Ayubu 24:13 - ÎVUKU RÎA ÛVORO MWARO

¹³ Kûrî na andû mareganaga na ûtheri, matingîimenya njîra ciaguo, wana matiirûmagîrîra.

Ayubu 24:13 ပူးပေါင်းရင်းမြစ်များ

1Atha 3:20

Nîwacokire akîramûka ûtukû, agîoca kaana gakwa kuuma varîa twamamîte nako na akîthiî nako ûrîrîrî wake. Nîwacokire akîrete karîa gake karî gakuû ûrîrîrî wakwa nîrî toro.

Ayubu 24:12

Na kûu matûûrarî kûrî na mûcayo wa arîa marakua, na arîa agurarie nîmarakaa makîenda ûtethio, nwatî Ngai ndathikagîrîria mavoya mao.

Ayubu 24:14

Mûragani aramûkaga macangîa, nîguo akaûrage athîni na ngîa; na gwatuka akathiî kwîa.

Ayubu 24:16

Aîi mavunjaga nyomba ûtukû, na mûthenya makevingîra nyomba, matiumagîra ûtherirî.

Ayubu 38:13

nîguo wîcûre mîthiia yonthe ya nthî, na ûtûme andû arîa aganu, maume kuo?

Ayubu 38:15

Nwatî andû arîa aganu nîmakaaimwa ûtheri wao, njara irîa ciîkaga maûndû macûku nîikaunangwa.

Ayubu 5:14

Marumagîrwa nî nduma kûnarî mûthenya, na maatataga mûthenya ta andû marî ndumarî.

Nthi 4:19

Njîra ya andû arîa aganu nîta nduma ndumanu, magwîcaga na matimenyaga kîrîa kîmavîngaga.

Johana 12:35

Nake Jesû nîwamerire atîrî, “Ûtheri nîwîthîrwa ûrî gatagatîrî kenyu kavinda kanini. Thiîni rîrîa kûrî na ûtheri nîguo mûtikethîrîrue nî nduma, nîûndû mûndû ûrîa ûthiîcaga kûrî na nduma ndamenyaga kûrîa arathiî.

Johana 12:40

“Ngai nîamatuîte atumumu, na akamaûmia ngoro, nîguo matikone na metho mao, na matigataûkîrwe ngororî ciao, wana matikanjokerere nîmavonie.”

Johana 15:6

Mûndû wa wonthe ûtekaraga ndaarî yakwa nîatecagwa wata ûrîa rûvûa rûtecagwa rûgacoka rûkaûma. Mvûa ta icio nîciocanagua na igaikua mwakirî na ikavîa.

Johana 8:31

Kwoguo Jesû nîwerire Ayahudi atîrî, “Mwona mwathîkîra ciugo ciakwa, nîmûgûtuîka arutwa akwa.

Johana 8:44

Mue mûrî ciana cia îthe wenyu Ngoma na mwendaga gwîka maûndû wata marîa îthe wenyu endaga gwîka. Kuuma wa Kîammbîrîria ke aarî mûragani na ndaanenda ûvoro wa ma nîûndû ke ndaanaria ûvoro wa ma. Rîrîa araria maveeni ethagîrwa akîaria kîrîa tu kîrî ngororî yake, nîûndû ke nî mûthaani na nîke îthe wa maveeni.

Aroma 1:32

Nîmaicî atî Watho wa Ngai ugîte atî arîa onthe mekaga maûndû ma waganu magîrîrwe nî gûkua. Nwatî nîmathiîcaga na mbere na kûmeka na kûgathîrîria andû arîa mekaga maûndû ta mau.

Jakuvu 4:17

Mûndû wa wonthe wîcî ûndû mwaro ûrîa agîrîrwe nî gwîka, nwatî ndawîkaga, nî evagia.

1Joh 2:19

Andû aya nama matiarî a gîkundi gîetû, kwoguo nîmaatûtigire. Maangîethîrwe marî a gîkundi gîetû nîmangîekaranirie natue. Nwatî nîmaatûtigire nîguo kûonekane waro atî matiarî etû.

Juda 1:6

Taririkanani araika arîa maaregire wathani ûrîa maavetwe, nwatî magîtiganîria ciîkaro ciao. O maigîtwe ndumarî, movetwe na mînyororo tene na tene, nîguo Ngai akaamatuîra Mûthenya ûcio mûnene.