wa Isiraeli nîevîtîte akauga atîrî, “Nama ndikariganîrwa nî ciîko ciao njûku.

Amosi 9:2

Wana menja njîra îthiîte kwa arîa akuû, nîngaamaruta kuo na njara yakwa; wana mangîkaunûkia mathiî îgûrû, wana kuo nîngamanyûrûrûkia gûkû nthî.

Habakuku 1:13

Metho maku nî matheru mûno, ndûngîûmîrîria kwona maûndû macûku, na ndûngîîtirîria kwona andû magîka naaî. Kwoguo ûrakira nîkî rîrîa andû arîa aganu, maracûkangia andû arîa athingu kûmakîra?

Luka 12:45

Nwatî ndungata îo îngîîra atîrî, ‘Mwathi wakwa nîagwîkara kavinda karaca ma agîgaacoka,’ na yambîrîrie kûriva ndungata cia arûme na cia aka irîa irî kuo, na îcoke yambîrîrie kûrîa na kûnyua ndivei nginya îkarîwa,

1Ath 5:3

Rîrîa andû makeethîrwa makiugaga, “Tûrî na thayû na tûrî agitîre,” nîmagaacûkangua wa rîmwe wata ûrûrû ûrîa ûkaga kûrî mûndûmûka agîciara. Andû matikaavota kûra.

Kûguû 2:23

Wana nîngaaûraga arûmîrîri ake. Namo makanitha monthe nîmakaamenya atî nie nînie nduîragia meciria ma andû na ngamenya merirîria mao. Nie nîngaaverithia wa ûmwe wa cienyu kûringana na mevia marîa ekîte.